agriculture news in marathi, legislative assembly session starts today, mumbai, maharashtra | Agrowon

विधिमंडळाचे आजपासून पावसाळी अधिवेशन
टीम अॅग्रोवन
सोमवार, 17 जून 2019

मुंबई : राज्य विधिमंडळाच्या पावसाळी अधिवेशनाला आजपासून (ता. १७) सुरवात होत आहे. तेरावी विधानसभा आणि मुख्यमंत्री देवेंद्र फडणवीस यांच्या नेतृत्वाखालील सरकारचे हे शेवटचे अधिवेशन आहे. दुष्काळ, मराठा आरक्षण तसेच गृहनिर्माणमंत्री प्रकाश मेहता यांची चौकशी करणारा लोकायुक्तांचा अहवाल आदी मुद्यांवरून हे अधिवेशन गाजण्याची चिन्हे आहेत. लोकसभेतील यशामुळे सत्ताधारी भाजप-शिवसेनेचा आत्मविश्वास वाढला आहे, तर पराभवाने खचून गेलेल्या विरोधकांची अधिवेशनात कसोटी लागणार आहे. 

मुंबई : राज्य विधिमंडळाच्या पावसाळी अधिवेशनाला आजपासून (ता. १७) सुरवात होत आहे. तेरावी विधानसभा आणि मुख्यमंत्री देवेंद्र फडणवीस यांच्या नेतृत्वाखालील सरकारचे हे शेवटचे अधिवेशन आहे. दुष्काळ, मराठा आरक्षण तसेच गृहनिर्माणमंत्री प्रकाश मेहता यांची चौकशी करणारा लोकायुक्तांचा अहवाल आदी मुद्यांवरून हे अधिवेशन गाजण्याची चिन्हे आहेत. लोकसभेतील यशामुळे सत्ताधारी भाजप-शिवसेनेचा आत्मविश्वास वाढला आहे, तर पराभवाने खचून गेलेल्या विरोधकांची अधिवेशनात कसोटी लागणार आहे. 

विधानसभेच्या सार्वत्रिक निवडणुकीला सामोरे जाताना होऊ घातलेल्या अधिवेशनात छाप पाडण्याची विरोधी पक्षाला ही अंतिम संधी आहे. लोकसभा निवडणुकीत झालेला दारुण पराभव, काँग्रेस आणि राष्ट्रवादी काँग्रेसमधील अंतर्गत संघर्ष तसेच गेली साडेचार वर्ष सरकारवर चौफेर हल्ला करणारे माजी विरोधी पक्षनेते थेट सत्ताधारी भाजपच्या गोटात सामील झाल्याने अधिवेशनात विरोधी पक्षाची कसोटी लागणार आहे. अधिवेशनाच्या तोंडावर काँग्रेसने विधिमंडळ पक्षात काही बदल केले आहेत. गटनेते विजय वडेट्टीवार यांना विधानसभेचे विरोधी पक्षनेते म्हणून घोषित करावे, असे पत्र काँग्रेसकडून दिले जाणार आहे. त्यामुळे अधिवेशनात विरोधी पक्षनेते म्हणून वडेट्टीवार यांच्या नावाची घोषणा अपेक्षित आहे. मात्र, हा निर्णय विधानसभा अध्यक्षांच्या हाती आहे. 

राज्यात पावसाचे आगमन लांबल्याने दुष्काळाची तीव्रता वाढली आहे. मराठवाडा, उत्तर महाराष्ट्रातील गावांना जवळपास सहा हजार टँकरने पाणीपुरवठा सुरू आहे. सरकारने सुरू केलेल्या चारा छावण्यांबाबत शेतकरी समाधानी नाहीत. पीकविम्याचे पैसे मिळाले नसल्याच्या शेतकऱ्यांच्या तक्रारी आहेत. शिवसेनेने पीक विम्याचा मुद्दा लावून धरला आहे. या मुद्यांवरून विरोधी पक्षही सरकारला घेरण्याची चिन्हे आहेत.

देवेंद्र फडणवीस यांनी अधिवेशनाला सामोरे जाण्याआधी मंत्रिमंडळाचा विस्तार केला आहे. मुख्यमंत्र्यांनी तब्बल तेरा नव्या चेहऱ्यांना संधी देत काही विद्यमान मंत्र्यांना नारळ दिला आहे. शिवसेनेला एक अतिरिक्त मंत्रीपद तसेच आरपीआय आठवले गटालाही राज्यमंत्रीपद देऊन खूश करण्याचा प्रयत्न दिसून येत आहे. मात्र, विस्ताराच्या काही दिवस आधीच प्रकाश मेहता यांच्याशी संबंधित ताडदेव येथील झोपडपट्टी पुनर्विकास प्रकल्पाची चौकशी करणाऱ्या लोकायुक्तांच्या अहवालातील काही निष्कर्ष बाहेर आले. लोकायुक्तांनी आपल्या अहवालात मेहता यांच्यावर ताशेरे ओढल्याचे समजते. परिणामी अधिवेशनात एमपी मिल कंपाउंड झोपडपट्टी पुनर्विकासातील घोटाळा गाजण्याची शक्यता आहे.

मंगळवारी अंतरिम अर्थसंकल्प
येत्या मंगळवारी (ता. १८) विधिमंडळात राज्याचा अंतरिम अर्थसंकल्प मांडला जाणार आहे. विधानसभा निवडणुकी आधीच्या या अर्थसंकल्पात समाजातील सर्व घटकांना खूश करण्याचा प्रयत्न सरकार करण्याची शक्यता आहे.

इतर ताज्या घडामोडी
उशिरा पेरणीसाठी पीक नियोजन आतापर्यंत पडलेला पाऊस व पुढे येणारा पाऊस याचा...
परभणी जिल्ह्यात साडेचार लाख हेक्टरवर...परभणी : जिल्ह्यात यंदाच्या खरीप हंगामात...
कॉंग्रेस-राष्ट्रवादीचे काही आमदार लवकरच...सोलापूर : कॉंग्रेस-राष्ट्रवादीतील अनेक विद्यमान...
पीकविमा प्रश्‍न आठ दिवसांत सोडवा : `...सोलापूर : शेतकऱ्यांनी विमा काढावा, यासाठी...
विमा कंपन्यांविरोधात किसान सभेचा तीन...औरंगाबाद : पंतप्रधान पीकविमा योजनेतील सदोष तरतुदी...
बागलाणात खरीप हंगामातील पिके धोक्यात नाशिक : या वर्षी बागलाण तालुक्यातील रोहिणी, मृग व...
परभणीत वांगी ८०० ते १५०० रुपये...परभणी : पाथरी रस्त्यावरील फळे, भाजीपाला...
राज्यात गवार प्रतिक्विंटल १२०० ते ६०००...जळगावात प्रतिक्विंटल ५६०० रुपये जळगाव ः कृषी...
पीकविम्याला मुदतवाढ देण्याची ‘...अकोला ः या हंगामात पीकविमा भरण्यासाठी २४ जुलै ही...
परडा येथे मक्यावर लष्करी अळीचा...अकोला ः या हंगामात लागवड झालेल्या मक्यावर मोताळा...
अमरावती जिल्ह्यात पीककर्जाचा टक्का...अमरावती  : छत्रपती शिवाजी महाराज शेतकरी...
अकोल्यात सोयाबीन सरासरी ३६१० रुपये...अकोला ः येथील कृषी उत्पन्न बाजार समितीत बुधवारी (...
सातारा जिल्हा परिषदेचा १०० कोटींचा...सातारा : जिल्हा परिषदेच्या इतिहासात प्रथमच मूळ...
पुण्यात पीकविम्यासाठी शिवसेना रस्त्यावरपुणे ः ‘कोण म्हणतो देणार नाय विमा घेतल्याशिवाय...
पुणे विभागातील कोरडवाहू पट्ट्यात टंचाई...पुणे : विभागातील पुणे, सातारा, कोल्हापूर...
नांदेड जिल्ह्यात शेतकऱ्यांनी उतरविला १...नांदेड : पंतप्रधान पीकविमा योजनेंतर्गंत खरिपासाठी...
मराठवाड्यातील पाच जिल्ह्यांत १५ चारा...औरंगाबाद : मराठवाड्यातील घटलेली चारा छावण्यांची...
अचूक पीक पेरणी अहवाल देणे शक्य नाही ः...बुलडाणा  ः जिल्ह्यातील पीक पेरणीचा...
आडसाली ऊस लागवडीला कोल्हापूर जिल्ह्यात...कोल्हापूर  : जिल्ह्यात गेल्या पंधरवड्यात...
परभणी कृषी विद्यापीठ उत्पादित अडीच हजार...परभणी : वसंतराव नाईक मराठवाडा कृषी विद्यापीठाच्या...