जालन्यात गतवर्षीच्या तुलनेत कमीच रब्बी क्षेत्र

जालना : लांबणीवर पडलेल्या यंदाच्या रब्बी हंगामासाठी जालना जिल्ह्यात गतवर्षीच्या तुलनेत जवळपास ८ हजार हेक्‍टर कमीने रब्बीचे क्षेत्र प्रस्तावित करण्यात आले. त्यामध्ये खासकरून हरभऱ्याचे वाढीव, तर रब्बी ज्वारीचे तसेच गव्हाच्याही प्रस्तावित क्षेत्रात घट झाली आहे.
Less rabbi area in Jalna than last year
Less rabbi area in Jalna than last year

जालना : लांबणीवर पडलेल्या यंदाच्या रब्बी हंगामासाठी जालना जिल्ह्यात गतवर्षीच्या तुलनेत जवळपास ८ हजार हेक्‍टर कमीने रब्बीचे क्षेत्र प्रस्तावित करण्यात आले. त्यामध्ये खासकरून हरभऱ्याचे वाढीव, तर रब्बी ज्वारीचे तसेच गव्हाच्याही प्रस्तावित क्षेत्रात घट झाली आहे. 

यंदाच्या रब्बी हंगाम लांबलेला पावसाळा व अतिवृष्‌टीमुळे उशिराने सुरू होते आहे. जालना जिल्ह्यात २०१८ पूर्वी रब्‌बीचे सर्वसाधारण क्षेत्र १ लाख ७४ हजार ३६८ हेक्‍टर होते. त्या तुलनेत २०१८ मध्ये ९२ हजार २६५ हेक्‍टरवर, २०१९ मध्ये २ लाख ९० हजार ९४८ हेक्‍टरवर पेरणी झाली. २०२० मध्ये नियोजित क्षेत्र २ लाख ८५ हजार ८१० हेक्‍टर होते. प्रत्यक्षात २ लाख ९७ हजार ६४४ हेक्‍टरवर रब्‌बीची पेरणी झाली होती. 

यंदा रब्बी हंगामासाठी जालना जिल्ह्यात गतवर्षीच्या सरासरी क्षेत्राच्या तुलनेत जवळपास ८ हजार हेक्‍टरने कमी अर्थात २ लाख ७७ हजार ८० हेक्‍टरवर रब्बीची पेरणी प्रस्तावित करण्यात आली. प्रस्तावित पेरणी क्षेत्रात रब्बी ज्वारी, गव्हाचे गतवर्षीच्या नियोजित क्षेत्रापेक्षा घटते. तर हरभऱ्याचे वाढीव क्षेत्र प्रस्तावित करण्यात आले. मक्याचे क्षेत्र मात्र गतवर्षीच्या नियोजित क्षेत्राइतकेच प्रस्तावित करण्यात आले. इतर पिकांचे गतवर्षी ८१० हेक्‍टर सरासरी क्षेत्राच्या तुलनेत यंदा २१३० हेक्‍टर सरासरी क्षेत्र प्रस्तावित करण्यात आले, अशी माहिती कृषी विभागाच्या सूत्रांनी दिली.

उत्पादकता प्रस्तावित

यंदा जालना जिल्ह्यात रब्बी हंगामासाठी ज्वारीची उत्पादकता हेक्‍टरी ११ क्‍विंटल ९५ क्‍विंटल प्रस्तावित करण्यात आली आहे. या शिवाय गव्हाचे २१ क्‍विंटल ७२ किलो, हरभरा १२ क्‍विंटल ७४ किलो, तर मक्याची हेक्‍टरी ३५ क्‍विंटल प्रस्तावित करण्यात आली आहे. गतवर्षी गव्हाची २० क्‍विंटल ८१ किलो २८ ग्रॅम, हरभऱ्याची १२ क्‍विंटल ३९ किलो ७२ ग्रॅम, तर मक्याची ३७ क्‍विंटल ७० किलो १४ ग्रॅम प्रत्यक्ष हेक्‍टरी उत्पादकता आली होती.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com