Agriculture news in marathi life-threatening journey through the boat in Khedibhokri | Agrowon

खेडीभोकरीला बोटीतून होतोय जीवघेणा प्रवास

टीम अॅग्रोवन
शनिवार, 23 नोव्हेंबर 2019

जळगाव : खेडीभोकरी (ता. चोपडा) ते भोकर (ता. जळगाव) या दरम्यान तापी नदीवर हंगामी लाकडी पूल टाकण्यात येत असतो. यंदा नदीत मोठे प्रवाही पाणी असल्याने हा पूल उभारलेला नाही. यामुळे नदी पार करण्यासाठी बोटीचा आधार घ्यावा लागत आहे. खेडीभोकरी ते भोकरदरम्यान वाहतुकीसंबंधी तापी नदीवर मोठा पक्‍क्‍या स्वरूपातील पूल बांधण्यासंबंधीचे आश्‍वासन अनेकदा लोकप्रतिनिधींनी दिले, परंतु ही आश्‍वासने हवेत विरली आहेत. यात काही दुर्घटना घडल्यास जबाबदार कोण? असा प्रश्‍न देखील यामुळे निर्माण होत आहे. 

जळगाव : खेडीभोकरी (ता. चोपडा) ते भोकर (ता. जळगाव) या दरम्यान तापी नदीवर हंगामी लाकडी पूल टाकण्यात येत असतो. यंदा नदीत मोठे प्रवाही पाणी असल्याने हा पूल उभारलेला नाही. यामुळे नदी पार करण्यासाठी बोटीचा आधार घ्यावा लागत आहे. खेडीभोकरी ते भोकरदरम्यान वाहतुकीसंबंधी तापी नदीवर मोठा पक्‍क्‍या स्वरूपातील पूल बांधण्यासंबंधीचे आश्‍वासन अनेकदा लोकप्रतिनिधींनी दिले, परंतु ही आश्‍वासने हवेत विरली आहेत. यात काही दुर्घटना घडल्यास जबाबदार कोण? असा प्रश्‍न देखील यामुळे निर्माण होत आहे. 

जळगाव तालुक्‍यातील भोकर आणि चोपडा तालुक्‍यांतील खेडीभोकरी या दोन गावांना जोडण्यासाठी तापी नदीवर ब्रिटिश काळात हंगामी लाकडी पूल टाकण्यात येत असतो. या पुलाचा वापर चोपडा, जळगाव, धरणगाव, एरंडोल या तालुक्यांत जाण्यासाठी कमी अंतराचा व सोयीचा असतो. यामुळे पुलावरून होणारी रहदारी ही बरीच आहे. नदीला पाणी असल्याने पूल अजून टाकण्यास उशीर आहे. परंतु, नागरिकांना एका बाजूने नदीच्या दुसऱ्या काठावर सोडण्यासाठी चार बोटींची व्यवस्था येथे आहे. मात्र, या बोटींमधून जीवघेणा प्रवास करावा लागत असल्याचा अनुभव येथून जाणाऱ्या प्रत्येकाला येत आहे. 

भोकर ते चोपडा हे अंतर फक्‍त पंधरा किलोमीटर आहे. मात्र, पूल बंद झाल्यास हे अंतर ७० किलोमीटरचे होते. परिणामी, वेळ व पैसा देखील खर्च होतो. शिवाय खेडीभोकरी, भोकर, भादली, कठोरा, किनोद, गोरगावले, गाढोरे, करंज, सावखेडा आदी गावांतील शेतकऱ्यांना ये- जा करण्यासाठी या पुलाचा मोठा फायदा होत असतो. त्यामुळे या परिसरातील ग्रामस्थांसह वाहनधारकांनी याठिकाणी कायमस्वरूपी पूल बांधण्यात यावा, अशी मागणी केली आहे. येथील नागरिक अनेक वर्षांपासून याबाबत मागणी करत आहेत मात्र, याबाबत केवळ आश्‍वासन दिले जात असून प्रत्यक्षात कोणत्याही प्रकारची कृती झालेली नाही. 

खेडीभोकरीच्या पायथ्याशी चार बोटींची व्यवस्था करण्यात आली आहे. मुळात बोटींमधून नागरिकांना एका काठावरून दुसऱ्या काठावर नेण्याचे काम करणे अपेक्षित असताना नागरिकांसोबत दुचाकी देखील ठेवल्या जात आहेत. एका कोटीवर आठ- दहा दुचाकी ठेवून नागरिकांना बसविले जाते. अर्थात बोटीवर क्षमतेपेक्षा जास्त जण बसल्याने जानेवारीमध्ये धडगाव तालुक्‍यात नर्मदा प्रकल्पाच्या बॅकवॉटरमध्ये बोट उलटून पाच जणांचा मृत्यू झाला होता.

अशीच घटना पावसाळ्यात देखील घडली आहे. याचीच पुनर्रावृत्ती खेडीभोकरी येथे होण्याची शक्‍यता नाकारता येत नाही. यामुळे नागरिक आणि दुचाकी अशा वाहतुकीत काही दुर्घटना घडल्यास त्याला जबाबदार कोण? हा प्रश्‍न समोर येत आहे.


इतर ताज्या घडामोडी
'तीन लाखांपर्यंतचे पीककर्ज माफ व्हावे...गेल्या पाच-दहा वर्षांपासून अस्मानी आणि सुलतानी...
जळगाव जिल्ह्यातील विद्यार्थी वर्गात...जळगाव : जिल्हा परिषद शाळांमधील...
पुणे विभागात चारा पिकांच्या पेरणीवर भरपुणे ः उन्हाळ्यात जनावरांना चाऱ्याची अडचण येऊ नये...
सांगली जिल्ह्यात द्यापही तूर खरेदी सुरू...सांगली : शासनाने हमीभावाने तूर खरेदी करण्यासाठी...
आटपाडीत डाळिंब उत्पादकांना विमा भरपाईची...आटपाडी, जि. सांगली : यावर्षी पावसातील सुरुवातीचा...
मक्यावरील अळीमुळे शेतकरी चिंतातुरअकोला ः जिल्ह्यात या रब्बीत लागवड झालेल्या...
अधिकाऱ्यांच्या खेळात नाचणी उत्पादक वेठीसकोल्हापूर: उन्हाळ्यात नाचणी घेऊन पन्हाळा पश्‍चिम...
चार हजार शेतकऱ्यांना र्दृष्टीदोष दूर...गोंडपिपरी, जि. चंद्रपूर : व्यवसाय करताना बेरीज-...
रेशीम उद्योगासाठी शेतकऱ्यांनी पुढे यावे...औसा, जि. लातूर :  ‘‘रेशीम उद्योगाकडे...
सकाळी सौम्य थंडी तर दुपारी उष्ण हवामानमहाराष्ट्रावर आठवड्याच्या सुरुवातीला १०१४...
औरंगाबाद जिल्ह्यात विजेअभावी सिंचनाची...औरंगाबाद : पंधरवडा रात्री तर पंधरवडा दिवसा...
जीआय टॅगिंगयुक्त हापूसला दीड लाखापर्यंत...रत्नागिरी : ‘‘निर्यातीत हापूसचा टक्के घसरत असून...
कावपिंप्रीत चार वर्षांनंतर बहरली पिकेकावपिंप्री, जि. जळगाव : यंदा कावपिंप्रीसह...
नीरा-देवघरच्या पाणीवाटपावरुन पिलीवमध्ये...सोलापूर : राज्य सरकारने नीरा- देवघर धरणातील...
खानदेशात कांदा दरातील चढउतारामुळे...जळगाव : खानदेशातील प्रमुख बाजार समित्यांमध्ये...
पूरक अन् प्रक्रिया उद्योगावर जर्मनीचा भरउत्तर जर्मनीतील सपाट भूप्रदेश आणि पूर्व...
जालन्यात कांदा २२०० ते २५०० रुपये...जालना : येथील कृषी उत्पन्न बाजार समितीमध्ये...
गुणकारी डाळिंबडाळिंब हे अत्यंत गुणकारी फळ असून भारतात सर्वत्र...
हुंडी चिठ्ठी, मायक्रो फायनान्स...अकोला  ः जिल्ह्यात हुंडी चिठ्ठी तसेच मायक्रो...
नाशिक येथे तीनदिवसीय पुष्पोत्सवाला...नाशिक  : प्रत्येकाच्या हक्काची तीन झाडं हवी...