कृषिरत्न फाउंडेशनची ‘आधारतीर्थ’तील आत्महत्याग्रस्त शेतकऱ्यांच्या मुलांना मदत

नाशिक : ‘कोरोना’च्या पार्श्वभूमीवर कसमादे पट्ट्यातील कृषिरत्न फाउंडेशनतर्फे त्र्यंबकेश्वर येथील आत्महत्याग्रस्त मुलांच्या 'आधारतीर्थ' आश्रमात किराणा व भाजीपाला देण्यात आला.
कृषिरत्न फाउंडेशनकडून आत्महत्याग्रस्त शेतकऱ्यांच्या मुलांसाठी मदतीचा हात
कृषिरत्न फाउंडेशनकडून आत्महत्याग्रस्त शेतकऱ्यांच्या मुलांसाठी मदतीचा हात

नाशिक : ‘कोरोना’च्या पार्श्वभूमीवर सध्या वाहतुकीची अडचण आहे. त्यामुळे अनेक घटकांना जीवनावश्यक गोष्टी उपलब्ध करण्यासाठी धावपळ करावी लागत आहे. या परिस्थितीत गरजूंच्या मदतीसाठी शेतकरी सरसावले आहेत. कसमादे पट्ट्यातील कृषिरत्न फाउंडेशनतर्फे त्र्यंबकेश्वर येथील आत्महत्याग्रस्त मुलांच्या 'आधारतीर्थ' आश्रमात किराणा व भाजीपाला देण्यात आला. 

‘आधारतीर्थ’ आश्रमात १७० मुले आश्रयास आहेत. त्यांची देखभाल, शिक्षण, कपडे आणि दोन वेळच्या जेवणाची सोय या आश्रमातर्फे केली जाते. परंतु, सध्या ‘कोरोना’चा प्रादुर्भाव होऊ नये, यासाठी काळजी घेतली आहे. या काळात मुलांच्या भोजनाची अडचण येऊ नये, यासाठी फाउंडेशनच्या पदाधिकाऱ्यांनी तत्परतेने मदत करण्याचा निर्णय घेतला. 

फाउंडेशनचे मार्गदर्शक संजय हिरे व नवल मोरे यांच्या मार्गदर्शनाखाली किरण्यामध्ये चणाडाळ, बेसन पीठ, तेल, रवा, गहू, साखर, बाजरी, तांदूळ, तूरडाळ, पोहे, तर भाजीपाल्यामध्ये कारले, कोबी, मिरची, टोमॅटो, बटाटे, कांदा, फ्लॉवर, तर फळांमध्ये टरबूज देण्यात आले. योगेश सोनवणे यांनी रोजच्या व्यवसायाची पर्वा न करता स्वखर्चाने आपल्या वाहनातून मदत पोचविली. 

संस्थेचे संचालक शेखर पवार, संस्थापक योगेश पवार, अध्यक्ष संजय पवार, उपाध्यक्ष जगदीश गांगुर्डे, संघटक दर्शन पवार, निलेश जाधव, स्वप्नील पाटील व प्रवीण पवार या सर्वांनी माल पॅकिंग करून मदत पाठविण्याचे नियोजन केले.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com