शेत कुंपणाकरिता लवकरच अनुदान योजना

वन्यप्राण्यांमुळे होणाऱ्या नुकसानीच्या पार्श्‍वभूमीवर कुंपणाकरिता वैयक्तिक अनुदानाची योजना हवी, अशी मागणी आहे. त्या मागणीचा सकारात्मक विचार केला जात असून, या संदर्भातील निर्णय लवकरच होईल. - सुधीर मुनगंटीवार, वनमंत्री.
संग्रहित छायाचित्र
संग्रहित छायाचित्र

नागपूर  ः वन्यप्राण्यांकडून पिकांच्या होणाऱ्या नुकसानीच्या पार्श्‍वभूमीवर राज्य सरकार लवकरच वैयक्‍तिक शेतीकुंपणाकरिता अनुदानाची योजना राबविणार आहे. या योजनेचे काम अंतिम टप्प्यात असल्याची माहिती वन विभागाच्या सूत्रांनी दिली.

वन परिक्षेत्रालगत असलेल्या गावाशिवाराच्या संरक्षणाकरिता वन विभागाने ९० टक्‍के अनुदानावर कुंपणाची योजना राबविली आहे. उर्वरित दहा टक्‍के हिस्सा ग्रामपंचायतीला भरावा लागलो. या योजनांचा लाभ अनेक गावांनी घेतल्याचे सांगण्यात आले. गावाकरिता सामूहिक स्तरावर असलेल्या या योजनेसोबतच कुंपणाकरिता वैयक्‍तिक अनुदानाची योजना असावी, अशी मागणी जोर धरू लागली आहे. वन्यप्राणी शेतातील उभ्या पिकांचे नुकसान करतात. राज्यभरातील शेतकरी या समस्येने त्रस्त आहेत.

वन क्षेत्रात वाढता मानवी हस्तक्षेप, त्यासोबतच चारा, पाण्याची टंचाई या कारणांमुळे वन्यप्राण्यांनी आपला मोर्चा गावाकडे वळविला आहे. त्यांचा बंदोबस्त करण्याचे आव्हान शेतकऱ्यांसमोर आहे. परंतु कुंपणावर मोठा खर्च होत असल्याने अनेक शेतकऱ्यांना हा पर्याय अवलंबिणे शक्‍य होत नाही. त्या पार्श्‍वभूमीवर अनुदानावर कुंपणाकरिता तरतूद व्हावी, अशी मागणी होत होती. राज्य सरकारकडून या पर्यायावर सकारात्मक विचार होत असल्याची माहिती विश्‍वसनीय सूत्रांनी दिली.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com