agriculture news in marathi Licenses of 21 agricultural vendors in Solapur district suspended | Agrowon

सोलापूर जिल्ह्यातील एकवीस कृषी विक्रेत्यांचे परवाने निलंबित

टीम अॅग्रोवन
शनिवार, 12 डिसेंबर 2020

सोलापूर : खताचा अतिरिक्त साठा ठेवणे, खत विक्रीत त्रुटी, यासारख्या विविध कारणांमुळे जिल्ह्यातील २१ कृषी विक्रेत्यांचे परवाने महिनाभरासाठी निलंबित करण्यात आले आहेत.

सोलापूर : खताचा अतिरिक्त साठा ठेवणे, खत विक्रीत त्रुटी, यासारख्या विविध कारणांमुळे जिल्ह्यातील २१ कृषी विक्रेत्यांचे परवाने महिनाभरासाठी निलंबित करण्यात आले आहेत. तर, अन्य १५ विक्रेत्यांना जिल्हा अधीक्षक कृषी विभागाकडून सक्त ताकीद देण्यात आली आहे.

युरियाची विक्री पॉस मशिनद्वारे करणे बंधनकारक आहे. परंतु, बऱ्याच ठिकाणी कोरोनाचे कारण वा शेतकरी आधार कार्ड आणत नाहीत, असे कारण देऊन पॉस मशिनवर ते नोंदवले जात नव्हते. अनेक शेतकऱ्यांना दिलेला युरिया एकाच शेतकऱ्यांच्या नावावर दाखवण्याचा प्रकार निदर्शनास आला. 

याबाबत तालुका कृषी अधिकारी व पंचायत समितीच्या कृषी अधिकाऱ्यांना तपासणीचे आदेश देण्यात आले होते. त्यानुसार कृषी विभागाने ऑगस्ट, सप्टेंबर आणि ऑक्टोबर या तीन महिन्यातील खत विक्रेत्यांकडील युरिया खरेदी केलेल्या सर्व कृषी केंद्रांची तपासणी केली. त्यानंतर दोषी आढळलेल्या २१ दुकानांचे परवाने एका महिन्यासाठी निलंबित, तर १५ दुकानांना सक्त ताकीद देण्यात आली आहे.

या विक्रेत्यांवर कारवाई

पंढरपूर तालुक्यातील इंडिया कृषी केंद्र, सोहम कृषी केंद्र, पांडुरंग कृषी सेवा केंद्र, कट्टे ट्रेडिंग कंपनी, आपला ग्रोमर सेंटर, विघ्नहर्ता कृषी सेवा केंद्र, गुरुदत्त कृषी उद्योग समूह, माढा तालुक्यातील शिवराज कृषी केंद्र, माळशिरस तालुक्यातील रणजित कृषी सेवा केंद्र, विशाल कृषी सेवा केंद्र, नेमचंद फुलचंद कडे कृषी सेवा केंद्र, पिलीव विकास कार्यकारी सोसायटीचे कृषी सेवा केंद्र, शेतकरी कृषी सेवा केंद्र, महालक्ष्मी कृषी सेवा केंद्र, धायगुडे अॅग्रो एजन्सी, मंगळवेढा तालुक्यातील समृद्धी कृषी केंद्र, कट्टे अॅग्रो एजन्सी, श्री महालक्ष्मी कृषी सेवा केंद्र, उत्तर सोलापूर तालुक्यातील वैशाली कृषी केंद्र, करमाळा तालुक्यातील एस. डी. दाभोडा कृषी सेवा केंद्र, दक्षिण सोलापूर तालुक्यातील श्रीगणेश कृषी सेवा केंद्राचा समावेश आहे. 

कृषी विक्रेत्यांनी खतविक्री करताना नियमानुसारच विक्री केली पाहिजे. खतासाठी अतिरिक्त पैसे घेणे वा साठा करणे चुकीचे आहे. शेतकऱ्यांनीही खतखरेदीसाठी आधारकार्ड सोबत नेऊनच ते खरेदी करावे. यापुढेही तपासणी मोहीम अशीच सुरु राहील. 
- रवींद्र माने, जिल्हा अधीक्षक कृषी अधिकारी.


इतर ताज्या घडामोडी
ट्रायकोडर्मा वापरण्याच्या पद्धतीट्रायकोडर्मा ही उपयुक्त बुरशी असून, ती रोपांच्या...
जनावरांचे पावसाळ्यातील व्यवस्थापनपावसाळ्यात होणाऱ्या वातावरणातील अचानक बदलामुळे...
खानदेशात अत्यल्प पेरणीजळगाव ः खानदेशात या महिन्यात अपवाद वगळता हवा तसा...
नांदेडमध्ये सोयाबीनचे क्षेत्र वाढण्याची...नांदेड : जिल्ह्यात यंदा चार लाख हेक्टरवर...
परभणीत १२.६४ टक्के पेरणीपरभणी ः जिल्ह्यात यंदाच्या (२०२१) खरीप हंगामात...
देशात वीज पडून दरवर्षी दोन हजार...पुणे : हरिताच्छादन कमी झाल्याने होणारी तापमान वाढ...
कांदा उत्पादक शेतकऱ्याचा प्रामणिकपणानाशिक : जगात प्रामाणिकपणा लोप पावत चालला असल्याची...
अन्नद्रव्यांवरून खतांचे व्यवस्थापन...गेवराई, जि. बीड : जमिनीतील उपलब्ध...
आंबेओहळ प्रकल्पात  ३० टक्के पाणीसाठाकोल्हापूर : आजरा तालुक्यात असलेल्या आंबेओहळ...
वनौषधी पानपिंपरीचे दर वाढल्याने...अकोला ः जिल्ह्यात सातपुड्याच्या पायथ्याशी अकोट,...
नुकसान टाळण्यासाठी  मिश्र पिकांवर भरराळेगाव, जि. यवतमाळ : गेल्या वर्षी कपाशीवर आलेली...
यवतमाळमध्ये अनधिकृत खतांचा साठा जप्तयवतमाळ : परवान्यात नसतानाही खतांचा अनधिकृतपणे...
सांगली जिल्ह्यात खरिपाची २५ टक्के...सांगली : जिल्ह्यात खरीप हंगामाचे सरासरी क्षेत्र २...
सूक्ष्म खाद्य उन्नयन योजनेसाठी अर्ज...वाशीम : जिल्ह्यात २०२०-२१ ते २०२४-२५ या...
पुण्याचा पर्यटन विकास आराखडा तयार करा पुणे : जिल्ह्याच्या पर्यटन विकासासाठी सविस्तर...
प्रताप सरनाईकांचे ठाकरेंना पत्र; ...मुंबई : शिवसेनेचे आमदार प्रताप सरनाईक यांनी...
काळानुरूप बदल स्वीकारा : नितीन गडकरीवर्धा : बाजार समित्यांनी केवळ शेतमाल खरेदी विक्री...
संत्रा आयात शुल्कप्रकरणी बांगलादेशशी...अमरावती : नागपुरी संत्र्याचा सर्वात मोठा आयातदार...
मॅग्नेट ः फलोत्पादन पिकांसाठी एकात्मिक...राज्यातील कृषी हवामान विभागनिहाय फळे, भाजीपाला व...
शेतीवरील आर्थिक ताण कमी करण्यासाठी...हरितक्रांतीनंतर काही दशकांमध्ये विपरीत परिणाम...