खानदेशात शेतीकामात मजूरटंचाई

वाफसा आहे, परंतु मजूर पुरेसे मिळत नाहीत. मजुरीचे दर स्थिर नाहीत. अधिकचा खर्च मजुरीवर या हंगामात लागत आहे. शेतीकामे २० ते २२ दिवस ठप्प राहिली. सध्या वाफसा असल्याने एकाच वेळी सर्वच शेतकऱ्यांनी शेतीकामे हातात घेतली आहेत. - आत्माराम पाटील, शेतकरी, कापडणे, (जि. धुळे)
खानदेशात शेतीकामात मजूरटंचाई
खानदेशात शेतीकामात मजूरटंचाई

जळगाव : खानदेशात जुलैमधील अखेरचे १० दिवस व ऑगस्टच्या सुरवातीचे १० दिवस बऱ्यापैकी पर्जन्यमान राहिले. पण, यामुळे शेतांमध्ये तण वाढले. शिवाय आंतरमशागती व इतर कामे ठप्प राहिली. आता एकाच वेळी शेती कामांना वेग आला आहे. त्यामुळे मजूरटंचाई वाढली आहे. परिणामी, शेतकऱ्यांचा उत्पादन खर्चही वाढ झाल्याची स्थिती आहे. 

सततच्या पावसाने मुरमाड जमिनी वगळता मध्यम व काळ्या कसदार जमिनीत वाफसा नव्हता. तापी, गिरणा व पांझरा काठावरील काही काळ्या कसदार जमिनीत अजूनही हवा तसा वाफसा नाही. यातच मध्येच सरी कोसळत असल्याने वाफसा राहत नाही. यामुळे कापूस, कडधान्य, तृणधान्याच्या शेतात तण वाढले. अनेक शेतकऱ्यांनी सोयाबीन, कापूस पिकांत तणनाशकांचा उपयोग केला. पण कडधान्य, तृणधान्य पिकात तणनाशके वापरूनही तण नष्ट झाले नाही. अशा सगळ्या स्थितीत शेतीकामे ठप्प राहिली. 

मागील पाच-सहा दिवसांमध्ये खानदेशातील धुळे भागातील शिंदखेडा, धुळे, शिरपूर, जळगावमधील चोपडा, यावल, धरणगाव, एरंडोल, पाचोरा, चाळीसगाव, भडगाव, बोदवड, जामनेर, जळगाव, भुसावळ, यावल आदी भागात बऱ्यापैकी वाफसा तयार झाला आहे. शेतीकामांना वेग आला आहे. परंतु, एकाच वेळी सर्वच भागात, बहुतांश शेतकऱ्यांनी तणनियंत्रण, फवारणी, आंतरमशागत आदी कामे हाती घेतली. यामुळे सर्वत्र मजूरटंचाई वाढली आहे. 

मजुरी अधिकची देऊन तणनियंत्रण, आंतरमशागतीची कामे शेतकऱ्यांना करून घ्यावी लागत आहेत. भाडेतत्त्वावर औत व मजूर हवा असल्यास किमान एक हजार रुपये रोज, अशी मजुरी लागत आहे. एकरभर कापूस, सोयाबीन, उडीद, ज्वारी, मूग, ताग आदी पिकातील तणनियंत्रणासाठी किमान ७०० ते ८०० रुपये मजुरी शेतकऱ्यांना मोजावी लागत आहे. तणनियंत्रण करून लागलीच आंतरमशागतही शेतकरी मंडळी उरकून घेत आहेत. तणाचा बिमोड करण्यासाठी अधिकचे श्रम व मजुरी लागत आहे. 

फवारणीची कामेही गतीने सुरू असून, दोन एकर कापूस पिकाच्या शेतात फवारणीसाठी किमान २५० रुपये मजुरी लागत आहे. पुढे पोळा सण असून त्यापूर्वी फवारणी, आंतरमशागती, तणनियंत्रणाची कामे उरकून घेण्याकडे शेतकऱ्यांचा कल आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com