agriculture news in marathi, less rainfall in six taluka, nagar, maharashtra | Agrowon

नगर जिल्ह्यातील सहा तालुक्यांत अजूनही कमी पाऊस

टीम अॅग्रोवन
सोमवार, 16 सप्टेंबर 2019

नगर ः जिल्ह्यातील सहा तालुक्यांत अजूनही कमीच पाऊस आहे. आतापर्यंत केवळ अकोले तालुक्यात पावसाने सरासरी ओलांडलेली असून तेथे सरासरीच्या दुप्पट पाऊस झालेला आहे. कर्जत तालुक्यात मात्र आतापर्यंत केवळ ३४ टक्केच पाऊस झाल्याची प्रशासनाकडे नोंद आहे. अकोले तालुक्यातील पावसावर अवलंबून असलेली उत्तरेतील धरणे पूर्ण भरलेली असली दक्षिण भागातील काही धरणे मात्र कोरडीठाक आहेत. 

नगर ः जिल्ह्यातील सहा तालुक्यांत अजूनही कमीच पाऊस आहे. आतापर्यंत केवळ अकोले तालुक्यात पावसाने सरासरी ओलांडलेली असून तेथे सरासरीच्या दुप्पट पाऊस झालेला आहे. कर्जत तालुक्यात मात्र आतापर्यंत केवळ ३४ टक्केच पाऊस झाल्याची प्रशासनाकडे नोंद आहे. अकोले तालुक्यातील पावसावर अवलंबून असलेली उत्तरेतील धरणे पूर्ण भरलेली असली दक्षिण भागातील काही धरणे मात्र कोरडीठाक आहेत. 

नगर जिल्ह्यात अजूनही पुरेसा पाऊस नाही. आतापर्यंत झालेल्या पावसाच्या नोंदीनुसार जिल्ह्यामधील २६ महसूल मंडळांत ५० टक्क्यांपेक्षा कमी पाऊस झाला आहे. साधारण २५ महसूल मंडळांत ७५ टक्के तर ९ महसूल मंडळांत शंभर टक्क्यांच्या जवळपास पाऊस झाला. चार महसूल मंडळांमध्ये तर २५ टक्क्यांपेक्षाही कमी पाऊस झाला आहे. यंदा पावसाळ्याचे तीन महिने संपत आले असतानाही अजूनही अनेक भागांत जोराचा पाऊस नाही. त्याचा परिणाम खरिपावर झाला असून रब्बीची चिंता लागली आहे.

गेल्या वर्षी खरीप आणि रब्बी हंगामात मोठे नुकसान झाले. चारा आणि पाणीटंचाईला तोंड द्यावे लागले. यंदा परिस्थिती सुधारण्याची आशा असताना पाऊस झाला नसल्याने शेतकऱ्यांना मात्र घोर लागला आहे. अल्प पावसावर पिके तरारलेली दिसत असली तरी उत्पादनात घट होण्याची भीती व्यक्त केली जात आहे. जोराचा पाऊस नसल्याने पाणीटंचाईशी सामना करावा लागत असून परतीचा पाऊस चांगला झाला नाही तर रब्बी हंगामही धोक्यात येण्याची शक्यता आहे. जिल्ह्यात पावसाची सरासरी ४९७.४ मिलिमीटर असून आतापर्यंत ४०५.९४ मिमी पाऊस झाल्याची प्रशासनाकडे नोंद आहे. फक्त अकोल्यात आतापर्यंत १०६८ मिमी म्हणजे दुपटीपेक्षा जास्त पाऊस झाला आहे 

तालुकानिहाय पावसाची टक्केवारी (कंसात मिलिमीटरमध्ये झालेला पाऊस)
अकोले ः २१५.३७ (१०६८), संगमनेर ः ९९.८६ (४१६), कोपरगाव ः ९२.४६ (४०७), श्रीरामपूर ः ७५.१२ (३५३), राहुरी ः ७१.६३ (३४३), नेवासा ः ९७.५० (५१८), राहाता ः ७२.६९ (३२०), नगर ः ७४.४७ (३९२), शेवगाव ः ३७.३२ (३७९), पाथर्डी ः ६६.०९ (३६३), पारनेर ः ६४.७८ (३०७), कर्जत ः ३४.४६ (१७४), श्रीगोंदा ः ६९.९५ (३१२), जामखेड ः ५२.६४ (३२९).

चार धरणे कोरडी
जिल्ह्यातील अकोले तालुक्याच्या पश्चिम भागात झालेल्या जोरदार पावसामुळे भंडारदरा, निळवंडे व मुळा ही उत्तरेतील मोठी आणि महत्त्वाची धरणे शंभर टक्के भरली आहेत. त्यातून मोठ्या प्रमाणात पाण्याचा विसर्ग जायकवाडीकडे केलेला आहे. मात्र, अजूनही चांगला पाऊस नसल्याने दुष्काळग्रस्त तालुक्यातील सीना, खैरी, घाटशीळ, मांडओहळ यांसह गाव पातळीवरील मध्यम व लघु प्रकल्प, गाव तलाव, पाझर तलाव, नद्या, नाले कोरडे आहेत. सध्या सीना धरणात ७, खैरी धरणात २, मांडओहळ धरणात २२ तर घाटशीळ धरणात ० टक्के पाणीसाठा आहे.


इतर बातम्या
कोल्हापुरात आज घरगुती वीज बिलांची होळी ...कोल्हापूर  : दिल्ली सरकारने शंभर...
पुणे शहरालगतच्या रुग्णालयांमधील ८०...पुणे  : शहरालगतच्या गावांमध्ये कोरोनाबाधित...
गोसेखुर्द प्रकल्प पूर्ण करण्यासाठी...भंडारा   : गोसेखुर्द प्रकल्प २०२३...
शण्मुख नाथन झटतोय निंब वृक्ष वाढीसाठीअकोला ः वृक्ष संवर्धन, पर्यावरणाच्या उद्देशाने...
शेळ्या, मेंढ्यांचे बाजार सुरु करण्याची...नगर  ः सध्या आषाढ महिना सुरु असून या...
कृषी निविष्ठा विक्रेत्यांचा बंद मागे;...औरंगाबाद :  कृषी निविष्ठा विक्रेत्यांचा...
नगर जिल्ह्यात युरियाची टंचाई कायम नगर  ः खरीप पिके जोमात असून आता पिकांना...
नांदेड जिल्ह्यात ९२ टक्के क्षेत्रावर...नांदेड ः यावर्षीच्या (२०२०) खरीप हंगामात नांदेड...
खासगी दूध संघांनी दुधाला २५ रुपये दर...नगर ः दुधाला दर मिळत नसल्याने दुग्धोत्पादन अडचणीत...
देशात कृषी स्टार्टअपला वाव : संगीता...पुणे: जगात कृषी क्षेत्रातील प्रत्येक नववा...
पुणे विभागात खरिपाचा सव्वासात लाख...पुणे ः जूनच्या सुरुवातील पुणे विभागातील अनेक...
नगर जिल्ह्यात युरिया टंचाई कायमनगर ः खरीप पिके जोमात असून आता पिकांना युरिया...
औरंगाबादेत २४ लाख क्विंटल कापूस खरेदीऔरंगाबाद : जिल्ह्यात कापूस पणन महासंघ (सीसीआय),...
लासलगाव बाजार समितीत आजपासून शेतमालाचे...नाशिक : लासलगाव कृषी उत्पन्न बाजार समिती आवारात...
आमगाव खडकी गावाने सहायता निधीला मदत देत...वर्धा  ः गावातील मार्गावरुन जाणाऱ्या...
कोकण, मध्य महाराष्ट्रात पावसाचा जोर...पुणे: मॉन्सून सक्रिय होण्यास पोषक हवामान होत...
सोयाबीन बियाणे न उगवल्याच्या राज्यात ५४...पुणे ः खरीप हंगामात सोयाबीन बियाणे...
गुजरातमधील अवैध एचटीबीटी उत्पादनाला...नागपूर ः बीटी नंतर एचटीबीटी (तणनाशक सहनशील)...
नांदेड, परभणी, हिंगोलीत हरभऱ्याची...नांदेड ः किमान आधारभूत किंमत खरेदी योजनेअंतर्गत...
कोल्हापुरात आज घरगुती वीज बिलांची होळीकोल्हापूर : दिल्ली सरकारने शंभर युनिटपर्यंतचे वीज...