बांबू लागवडीसाठी शेतकऱ्यांना कर्ज देणार

मंडळाने बांबूच्या बल्कोआ, ब्रारडीसी, नुतन्स, अस्पेर आणि तुलदा या पाच प्रजातींची लागवड करण्याचे ठरवले आहे. -सुधीर मुनगंटीवार, वनमंत्री
बांबू लागवडीसाठी शेतकऱ्यांना कर्ज देणार
बांबू लागवडीसाठी शेतकऱ्यांना कर्ज देणार

मुंबई : शेतकऱ्यांनी त्यांच्या शेतातील उपलब्ध जागेवर बांबू उत्पादन घ्यावे, यासाठी नाबार्ड आणि स्टेट बँक ऑफ इंडिया यांच्याकडून शेतकऱ्यांना कर्ज मिळावे, यासाठी महाराष्ट्र बांबू विकास मंडळाने प्रयत्न सुरू केले आहेत.

बांबू प्रजाती ही बहुउपयोगी असून शेतकऱ्यांनी त्यांच्या शेतातील उपलब्ध जागेवर बांबू लागवड केल्यास त्यांना अतिरिक्त लाभ मिळू शकतो. याच कारणासाठी शासनाने बांबूला वन विभागाच्या वाहतूक परवान्यातून मुक्त केले आहे. यामुळे आदिवासी तसेच इतर युवकांनाही मोठ्या प्रमाणात रोजगाराची संधी उपलब्ध होऊ शकेल. उत्पन्नवाढीतून त्यांच्या जीवनमानात सुधारणा होऊ शकेल. यासाठी बांबू विकास मंडळ प्रयत्न करत आहे.

विदर्भातील एकूण ८०० शेतकऱ्यांनी १०३५ हेक्टर जमीन बांबू पिकासाठी वापरण्यास परवानगी दिली आहे. शेतकऱ्यांना कर्ज उपलब्ध झाले, तर शेतकऱ्यांना त्यांच्या शेतात बांबूची लागवड करता येईल. बांबू विकास मंडळ शेतकऱ्यांना बांबू लागवडीसाठी तांत्रिक मदत करणार आहे. शेतकऱ्यांना आर्थिक सुरक्षितता प्रदान करणारा बांबू नैसर्गिक प्रतिकूल परिस्थितीतही तग धरून राहतो. संस्थांनी रोपे पुरविण्याचे मान्य केले रत्नागिरी जिल्ह्यात दरवर्षी ३ हजार ट्रक मंगा बांबू प्रजातीची विक्री होते. बांबू विकास मंडळाने बंगलुरु, जबलपूर, रायपूर, येथील टिश्युकल्चर रोपे मिळवण्यासाठी निविदा प्रक्रिया पूर्ण केली असून तेथील संस्थांनी रोपे पुरविण्याचे मान्य केले आहे. मंडळाने बांबूच्या बल्कोआ, ब्रारडीसी, नुतन्स, अस्पेर आणि तुलदा या पाच प्रजातींची लागवड करण्याचे ठरवले आहे, अशी माहिती वनमंत्री सुधीर मुनगंटीवार यांनी दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com