Agriculture news in marathi Late kharif onions survive in the market | Page 2 ||| Agrowon

लेट खरीप कांद्याची आवक बाजारात टिकून 

टीम अॅग्रोवन
गुरुवार, 8 एप्रिल 2021

उष्णता वाढत असल्याने लेट खरीप कांद्याचे काही प्रमाणात नुकसान झाले आहे. त्यात अजून नुकसान वाढू नये यासाठी शेतकऱ्यांनी हा कांदा विक्रीला आणण्याची मोहीम प्राधान्याने हाती घेतली आहे.

नाशिक : उष्णता वाढत असल्याने लेट खरीप कांद्याचे काही प्रमाणात नुकसान झाले आहे. त्यात अजून नुकसान वाढू नये यासाठी शेतकऱ्यांनी हा कांदा विक्रीला आणण्याची मोहीम प्राधान्याने हाती घेतली आहे. त्यामुळे उन्हाळ कांद्याच्या आवकेला काही प्रमाणात ब्रेक लागला आहे. जिल्ह्यात उन्हाळ कांद्याच्या तुलनेत ६५ टक्के कांदा हा लेट खरीप बाजारात अधिक असल्याचे पणन मंडळाच्या माहितीवरून स्पष्ट झाले आहे. 

बाजार समित्या सलग दहा दिवस बंद झाल्यानंतर शेतकरी एकदाच कांदा विक्रीला येऊन गर्दी करतील, असा अंदाज वर्तविण्यात आला होता. आर्थिक अडचण असल्याने विक्रीसाठी गर्दी कायम आहे. मात्र शेतकऱ्यांनी कांद्याच्या विक्रीत सुयोग्य नियोजन केल्याचे स्पष्ट झाले आहे. 

आधी लेट खरीप लाल रांगडा कांदा अन् नंतरच उन्हाळ अशी पद्धत राबविण्यात येत आहे. नाशवंत व टिकवणक्षमता नसलेला लाल कांदा प्राधान्याने आणत असून उन्हाळ कांदा रोखला जात आहे. त्याअनुषंगाने उन्हाळ कांदा चाळी भरण्याच्या कामांना जिल्हाभरात वेग आला आहे. 

जिल्ह्यात सोमवार (ता. ५) नंतर बाजार समित्या सुरू झाल्यानंतर लाल कांद्याची आवक मोठ्या प्रमाणात तर उन्हाळची तुलनेत कमीच होत असल्याचे चित्र कायम आहे. लासलगाव बाजार समितीत गेल्या दोन दिवसांपासून सोमवार (ता. ५) व मंगळवार (ता. ६) रोजी अनुक्रमे २९४४० व २९१०० क्विंटल, तर विंचूर उपबाजार आवारात २४८९० व २१२७० आवक लेट खरीप कांद्याची आवक झाली. तर बुधवारी (ता. ७) याच क्षमतेने आवक असल्याचे सूत्रांनी सांगितले. तुलनेत मात्र ८ हजार क्विंटलवर उन्हाळ कांद्याची आवक झालेली नाही. पिंपळगाव बसत बाजार समितीतही लेट खरीप कांद्याची आवक २५ हजार क्विंटलवर आहे. तर उन्हाळ कांद्याची आवक सरासरी १२ हजार क्विंटलवर होती. यांसह कमसादे भागात सटाणा, नामपूर, कळवणसह येवला बाजार आवारात उन्हाळ कांद्याची आवक हळूहळू वाढत आहे. 

उन्हाळ म्हणून लागवड केल्यानंतर अनेक शेतकऱ्यांचे लेट खरीप निघाल्याने लाल कांद्याची आवक अधिक होत आहे. तर या वर्षी बियाण्यांत दोष असल्याने टप्प्याटप्प्याने उन्हाळ कांदा विक्री करतो आहे. मात्र घरगुती बियाण्यांची लागवड केलेले उन्हाळ कांदे साठवून ठेवणार आहे. 
- सचिन कडलग, कांदा उत्पादक, हनुमाननगर, ता. निफाड

कांदा जिल्हाभरात आवक स्थिती (क्विंटलमध्ये)  
कांदा प्रकार ५ एप्रिल ६ एप्रिल
लेट खरीप लाल कांदा १,३२,८५३ १,१३,२९३ 
उन्हाळ १,०८,६४६. ७५,१५०
एकूण २,४१,४९९ १,८८,४४३
(संदर्भ : महाराष्ट्र राज्य कृषी पणन मंडळ, नाशिक विभागीय कार्यालय)

इतर अॅग्रो विशेष
‘महाडीबीटी’वरील बियाणे अनुदान अर्जासाठी...पुणे ः राज्यात खरीप हंगामासाठी ‘महाडीबीटी’वर...
साहेब, टरबूज विक्रीला परवानगी द्या अकोला ः दरवर्षी रमजान महिन्यात टरबुजाला चांगली...
खरबूज पिकात मिळवली बोरीबेलने ओळखपुणे जिल्ह्यात दौंड तालुक्यातील बोरीबेल गाव खरबूज...
अक्षय तृतीयेसाठी सज्ज जाहली आंबा...अक्षय तृतीयेचा सण तोंडावर आला आहे. कोकणची...
ऊसपट्ट्यात निर्यातक्षम केसर आंबामहागाव (ता. जि. सातारा) येथील चार भावांचे एकत्रित...
कांदाकोंडी टाळणेच योग्य पुणेः कोरोना संसर्ग रोखण्यासाठी नाशिक जिल्ह्यात...
मंत्री साहेब, कोटींच नुकसान होईल हो ! नाशिक: जिल्ह्याचे पालकमंत्री छगन भुजबळ यांनी...
साखर निर्यातीचा यंदा विक्रम? कोल्हापूर: साखर निर्यातीची गती पाहता यंदा...
अन्न प्रक्रियेमध्ये अवरक्त किरणांचा वापरअन्न प्रक्रियेदरम्यान पारंपरिक उष्णतेच्या...
राहुरीत वैशिष्ट्यपूर्ण संशोधित चारा...अलीकडील काळात चारा उत्पादनांसाठी सुधारित वाणांची...
मॉन्सूनच्या प्रवाहाला पोषक स्थिती पुणे : गेल्या दोन ते तीन दिवसांपासून अरबी...
महिनाभरातच गाईच्या दूधदरात ८ रुपये कपात नगर ः कोरोना लॉकडाउनमुळे दुधाची मागणी कमी...
काबुली हरभऱ्याच्या दरात घसरणीची शक्यता...नवी दिल्ली ः देशात यंदा काबुली हरभऱ्याचे उत्पादन...
ग्राम कृषी विकास समित्या स्थापन करा :...पुणे ः कोरोना लॉकडाउनमुळे राज्याच्या खरीप...
पीकविम्यासाठी राज्यात बीड मॉडेल ः ...अमरावती : प्रशासकीय खर्च आणि दहा टक्के नफा अशी...
उसाचे गाव बेले रेशीम शेतीत चमकलेकोल्हापूर जिल्हयात बेले (ता. करवीर) या छोट्या...
अल्पभूधारकाचा शास्त्रीय दुग्ध...नाशिक जिल्ह्यातील कोळगाव (ता. निफाड) येथील...
एक लाख हेक्टरवर फळबागांचे उद्दिष्ट पुणे ः कोविड १९ च्या साथीची स्थिती राज्यभर असली...
‘महाडीबीटी’त आता बियाण्यांचाही समावेश पुणे : राज्य शासनाने महाडीबीटी पोर्टलमध्ये आता...
पूर्वमोसमीचा प्रभाव कमी होणार पुणे ः मध्य प्रदेशचा आग्नेय भाग आणि परिसरात ते...