विजांच्या कडकडाटांसह  सिंधुदुर्गमध्ये मुसळधार पाऊस 

जिल्ह्याच्या काही भागात रविवारी सायकांळी उशिरा विजांच्या कडकडाट आणि वादळी वाऱ्यांसह पूर्वमोसमी पाऊस झाला. वैभववाडी तालुक्यातील काही गावांना पावसाने अक्षरशः झोडपून काढले.
 विजांच्या कडकडाटांसह  सिंधुदुर्गमध्ये मुसळधार पाऊस  With lightning strikes Heavy rain in Sindhudurg
विजांच्या कडकडाटांसह  सिंधुदुर्गमध्ये मुसळधार पाऊस  With lightning strikes Heavy rain in Sindhudurg

सिंधुदुर्गनगरी : जिल्ह्याच्या काही भागात रविवारी सायकांळी उशिरा विजांच्या कडकडाट आणि वादळी वाऱ्यांसह पूर्वमोसमी पाऊस झाला. वैभववाडी तालुक्यातील काही गावांना पावसाने अक्षरशः झोडपून काढले. सतत होणाऱ्या पावसामुळे पूर्वपट्ट्यातील आंबा पीक धोक्यात आले आहे. 

जिल्ह्यात गेल्या काही दिवसांपासून पूर्वमोसमी पाऊस पडत आहे. रविवारी सायकांळी उशिरा वैभववाडी आणि कणकवली तालुक्यातील काही गावांना पूर्वमोसमी पावसाने अक्षरशः झोडपून काढले. विजांचा कडकडाट आणि वाऱ्यांसह हा पाऊस झाला. वैभववाडी तालुक्यातील करूळ, सडुरे, नावळेसह भुईबावडा आणि करूळ घाट परिसरात पावसाच्या जोरदार सरी कोसळल्या. कणकवली तालुक्यातील फोंडा, घोणसरी, नांदगाव परिसरात चांगला पाऊस पडला. 

सतत पडत असलेल्या पूर्वमोसमी पावसामुळे पूर्वपट्ट्यातील आंबा पीक धोक्यात येण्याची शक्यता निर्माण झाली आहे. जिल्ह्याच्या पूर्वपट्ट्यातील आंबा एप्रिल अखेरीस परिपक्व होण्यास सुरूवात होते. सध्या या भागातील आंबा परिपक्व होत आहे. परंतु गेल्या काही दिवसांपासून सतत पाऊस पडत असल्यामुळे या भागातील आंबा पीकच धोक्यात येणार आहे. त्यामुळे आंबा बागायतदारांमध्ये चिंतेचे वातावरण आहे. वैभववाडी, कणकवलीसह जिल्ह्यातील देवगड, कुडाळ तालुक्याच्या काही भागात देखील पावसाच्या किरकोळ सरी कोसळल्या.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com