agriculture news in marathi, labour scarcity in varhad, maharashtra | Agrowon

वऱ्हाडात निंदणी, डवरणीसाठी मजूर मिळेना

टीम अॅग्रोवन
सोमवार, 9 जुलै 2018

माझ्याकडे तीन एकर शेती अाहे. ट्रॅक्टरने पेरणी केली. पैसे देऊनही डवरणीकरिता बैलजोडी वेळेवर मिळत नसल्याने १२०० रुपयांत डवरणी यंत्र अाणले. दिवसभरात एक एकर शेतात डवरणी झाली.
-किसन लक्ष्मण नरवाडे, शेतकरी, मोहजा इंगोले

अकोला ः वऱ्हाडात जून महिन्यातील पहिल्या अाठवड्यात लागवड झालेले पीक अाता महिनाभराचे झाले असून डवरणीला अाले अाहे. अनेक शेतांमध्ये डवरणीची कामे सुरू असून बैलजोडीची संख्या कमी झाल्याने अडचणी येत अाहेत. शिवाय शेती कामांसाठी मजुरांची टंचाईसुद्धा भेडसावू लागली अाहे.

एकाचवेळी निंदण, डवरणी तर काही भागांत पेरणी अशी शेतीतील कामे वेगाने होत अाहेत. महिलांना शेतातील कामाची मजुरी चार तासांसाठी १०० रुपयांपर्यंत तर दिवसभरासाठी २०० रुपये मिळत अाहेत. डवरणीसाठी वेगवेगळ्या भागात क्षेत्रफळानुसार किमान ५०० ते एक हजार रुपयांपर्यंत बैलजोडीचा दर अाहे. डवरणीच्या कामासाठी मजुरी देऊनही बैलजोडी मिळत नसल्याचे प्रकार होत अाहेत.

जून महिन्याच्या सुरवातीलाच बऱ्याच भागातील शेतकऱ्यांनी पेरणी केली. अधूनमधून पडलेल्या पावसाने ही पीकं तग धरून होती. अाता या अाठवड्यात पावसाचे पुनरागमन झाल्यानंतर पिकांना अधिक फायदा झाला. यामुळे सध्या जूनमधील लागवड झालेली पिकं बहरली अाहेत. काही शेतकऱ्यांच्या शेतातील पिकांना डवरणीचा एक फेर पूर्ण झाला. बैलजोड्यांची संख्या दिवसेंदिवस कमी झाल्याने डवरणीसाठी बैल उपलब्ध होणे कठीण झाले अाहे. पेरणीचे काम अनेकांनी ट्रॅक्टरच्या साह्याने करून घेतले. परंतु, डवरणीसाठी अाता पुन्हा ट्रॅक्टरची मशागत सर्वसामान्य शेतकऱ्यांना परवडणारी बाब राहिलेली नाही. शेतांमध्ये मशागतीच्या कामांसाठी मजुरांना एकाचवेळी मागणी वाढल्याने अडचणी येत अाहेत.

प्रामुख्याने वाशीम, अकोला जिल्ह्यातील काही भागात गेल्या महिन्यात पेरणी झालेल्या पिकात डवरणी, निंदणाची कामे अधिक जोमाने होत अाहेत. मजूर, तसेच बैलजोडी रोजंदारीने मिळत नसल्याने काही शेतकरी मनुष्यचलित यंत्रांचाही वापर करीत अाहेत. मनुष्यचलित डवरणीयंत्र दिवसभरात एक एकरापर्यंत काम करू शकते. शेतकऱ्यांचा अशी छोटी यंत्रे वापरण्याकडे कल गरजेनुसार व काळानुरूप वाढत चालला अाहे.
 


इतर ताज्या घडामोडी
माजी मंत्री अनिल राठोड यांचे निधननगर, : नगर शहराचे माजी आमदार, तत्कालीन युती...
माजी मुख्यमंत्री शिवाजीराव पाटील...लातूर : काँग्रेसचे जेष्ठ नेते, माजी मुख्यमंत्री...
परभणी जिल्ह्यात तीन लाख ७२ हजार हेक्टर...परभणी : ‘‘पंतप्रधान पिकविमा योजनेअंतर्गंत...
लातूर विभागात विम्याचे २१ लाख हेक्टर...उस्मानाबाद : लातूर, उस्मानाबाद, नांदेड, परभणी,...
'रासाका' लवकर सुरू करा, शेतकऱ्यांची...नाशिक  : गेल्या काही दिवसांपासून निफाड...
खानदेशात कांदा रोपवाटिकांची स्थिती बिकट...जळगाव : खानदेशात कांदा रोपवाटिकांची स्थिती बिकट...
यावल, रावेरमध्ये मका पिकावर लष्करी अळी...जळगाव : यावल तालुक्यातील किनगाव, डांभुर्णी,...
नाशिक जिल्ह्यात लाल कांद्याच्या तुरळक...नाशिक : जिल्ह्यात खरीप हंगामातील कांदा लागवडीचा...
सोलापूर जिल्ह्यात सोयाबीनच्या निकृष्ट...सोलापूर : जिल्ह्यात सोयाबीनच्या निकृष्ठ...
अकोले तालुक्‍यात भात लागवडी रखडल्यानगर : जिल्ह्यातील अकोले तालुक्‍याच्या उत्तर...
गोंदियाची पीक कर्ज वाटपात आघाडीगोंदिया : पीक कर्ज वाटपात जिल्ह्याने आघाडी घेत...
जुन्नर, नारायणगावात टोमॅटोचे दर टिकूनपुणे ः जुन्नर कृषी उत्पन्न बाजार समितीच्या...
प्रतिबंधित कीटकनाशकांची विक्री करू नकाअकोला ः पिकांवर कीटकनाशक फवारणी करताना होणाऱ्या...
माळशिरस, करमाळ्यात मक्याची ३० हजार...सोलापूर  ः अकलूज कृषी उत्पन्न बाजार समिती...
रत्नागिरी जिल्ह्यात मुसळधार पाऊसरत्नागिरी : जिल्ह्यात वेगवान वाऱ्यासह पडणाऱ्या...
चंद्रपूर कृषी विभाग देणार रानभाज्यांची...गोंडपिपरी, जि. चंद्रपूर ः अळू, काटवल, सूरण, टरोटा...
कोल्हापूर जिल्ह्यात पावसाला सुरुवातकोल्हापूर : जिल्ह्यात सोमवारी सायंकाळपासून...
असे होते ग्लायफोसेट तणनाशकाचे निसर्गात...केंद्र सरकारकडून नुकताच मसुदा आदेश प्रसिध्द...
जळगावात गवार २००० ते ४२०० रुपये...जळगाव  ः कृषी उत्पन्न बाजार समितीमध्ये...
मराठवाड्यात पावसाच्या अंदाजानुसार ऑगस्ट...एकंदरीत या वर्षी मराठवाड्यात बहुतांश भागात...