Agriculture News in Marathi Livestock health Facilities will be available immediately | Agrowon

पशुधनाच्या आरोग्यविषयक  सुविधा तत्काळ मिळणार 

टीम अॅग्रोवन
बुधवार, 15 सप्टेंबर 2021

पशू वैद्यकीय चिकित्सालयीन संकुलामुळे प्राण्यांच्या आरोग्यविषयक शस्त्रक्रिया व औषधोपचाराची सुविधा तत्काळ मिळणार आहे.

नागपूर : पशू वैद्यकीय चिकित्सालयीन संकुलामुळे प्राण्यांच्या आरोग्यविषयक शस्त्रक्रिया व औषधोपचाराची सुविधा तत्काळ मिळणार आहे. त्याचबरोबर नागपूरसह छत्तीसगड, मध्य प्रदेशातील पशुधनाला याचा फायदा मिळेल, असे प्रतिपादन दुग्ध व्यवसाय विकास, पशुसंवर्धन मंत्री सुनील केदार यांनी केले. 

राष्ट्रीय कृषी विकास योजनेंतर्गत ६ कोटी ९१ लाख रुपये निधी खर्चून पशू वैद्यकीय महाविद्यालयाच्या परिसरात बांधण्यात आलेल्या पशू वैद्यकीय चिकित्सालयीन संकुलाचे लोकार्पण केंद्रीय रास्ते विकास व महामार्ग परिवहन मंत्री नितीन गडकरी यांच्या हस्ते करण्यात आले. त्या वेळी अध्यक्षीय भाषणात केदार बोलत होते. 

खासदार डॉ. विकास महात्मे, आमदार अभिजित वंजारी, माफसूचे कुलगुरू डॉ. ए. एम. पातुरकर, पशू वैद्यकीय महाविद्यालयाचे ए. पी. सोमकुंवर, कार्यकारी परिषदेचे डॉ. सुधीर दिवे, डॉ. संदीप इंगळे, डॉ. वैद्य, डॉ. दुधलकर या वेळी उपस्थित होते. 

केदार म्हणाले, ‘‘मध्य भारतात प्राण्यांच्या आरोग्यविषयक सुविधा व औषधोपचारासाठी हे एकमेव संकुल आहे. शेळी व कुक्कुटपालनावर शासनाचा अधिक भर राहणार असून, विदर्भातील ग्रामीण अर्थव्यवस्थेला यामुळे निश्‍चितच चालना मिळणार आहे. ‘सानेन’ या प्रजातीच्या शेळीचे पालन करून दुग्ध उत्पादन वाढीवर भर देण्यात येणार आहे. पश्‍चिम महाराष्ट्राच्या ग्रामीण भागातील अर्थव्यवस्था कृषीसह पशुसंवर्धनावर आधारित आहे. त्याच धर्तीवर विदर्भात प्रयत्न केले जातील. विद्यापीठाचे विस्तारीकरण करून ज्ञान सामान्य नागरिकांपर्यंत पोहोचले पाहिजे. यासाठी ग्रामीण भागात शिबिर आयोजित करा.’’ 

नितीन गडकरी म्हणाले, ‘‘सर्व सुविधा युक्त असे अत्याधुनिक पशू वैद्यकीय चिकित्सालयीन संकुल नागपूर येथे झाले. त्यामुळे प्राण्यांना आरोग्यविषयक सोयीसुविधा मिळून बाहेरून उपचार करण्याची गरज भासणार नाही. त्याचबरोबर पशुपालकांना इथेच सर्व सुविधा मिळणार आहेत. विदर्भात ६ हजार ५०० हजार मामा तलाव आहेत. त्यामध्ये मत्स्यपालन केल्यास ग्रामीण अर्थव्यवस्थेला चालना मिळेल. आत्मनिर्भर भारताचे स्वप्न पूर्ण होईल.’’

पशुपालकांसाठी ‘एम्स किसान पोर्टल’चे मान्यवरांच्या हस्ते उद्घाटन करण्यात आले. प्रास्ताविक सोमकुंवर यांनी केले तर उपस्थितांचे आभार आखरे यांनी मानले. या कार्यक्रमास पशू व मत्स्य परिषदेचे पदाधिकारी तसेच अधिकारी व कर्मचारी उपस्थित होते.


इतर बातम्या
बंगालच्या उपसागरात घोंघावतेय चक्रीवादळपुणे : बंगालच्या उपसागरात तयार झालेल्या कमी दाब...
बांगलादेशला रेल्वेद्वारे होणार संत्रा...नागपूर : किसान रेल्वेच्या माध्यमातून संत्रा...
‘गोकुळ’तर्फे दुभत्या जनावरांना लाखाचा...कोल्हापूर : दुभत्या जनावरांचा कोणत्याही आजाराने...
पितृपक्षामुळे सुकामेव्याला मागणी वाढलीपुणे : पितृपक्षाला प्रारंभ झाल्यानंतर काही...
साखर दरवाढीची गोडी कायमकोल्हापूर : गेल्या महिन्यापासून साखर दरात आलेल्या...
राज्यात विजा, मेघगर्जनेसह पावसाचा इशारापुणे : राज्यात पावसाचा जोर काहीसा ओसरला असला तरी...
सार्वजनिक पाणीपुरवठा, पथदिव्यांची  ५६...कोल्हापूर : कोल्हापूर व सांगली जिल्ह्यांतील...
पुणे जिल्ह्यात  पावसाची उघडीप पुणे : पावसासाठी पोषक वातावरण नसल्याने अनेक...
यंदा भाताचे उत्पादन वाढण्याची शक्यताकोल्हापूर : गेल्या वर्षीच्या तुलनेत यंदा देशात...
शेतीला सोलर कुंपण घाला यवतमाळ : वन्य प्राण्यांमुळे ज्या भागात नियमितपणे...
सततच्या पावसामुळे  रिसोडमध्ये सोयाबीन...रिसोड, जि. वाशीम : तालुक्यात २० सप्टेंबरपासून सतत...
प्रमाणपत्र, शाल, श्रीफळ मिळाले,...औरंगाबाद : गतवर्षीच्या रब्बी हंगामात आयोजित...
  सांगली जिल्हा बँकेच्या  चौकशीला...सागंली : जिल्हा मध्यवर्ती बँकेच्या सहकार कायदा...
खरीप हंगाम काढणीवर  पावसाचे गडद सावट नांदुरा, जि. वाशीम : खरीप हंगामातील पिके...
४१ व्या मराठवाडा साहित्य संमेलनाचे आज...औरंगाबाद : ४१ व्या मराठवाडा साहित्य संमेलनाचे...
खानदेशात प्रशासनाकडून रब्बीतील पीककर्ज...जळगाव  : खानदेशात रब्बी पीककर्ज वितरणाची...
मराठवाड्यात पावसाचा जोर औरंगाबाद : मराठवाड्यात गुरुवारी (ता. २३)...
जळगाव जिल्ह्यास पावसाने झोडपलेजळगाव  : जिल्ह्यात गुरुवारी (ता.२३) अनेक...
तडवळेत जोरदार पावसामुळे सोयाबीन...कसबे तडवळे, जि. उस्मानाबाद : परिसरात गेल्या चार...
परभणी, हिंगोलीत पावसाने सोयाबीनला फुटले...परभणी ः परभणी, हिंगोली जिल्ह्यात पावसाचा कहर सुरु...