agriculture news in Marathi, la-nina condition is favorable for monsoon, Maharashtra | Agrowon

‘ला-निना’ स्थिती यंदाच्या मान्सूनसाठी उपयुक्त ः डाॅ. पै

टीम अॅग्रोवन
बुधवार, 28 मार्च 2018

हवामान विभागातर्फे एप्रिलमध्ये यंदाच्या मान्सूनचा दीर्घकालीन अंदाज देण्यात येणार आहे. ‘ला-निना’ स्थिती मान्सूनला उपयुक्त ठरत असली, तरी इतर मापदंडांचा विचारही अंदाज देताना करण्यात येणार आहे. 
- डाॅ. डी. एस. पै, संचालक, दीर्घकालीन हवामान अंदाज, आयएमडी.

नवी दिल्ली : प्रशांत महासागरातील ‘ला-निना’ स्थितीची तीव्रता कमी होत असल्याचे जागतिक हवामान तज्ज्ञांनी स्पष्ट केले आहे. मात्र ही स्थिती मे महिन्यापर्यंत कायम राहण्याचा अंदाज भारतीय हवामान तज्ज्ञांनी व्यक्त केला आहे. ‘‘नैर्ऋत्य मोसमी वाऱ्यांना (मान्सून) पोषक ठरणारी ला-निना स्थिती जून महिन्यापासून निवळण्यास सुरवात होणार अाहे. यंदाच्या मान्सूनच्या पावसासाठी ‘ला-निना’ उपयुक्त ठरणार आहे, असे मत भारतीय हवामान विभागाच्या दीर्घकालीन हवामान अंदाज विभागाचे संचालक डाॅ. डी. एस. पै यांनी दिली.   

  प्रशांत महासागराच्या पूर्व-मध्य भागात समुद्राच्या पृष्ठभागाचे तापमान सरसरीपेक्षा कमी असल्यास त्या स्थितीला ‘ला-निना’ म्हटले जाते. ही स्थिती भारतात चांगला पाऊस पडण्यास पोषक ठरते. तर प्रशांत महासागरातील विषुववृत्तीय भागात समुद्र पृष्ठभागाचे तापमान वाढल्यास ‘एल निनो’ स्थिती असते. त्यामुळे मान्सूनमध्ये सरासरीपेक्षा कमी पाऊस पडतो. गेल्या वर्षी भारतात सरासरीपेक्षा कमी म्हणजेच ९५ टक्के पाऊस पडला होता.

हवामान विभागाच्या संज्ञेनुसार ९६ ते १०४ टक्के पाऊस सरसरी इतका, ९० ते ९६ टक्के पाऊस सरासरीपेक्षा कमी, तर ९० टक्क्यांपेक्षा कमी पाऊस सरासरीपेक्षाा अपुरा मानला जातो. देशातील वार्षिक पावसाच्या ८० टक्के पाऊस मान्सूनमध्ये पडतो. पूर्णपणे पावसाच्या पाण्यावर अवलंबून असलेल्या शेतीसाठी हा पाऊस परिणामकारक ठरतो.

समुद्र आणि वातावरणातील मापदंडानुसार ला-निना स्थिती संपुष्टात आली आहे. सध्या सर्वसाधारण स्थितीत असणारे समुद्राच्या पृष्ठभागाचे तापमान डिसेंबर महिन्यापर्यंत हळूहळू वाढत जाणार असल्याचे अहवाल आॅस्ट्रेलियातील हवामान तज्ज्ञांनी दिला आहे. अमेरिकेतील आंतरराष्ट्रीय हवामान संशोधन संस्थेने जून ते सप्टेंबर या कालावधीमध्ये एल निनो तयार होण्याची शक्यता २४ ते ३१ टक्के, तर स्थिती सर्वसाधारण राहण्याची ५३ ते ६१ टक्के शक्यता असल्याचे मागील आठवड्यात म्हटले आहे.

तसेच जुलै महिन्यानंतर सर्वसाधारण स्थिती नाहीशी होऊन एल निनो स्थिती वाढत जाणार असल्याचे या अमेरिकन संस्थेने स्पष्ट केले आहे. आॅस्ट्रेलिया आणि अमेरिकेतील हवामान संस्थांनी ‘ला-निना’बाबत व्यक्त केलेली शक्यता भारतीय हवामान विभागाने फेटाळली आहे. 

 


इतर अॅग्रो विशेष
पीककर्ज वाटपात राज्यात कोल्हापूर प्रथम...कोल्हापूर : जिल्ह्याकरिता पीक कर्जाचे वार्षिक...
कृषी विधेयकांना वाढता विरोधनवी दिल्लीः देशभरात ठिकठिकाणी विशेषतः पंजाब आणि...
तंबी देताच फळपिकांची विमा भरपाई झाली...पुणे: फळपिक विमा योजनेतील अडवून ठेवलेली नुकसान...
कांदा उत्पादकांची सावध चाल नाशिक: केंद्राच्या वाणिज्य मंत्रालयाने कांदा...
मराठवाड्यात पावसाचे धुमशान पुणे ः मराठवाड्यात पावसाचे धुमशान सुरूच आहे....
ग्रामपंचायतींच्या निवडणुकांसाठी निवडणूक...मुंबई: कोरोनामुळे स्थगित करण्यात आलेल्या आणि...
हलक्या पावसाची शक्यता पुणे ः बंगाल उपसागराच्या ईशान्य परिसरात उद्या (ता...
शेतकऱ्यांना उभारी देणारी संत ज्ञानेश्‍...किनखेडा (ता.रिसोड,जि.वाशीम) येथील प्रगतशील शेतकरी...
बाजार स्वातंत्र्यांची मागणी पूर्ण पुणेः केंद्र सरकारने सादर केलेल्या शेती आणि पणन...
गुणवत्तापूर्ण हळद, डाळींची थेट...सनपुरी (जि. परभणी) येथील प्रयोगशील शेतकरी नरेश...
मराठवाड्यात जोरदार पावसाचा पिकांना फटकाऔरंगाबाद, परभणी : औरंगाबाद, जालना, बीड, लातूर,...
हजारो टन कांदा निर्यातीच्या प्रतीक्षेतमुंबई/नाशिक : देशभरात कांदा निर्यातबंदी...
बीटी वांग्याच्या दुसऱ्या टप्प्यातील...पुणे : देशभरात चर्चेत असलेल्या बीटी वांग्याच्या...
साखर निर्यातीचे करार ५७ लाख टनांवरकोल्हापूर : देशातल्या साखर निर्यातीचे करार आता ५७...
तुरळक ठिकाणी जोरदार पावसाची शक्यतापुणे ः बंगालचा उपसागर व उत्तर तामिळनाडूच्या...
दूध सल्लागार समिती कागदावरचपुणे : राज्यस्तरीय दूध सल्लागार समितीची एकही बैठक...
राज्यात मोसंबी १००० ते ४००० रुपये...औरंगाबादमध्ये १००० ते २५०० रुपये प्रतिक्विंटल...
कांदा, लसूण शेतीत बहिरवाडीने मिळवली...बहिरवाडी (ता. जि. नगर) हे छोटे गाव कांदा व लसूण...
स्पर्धेत टिकण्यासाठी ‘ई-नाम’केंद्र सरकारने कृषी, पणन व्यवस्थेत सुधारणा घडवून...
बाजार सुधारणांत नको राजकीय धुळवडकोरोनाच्या पार्श्वभूमीवर होत असलेल्या संसद...