नाशिक : ‘‘शासनाच्या नव्या धोरणानुसार जमीन विक्रीसाठी काही जाचक निर्बंध लावण्यात आले आहेत. नवीन आदेशानुसार दोन एकर जिरायत व २० गुंठे बागायत जमिनीचे तुकडे करून जमीन विक्री करण्यावर निर्बंध लावण्यात आले आहेत. हा निर्णय शेतकऱ्यांसाठी अत्यंत अडचणीचा आहे. खरेदी विक्रीसाठी जिल्हाधिकाऱ्यांची मान्यता आदींमुळे शेतकऱ्यांच्या अडचणीत वाढ आणि लुटीला प्रोत्साहन मिळेल. ही अडचण लक्षात घेता जिरायत व बागायत जमीन विक्रीवरील जाचक निर्बंध उठवावेत, अशी मागणी सटाणा तालुक्यातील शेतकऱ्यांच्या शिष्टमंडळाने नाशिक येथे महसूलमंत्री बाळासाहेब थोरात यांच्याकडे केली.
जिल्हाधिकारी सूरज मांढरे, माजी आमदार संजय चव्हाण, बागायतदार सोसायटीचे अध्यक्ष माधव सोनवणे, सुभाष झालटे, विकास सोनवणे, सुनील खैरनार, अनिल चव्हाण आदी उपस्थित होते.
शेतकरी भूमिहीन होण्याचा धोका
सद्या शेतकरी नैसर्गिक आपत्ती, कर्जबाजारीपणा, नापिकी तसेच गेल्या दीड वर्षांपासून कोरोना महामारीमुळे शेतकरी आर्थिक अडचणीत सापडला आहे. परिणामी कुटुंबातील लग्न, सावकारी कर्ज, मुलांचे शिक्षण आदी कामात अडचणी येत आहेत. पर्यायी अडचण सोडवण्यासाठी शेतकरी शेतीची विक्री करतो. गरजेपोटी शेतीचा एखादा तुकडा विकून गरज भागणार असली, तरीही केवळ शासनाच्या या नवीन आदेशामुळे शेतकऱ्यांना नाइलाजाने जास्तीच्या शेतीची विक्री करावी लागेल. यामुळे शेतकरी भूमिहीन होण्याचा सुद्धा धोका आहे, असे निवेदनात नमूद आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.