agriculture news in marathi, lime gardens become in trouble due to drought, nagar, maharashtra | Agrowon

संगमनेर तालुक्यातील लिंबू बागांना घरघर 

टीम अॅग्रोवन
शनिवार, 20 जुलै 2019

संगमनेर, जि. नगर : दर्जेदार कागदी लिंबांच्या उत्पादनासाठी प्रसिद्ध असलेल्या तालुक्‍याच्या पूर्व भागातील पिंप्री-लौकी-अजमपूर येथील सुमारे ८० हेक्‍टरवरील लिंबू बागा दुष्काळाच्या तडाख्यामुळे अखेरच्या घटका मोजत आहेत. दुष्काळामुळे जळालेल्या बागांचे पंचनामे करून नुकसानभरपाई मिळण्याची मागणी शेतकऱ्यांनी केली आहे.

संगमनेर, जि. नगर : दर्जेदार कागदी लिंबांच्या उत्पादनासाठी प्रसिद्ध असलेल्या तालुक्‍याच्या पूर्व भागातील पिंप्री-लौकी-अजमपूर येथील सुमारे ८० हेक्‍टरवरील लिंबू बागा दुष्काळाच्या तडाख्यामुळे अखेरच्या घटका मोजत आहेत. दुष्काळामुळे जळालेल्या बागांचे पंचनामे करून नुकसानभरपाई मिळण्याची मागणी शेतकऱ्यांनी केली आहे.

पिंप्री-लौकी-अजमपूर परिसर सर्वदूरच्या महत्त्वाच्या बाजारपेठांमध्ये लिंबे निर्यात करण्यासाठी सुमारे ३० वर्षांपासून प्रसिद्ध आहे. येथील एक ते पाच एकरांवर अनेकांनी लिंबू बागा केल्या आहेत. शेतकऱ्यांनी प्रसंगी टॅंकरच्या विकतच्या पाण्यावर बागा जगविल्या. मात्र, गेल्या तीन वर्षांपासून सलग कमी पावसाचा फटका बसल्याने शेकडो एकरांवरील बागा नेस्तनाबूत झाल्या. तरीही, सध्या एकट्या पिंप्री- लौकी शिवारात सुमारे ८०.२८ हेक्‍टरवर बागा आहेत. 

गतवर्षी ११२ शेतकऱ्यांनी मुंबई येथील ॲग्रिकल्चर इन्शुरन्स कंपनीकडे प्रत्येकी साडेपाच हजार रुपयांप्रमाणे विमाहप्ता भरला. दुष्काळामुळे जळालेल्या बागांचे पंचनामे करून संबंधित कंपनीकडून नुकसानभरपाई मिळणे अपेक्षित होते. मात्र, अद्यापही बागांची पाहणी व पंचनामा करण्यासाठी कंपनीचे प्रतिनिधी फिरकलेले नाहीत. 

पावसाळा सुरू होऊन दीड महिना उलटला, तरी समाधानकारक पाऊस झालेला नाही. खरिपातील बाजरीचे पीक जळून चालले आहे. रिमझिम पावसावर कर्जाऊ रकमा घेऊन पेरणी केलेल्या शेतकऱ्यांचे हाल पाहण्यास कृषी अधिकाऱ्यांना सवड नाही. संबंधित कंपनीने तातडीने पंचनामे करून येथील शेतकऱ्यांना नुकसानभरपाई द्यावी; अन्यथा विमा कंपनीविरोधात आंदोलनाचा इशारा शेतकऱ्यांनी दिला आहे. शेतकऱ्यांना एकरी एक लाख रुपये नुकसानभरपाई देण्याची मागणी सामाजिक कार्यकर्ते भारत गिते यांनी केली आहे. तसे पत्र गृहनिर्माणमंत्री राधाकृष्ण विखे पाटील, कृषिमंत्री, जिल्हाधिकाऱ्यांना निवेदन पाठविले आहे.


इतर ताज्या घडामोडी
अंजीर-सिताफळ संशोधन केंद्राचे प्रमुख डॉ...पुणे : महात्मा फुले कृषी विद्यापिठाच्या ...
तोलाई मजुरीसाठी सांगली बाजार समितीच्या...सांगली : कृषी उत्पन्न बाजार समितीमध्ये तोलाई...
परभणी जिल्ह्यात सिंचनाची ५० कोटींवर...परभणी : जिल्ह्यातील लघू, मध्यम, मोठ्या...
खानदेशात रब्बी ज्वारी, मक्यावर लष्करी...जळगाव : खानदेशात खरिपात शेतकऱ्यांना फटका बसलेला...
परभणीत गाजर ८०० ते १५०० रुपये...परभणी  : येथील पाथरी रस्त्यावरील फळे...
औरंगाबाद, जालना, बीड जिल्ह्यांत साडेआठ...औरंगाबाद : औरंगाबाद, जालना, बीड या तीन...
अमरावती विभागात सहा लाख ८३ हजार शेतकरी...अमरावती ः महात्मा जोतिराव फुले शेतकरी कर्जमुक्ती...
एम्प्रेस गार्डनच्या पुष्पप्रदर्शनाला...पुणे ः एम्प्रेस बोटॅनिकल गार्डनच्या वतीने आयोजित...
अकोल्यात भारिप, वाशीममध्ये...अकोला ः जिल्हा परिषदेच्या अध्यक्ष-उपाध्यक्ष...
पुणे जिल्ह्यात उद्या पल्स पोलिओ लसीकरण...पुणे : पोलिओच्या आजाराचे उच्चाटन करण्याच्या...
पत्नीच्या नावे कामकाजासाठी येणाऱ्या...बुलडाणा ः स्थानिक स्वराज्य संस्थांमध्ये महिलांना...
पाणी, शेती विकासासह समाजकारणाला...नगर : निवडणुकीत पराभव मी मानत नाही. लोकांचे...
पुणे जिल्ह्यात ज्वारी पिकावर चिकट्याचा...पुणे ः पुणे जिल्ह्याच्या पश्चिम जिरायत भागात...
प्रशासकीय कामकाज सेवा हमी कायद्यानुसार...अकोला ः शासकीय योजनांचा लाभ लाभार्थ्यांपर्यंत...
वीज रोहित्र ४८ तासांत बदलून द्या;...अकोला ः वीज रोहित्रांबाबत शेतकऱ्यांच्या असंख्य...
अर्थसंकल्पात शेतकऱ्यांना न्याय न...मुंबई ः केंद्र सरकारचे कृषीविषयक धोरण सातत्याने...
पुणे, मुंबई बाजार समितीच्या निवडणुका...पुणे ः उच्च न्यायालयाच्या आदेशाने सुरू असलेल्या...
फडणवीस सरकारच्या टेंडर मॅनेजमेंट...मुंबई ः काँग्रेस पक्षाने २६ ऑगस्ट २०१९ व २९ ऑगस्ट...
शेतीमाल निर्यातबंदी उठवण्यासाठी लढा...औरंगाबाद : शेतकऱ्यांना दिलेली आश्‍वासने पूर्ण...
साखर उद्योग सक्षम करण्यासाठी प्रयत्नशील...पुणे ः साखर उद्योगाचे एक चक्र असून, या उद्योगाला...