Agriculture news in marathi Lemons in the state cost Rs. 200 to 1600 per quintal | Agrowon

राज्यात लिंबं २०० ते १६०० रूपये क्विंटल

टीम अॅग्रोवन
शुक्रवार, 14 ऑगस्ट 2020

औरंगाबाद  : येथील कृषी उत्पन्न बाजार समितीमध्ये गुरुवारी (ता.१३) लिंबांची १५ क्विंटल आवक झाली. त्यांना ५०० ते ७०० रुपये प्रति क्विंटलचा दर मिळाल्याची माहिती बाजार समितीच्या वतीने देण्यात आली.

औरंगाबादमध्ये क्विंटलला ५०० ते ७०० रुपये दर

औरंगाबाद  : येथील कृषी उत्पन्न बाजार समितीमध्ये गुरुवारी (ता.१३) लिंबांची १५ क्विंटल आवक झाली. त्यांना ५०० ते ७०० रुपये प्रति क्विंटलचा दर मिळाल्याची माहिती बाजार समितीच्या वतीने देण्यात आली.

औरंगाबाद बाजार समितीमध्ये ६ ऑगस्टला लिंबांची आवक २२ क्विंटल, तर दर ६०० ते ७०० रुपये प्रति क्विंटल होते. ८ ऑगस्टला १३ क्विंटल आवक झालेल्या लिंबांना ६०० ते ८०० रुपये प्रति क्‍विंटल असा दर मिळाला. ९ ऑगस्ट रोजी आवक १७ क्विंटल, तर दर ८०० ते १००० रुपये प्रतिक्विंटल राहिले. १० ऑगस्ट रोजी १३ क्विंटल आवक होऊन ५०० ते १००० रुपये प्रति क्विंटल असा दर मिळाला. ११ ऑगस्ट रोजी लिंबांची आवक २३ क्विंटल, तर दर ५०० ते ७०० रुपये प्रतिक्विंटल राहिले. १२ ऑगस्ट रोजी लिंबांची आवकच झाली नाही, अशी माहिती बाजार समितीच्या वतीने देण्यात आली.

जळगावात प्रतिक्विंटलला १००० ते १६०० रुपये दर

जळगाव  ः कृषी उत्पन्न बाजार समितीमध्ये लिंबांची आवक कायम आहे. लिंबांची गुरुवारी (ता.१३) २४ क्विंटल आवक झाली. दर प्रतिक्विंटल १००० ते १६०० रुपये असे होते. आवक पाचोरा, एरंडोल, जळगाव आदी भागातून होत आहे. दर मागील दोन महिन्यांपासून कमी असून, शेतकऱ्यांचे नुकसान होत आहे. 

पुण्यात ४० ते १२० रूपये प्रतिगोणी

पुणे : कोरोनच्या टाळेबंदीचे परिणाम शिथिलतेनंतर देखील कायम आहेत. हॉटेल, खानावळी अद्याप पूर्ण क्षमतेने सुरु न झाल्याने लिंबांची मागणी कमीच आहे. यामुळे लिंबांचे दर कमीच  आहेत.

साधारण १५ ते २० किलोच्या गोणीला ४० ते १२० रुपये दर पुणे बाजार समितीमध्ये आहेत.  लिंबांच्या आवक आणि दराबाबतची माहिती देताना प्रमुख आडतदार रोहन जाधव म्हणाले,‘‘सध्या बाजारात दररोज दीड ते २ हजार गोणी आवक होत आहे. तर, प्रति गोणीला ४० ते १२० रुपये दर आहेत. कोरोना टाळेबंदीनंतरही अद्याप शहातील छोटी मोठी हॉटेल, मिसळ गृहे, आणि खानावळी बंद असल्याने लिंबाला मागणी कमी आहे. यामुळे आवक होऊन सुद्धा कमी दराने लिंबाची विक्री होत आहे.‘‘

कोल्हापुरात शेकडा १०० ते २०० रूपये

कोल्हापूर  : बाजार समितीत लिंबूची दररोज ४०० ते ५०० पोती आवक होत आहे. लिंबांना शेकडा १०० ते २०० रुपये इतका दर मिळत आहे. जिल्ह्याबरोबरच बेळगाव, सांगली जिल्ह्यातून ही लिंबाच्या आवकेत दहा टक्यापर्यंत वाढ झाली, असे बाजार समितीच्या सूत्रांनी सांगितले. 

सध्या सार्वजनिक कार्यक्रम नसल्याने लिंबांची मागणी कमी आहे. तसेच आठवडा बाजार ही होत नसल्याने लिंबांचा उठाव कमी असल्याचे व्यापाऱ्यांनी सांगितले. 

कोरोनासाठी प्रतिबंधक उपाय म्हनून लिंबाचा वापर आहारात करण्याबाबत जागृती होत आहे. या पार्शवभूमीवर काही प्रमाणात लिंबांची खरेदी होत असल्याचे व्यापाऱ्यांनी सांगितले.

नांदेडमध्ये ८०० ते १००० रूपये क्विंटल

नांदेड  ः नांदेड येथील फळे-भाजीपाला मार्केटमध्ये गुरुवारी (ता.१३) लिंबांची २० क्विंटल आवक होती. लिंबांना प्रतिक्विंटलला ८०० ते १००० रुपये दर मिळाले, अशी माहिती मार्केटमधील सूत्रांनी दिली.

सध्या येथील मार्केटमध्ये स्थानिक परिसरातून लिंबांची आवक होत आहे. संचार बंदीमुळे मार्केट बंद राहू लागल्याने गेल्या काही आठवड्यापासून लिंबांची आवक कमी झाली आहे. त्यामुळे दरात थोडी तेजी आली आहे. गेल्या महिनाभरातील प्रत्येक गुरुवारी सरासरी २० ते २५ क्विंटल आवक होती. त्यावेळी प्रतिक्विंटलला सरासरी ६०० ते १००० रुपये दर मिळाले.

गुरुवारी (ता.१३) लिंबाची २० क्विंटल आवक असताना घाऊक विक्रीचे दर प्रतिक्विंटलला ८०० ते १००० रुपये होते. तर, किरकोळ विक्री प्रतिनग दोन ते अडीच रुपये प्रमाणे सुरु होती, असे व्यापारी हानीफ बागवान यांनी सांगितले.

नागपुरात १२०० रुपयांना क्विंटल 

नागपूर  : गेल्यावर्षी याच दरम्यान चार हजार ते साडेचार हजार रुपये प्रति क्विंटल असे दर असलेल्या लिंबाला यावर्षी मात्र हजार ते बाराशे रुपये इतका अत्यल्प दर मिळत आहे. 

२०१९ मध्ये पाच ऑगस्टला ३००० ते ४००० रुपये क्विंटलने लिंबाचे व्यवहार झाले. त्याच वर्षी १३ ऑगस्टला लिंबाला उच्चांकी ४ हजार ते साडेचार हजार रुपयांचा दर मिळाला.  यावर्षी बाजारात आवक वाढल्याने आणि कोरोनाच्या भितीपोटी ग्राहक नसल्याने दरात मोठी घसरण अनुभवली जात आहे. 

सध्या स्थितीत कळमना बाजार समितीत एक हजार ते बाराशे रुपये इतका अत्यल्प दर लिंबाला मिळत आहे. लिंबाची आवक सुरुवातीला पंधरा क्विंटल होती.  त्यात वाढ होत ती आता वीस क्विंटलवर पोहोचली आहे. बंद असलेला हॉटेल व्यवसाय त्यासोबतच थंड वातावरण, या मुळेदेखील मागणीत घट झाल्याचे सांगितले जाते.

नाशिकमध्ये ३५० ते ६२५ रुपये प्रतिक्विंटल

नाशिक : येथील कृषी उत्पन्न बाजार समितीत बुधवारी (ता.१२) लिंबांची आवक २९ क्विंटल झाली. त्यास प्रतिक्विंटल ३५० ते ६२५ रुपये असा दर मिळाला. सर्वसाधारण दर ४५० रुपये होते, अशी माहिती बाजार समितीच्या सूत्रांनी दिली.

मंगळवार (ता.११) रोजी लिंबूची आवक ४७ क्विंटल झाली. तिला ५०० ते ७५० प्रतिक्विंटल दर मिळाला. सर्वसाधारण दर ६५० होते. 
बाजार समितीमध्ये गुरूवार (ता.७) ते सोमवार(ता.१०) दरम्यान लिंबूची आवक झाली नाही. मागील आठवड्यापासून बाजार समितीत लिंबूची आवक घटल्याचे सांगण्यात आले. मात्र, दरांत सुधारणा नसल्याचे चित्र आहे.

सांगलीत ३५० ते ४०० रूपयांना गोणी

सांगली  : शिवाजी मंडईत गुरुवारी (ता. १३) लिंबूची आवक ७० गोणींची आवक झाली. त्यास प्रति गोणीस (एका गोणीत ६०० लिंबू ) ३५० ते ४०० रुपये असा दर होता, अशी माहिती बाजार समितीच्या सूत्रांनी दिली.

येथील शिवाजी मंडईत बार्शी, सोलापूर या भागातून लिंबांची आवक होत आहे. सध्या लिंबांची मागणी कमी झाली असल्याचेही व्यापाऱ्यानी सांगितले. बुधवारी (ता. १२) लिंबांची   ६५ गोणींची आवक झाली. त्यास प्रति गोणीस ३५० ते ४०० रुपये असा दर मिळाला. 

मंगळवारी (ता. ११) लिंबांची  ७५ गोणींची आवक झाली होती.  त्यांना  प्रतिगोणीस ३०० ते ३५० रुपये असा दर होता. सोमवारी (ता. १०) लिंबांची ७० गोणींची आवक झाली. त्यावेळी प्रति गोणीस ३५० ते ४०० रुपये असा दर होता. घाऊक बाजारात लिंबाला दर प्रति शेकडा ८० ते १०० रुपये असा होता.


इतर बाजारभाव बातम्या
औरंगाबादमध्ये कांदा ३०० ते २३०० रूपयेऔरंगाबाद : येथील कृषी उत्पन्न बाजार समितीमध्ये...
परभणीत भेंडी १००० ते १५०० रूपये क्विंटल परभणी : येथील पाथरी रस्त्यावरील फळे भाजीपाला...
राज्यात मोसंबी १००० ते ४००० रुपये...औरंगाबादमध्ये १००० ते २५०० रुपये प्रतिक्विंटल...
नाशिकमध्ये वांगी २००० ते ५००० रूपये नाशिक : येथील कृषी उत्पन्न बाजार समितीमध्ये...
जळगावात गवार २५०० ते ४००० रुपयेजळगाव : कृषी उत्पन्न बाजार समितीमध्ये मंगळवारी (...
सोलापुरात ढोबळी मिरची, टोमॅटो दरात...सोलापूर ः सोलापूर कृषी उत्पन्न बाजार समितीच्या...
नाशिकमध्ये हिरवी मिरचीला मागणी...नाशिक : येथील नाशिक कृषी उत्पन्न बाजार समितीमध्ये...
कांदा, बटाट्याच्या दरात सुधारणा,...पुणे ः गुलटेकडी येथील पुणे कृषी उत्पन्न बाजार...
औरंगाबादेत हिरवी मिरची प्रतिक्विंटल...औरंगाबाद : येथील कृषी उत्पन्न बाजार समितीमध्ये...
परभणीत काकडी ६०० ते १२०० रुपये क्विंटलपरभणी : येथील पाथरी रस्त्यावरील फळे, भाजीपाला...
राज्यात उडीद २५०० ते ८००० रूपयेनगरमध्ये ४५०० ते ५५०० रूपये नगर  : नगर...
नाशिकमध्ये कारले १००० ते २६६७ रूपयेनाशिक : येथील कृषी उत्पन्न बाजार समितीमध्ये (ता.८...
जळगावात आले ३५०० ते ५२०० रुपये...जळगाव : कृषी उत्पन्न बाजार समितीमध्ये...
नगर बाजार समितीत कांद्याचे दर टिकूननगर ः नगर जिल्ह्यामध्ये कांद्याचे दर गेल्या पंधरा...
सोलापुरात टोमॅटो, वांगी, हिरवी मिरचीत...सोलापूर ः सोलापूर कृषि उत्पन्न बाजार समितीच्या...
नाशिकमध्ये डाळिंबांच्या आवकेत घट, दरात...नाशिक : नाशिक कृषी उत्पन्न बाजार समितीमध्ये चालू...
नगरमध्ये गवार, शेवग्याच्या दरात तेजी नगर ः नगर येथील दादा पाटील शेळके कृषी उत्पन्न...
पुण्यात भाजीपाल्याच्या आवक, मागणीत वाढपुणे : गुलटेकडी येथील पुणे कृषी उत्पन्न बाजार...
औरंगाबादमध्ये बटाटे २५०० ते २८०० रूपये...औरंगाबाद : येथील कृषी उत्पन्न बाजार समितीमध्ये...
परभणीत गवार १५०० ते २५०० रुपये क्विंटलपरभणी : येथील पाथरी रस्त्यावरील फळे, भाजीपाला...