agriculture news in marathi, lack of rain in nagar district, maharashtra | Agrowon

नगरमध्ये गतवर्षीच्या तुलनेत आतापर्यंत ४० टक्के कमी पाऊस
टीम अॅग्रोवन
सोमवार, 10 सप्टेंबर 2018

नगर   ः आता पावसाळ्याचे तीन महिने संपले असले तरी अजूनही जिल्ह्यात पुरेशा प्रमाणात पाऊस झालेला नाही. केवळ अकोले तालुक्‍यात झालेल्या पावसावरच धरणातील पाणीसाठा वाढला आहे. मात्र गेल्या वर्षीच्या तुलनेत यंदा आतापर्यंत तब्बल ४० टक्के कमी पाऊस झाला आहे. आतापर्यंत जिल्ह्यामध्ये पाऊस नसला तरी अकोले तालुक्‍याच्या पश्‍चिम भागात पाऊस सुरू होता. आता तेथेही जवळपास पाऊस थांबला आहे.  

नगर   ः आता पावसाळ्याचे तीन महिने संपले असले तरी अजूनही जिल्ह्यात पुरेशा प्रमाणात पाऊस झालेला नाही. केवळ अकोले तालुक्‍यात झालेल्या पावसावरच धरणातील पाणीसाठा वाढला आहे. मात्र गेल्या वर्षीच्या तुलनेत यंदा आतापर्यंत तब्बल ४० टक्के कमी पाऊस झाला आहे. आतापर्यंत जिल्ह्यामध्ये पाऊस नसला तरी अकोले तालुक्‍याच्या पश्‍चिम भागात पाऊस सुरू होता. आता तेथेही जवळपास पाऊस थांबला आहे.  

यंदाच्या पावसाळ्यात राज्यातील अनेक भागांत अजून पाऊस नाही. नगर जिल्ह्यामध्ये तर ऐन पावसाळ्यात पाऊस नसल्याने पाणीटंचाई परिस्थिती निर्माण झाली आहे. जवळपास ३० टॅंकरने पाणीपुरवठा सुरू आहे. पाऊस नसल्याने नदी, नाले, गावतलाव, पाझर तलाव व अन्य स्रोतांना पाणीच आले नाही. त्यामुळे आता टॅंकरने पाणीपुरवठा करावा यासाठी प्रस्ताव दिले जात आहेत. विशेषतः शेवगाव, पाथर्डी, जामखेड, पारनेर, संगमनेर, नगर तालुक्‍यांत पाणीटंचाई गंभीर होत आहे.

नगर जिल्ह्यामध्ये आतापर्यंत चार लाख १७ हजार ४७२ हेक्‍टर क्षेत्रावर खरिपाची पेरणी झालेली आहे. मात्र गेल्या दोन महिन्यांपासून थेंबभरही पाऊस झाला नाही. त्यामुळे पिके जगवायची कशी याचे शेतकऱ्यांसमोर संकट उभे राहिले आहे. यंदा दोन वर्षांपूर्वीसारखी परिस्थिती निर्माण झाली आहे.

अकोले तालुक्‍याच्या पश्‍चिम भागातील पावसामुळे भंडारदरा, निळवंडे व मुळा धरणात पाणीसाठा झाला आहे. त्याचा फायदा राहाता, राहुरी, कोपरगाव, संगमनेर, अकोले, नेवासा, श्रीरामपूरला मिळेल. पुणे जिल्ह्यामध्ये झालेल्या पावसामुळे श्रीगोंदा तालुक्‍याच्या काही भागाला आधार मिळाला आहे. मात्र जिल्ह्याच्या अन्य भागांत मात्र परिस्थिती गंभीर होत असून, अकोल्यातही पाऊस थांबल्याने धरणात येणारी पाण्याची आवकही थांबली आहे. जिल्ह्यामध्ये आतापर्यंत गेल्या वर्षी सरासरी १०० टक्के पाऊस झाला होता, यंदा ६० टक्के पाऊस झाला आहे.
 
आता परतीच्या पावसाकडे डोळे
यंदाच्या पावसाळ्याचे तीन महिने उलटले आहेत तरीही जिल्ह्यात अजूनही पाऊस नाही. जिल्ह्याच्या बहुतांश भागात परतीचा पाऊस चांगला पडत असतो. रब्बीचा हंगामही परतीच्या पावसावरच अवलंबून आहे. त्यामुळे आता जिल्ह्याचे लक्ष परतीच्या पावसाकडे लागले आहे. मात्र सध्याचे वातावरण पाहता पाऊस येईल याची कोणालाही शाश्‍वती वाटत नाही. असे असले तरी शेतकऱ्यांचे परतीच्या पावसाकडे डोळे लागले आहेत.

इतर ताज्या घडामोडी
पुण्यात हिरवी मिरची, गाजराच्या दरात वाढपुणे ः गुलटेकडी येथील पुणे कृषी उत्पन्न बाजार...
रब्बी हंगामासाठी ‘काटेपूर्णा’चे पाणी...अकोला ः यंदा तुडुंब भरलेल्या काटेपूर्णा...
शेतीमाल वाहतूकदारांची वाहने अडवीत पोलिस...अमरावती ः मॉन्सूनोत्तर पावसाच्या नुकसानीमुळे आधीच...
रब्बी हंगामासाठी कुळीथ, हरभरा बियाणे...रत्नागिरी ः अतिवृष्टी आणि अवकाळी पावसामुळे...
कर्जमाफीच्या याद्या करण्यासाठी...कोल्हापूर : पूरग्रस्त पंचनाम्यांची माहिती तातडीने...
आपत्तीचा सामना सकारात्मकतेने करा ः...नाशिक : ‘‘मुश्किलो से भाग जाना आसाँ होता है, हर...
पंचनाम्याच्या तुलनेत तीस टक्क्यांपेक्षा...रत्नागिरी ः अतिवृष्टीत रत्नागिरी जिल्ह्यातील भात...
सातारा : पावणेदोन लाख शेतकऱ्यांना...सातारा  : जिल्ह्यात अतिवृष्टीमुळे पिकांचे...
गडचिरोली : दुर्गंधीमुळे पोल्ट्री बंदचा...गडचिरोली ः मोठ्या प्रमाणात वातावरणात पसरणाऱ्या...
लष्करी अळीच्या भीतीने मका लागवडी...जळगाव ः खानदेशात हरभऱ्यानंतर महत्त्वाचे मानल्या...
खानदेशात कांदा लागवडी वाढण्याचे संकेतजळगाव ः रब्बी हंगामातील कांद्याची खानदेशात यंदा...
पुणे बाजार समितीतील बेकायदा हमाली,...पुणे  ः पुणे बाजार समितीमधील डाळिंब...
नगर जिल्ह्यात ‘जलयुक्त’मधून सहा...नगर  ः जलयुक्त शिवार अभियानातून करण्यात...
तीन जिल्ह्यांत दीड हजार क्विंटल मूग...नांदेड  ः किंमत समर्थन मूल्य योजनेअंतर्गत...
किसान सभेच्या दणक्यानंतर; परळीतील...पुणे ः परळी (जि. बीड) तालुक्यातील खरीप २०१८ मध्ये...
परभणी जिल्ह्यात रब्बीत चार; तर उन्हाळी...परभणी : यंदा परभणी जिल्ह्यातील दोन मध्यम आणि...
परभणी जिल्ह्यात रब्बीसाठी ४० हजार ९१७...परभणी ः जिल्ह्यात यंदाच्या रब्बी हंगामातील...
नगर जिल्ह्यात पावसाने ९४ टक्के कापसाचे...नगर ः आक्टोबर महिन्यात पावसाने झालेल्या नुकसानीची...
कोल्हापुरात ऊस दराबाबतची बैठक फिस्कटलीकोल्हापूर  : यंदाच्या हंगामात कोणत्याही...
शिवसेनाप्रमुखांच्या स्मृतिदिनानिमित्त ...मुंबई  ः शिवसेनाप्रमुख बाळासाहेब ठाकरे...