agriculture news in marathi, lobby tries to weaken process of agriculture equipment DBT | Agrowon

अवजार खरेदी ‘डीबीटीमुक्त’ करण्याच्या हालचाली
मनोज कापडे
रविवार, 29 एप्रिल 2018

पुणे : राज्याच्या कृषी यांत्रिकीकरण अनुदान वाटपात पारदर्शकता आणण्यासाठी लागू केलेले डीबीटी धोरण हाणून पाडण्यासाठी ठेकेदार लॉबी पुन्हा सक्रिय झाली आहे. काही अवजारांना डीबीटीमुक्त करण्यासाठी छाननी समितीसमोर प्रस्ताव ठेवण्याच्या हालचाली सुरू झालेल्या आहेत. 

जिल्हा परिषदांच्या कृषी विभागांना गेल्या हंगामात डीबीटी धोरण लागू नव्हते. त्याचा फायदा घेत अधिकारी व ठेकेदारांच्या सोनेरी टोळीने ३० मार्च २०१७ रोजी शेतकऱ्यांच्या नावाखाली रातोरात कोट्यवधी रुपयांची अवजारे खरेदी दाखविली होती. विशेष म्हणजे या खरेदीला मंत्रालयातून मान्यता मिळाली होती.

पुणे : राज्याच्या कृषी यांत्रिकीकरण अनुदान वाटपात पारदर्शकता आणण्यासाठी लागू केलेले डीबीटी धोरण हाणून पाडण्यासाठी ठेकेदार लॉबी पुन्हा सक्रिय झाली आहे. काही अवजारांना डीबीटीमुक्त करण्यासाठी छाननी समितीसमोर प्रस्ताव ठेवण्याच्या हालचाली सुरू झालेल्या आहेत. 

जिल्हा परिषदांच्या कृषी विभागांना गेल्या हंगामात डीबीटी धोरण लागू नव्हते. त्याचा फायदा घेत अधिकारी व ठेकेदारांच्या सोनेरी टोळीने ३० मार्च २०१७ रोजी शेतकऱ्यांच्या नावाखाली रातोरात कोट्यवधी रुपयांची अवजारे खरेदी दाखविली होती. विशेष म्हणजे या खरेदीला मंत्रालयातून मान्यता मिळाली होती.

बॅंकांचे किमान जमा रकमेचे कारण दाखवून डीबीटीमधून कृषी अवजारांना वगळण्याचा प्रस्ताव मुख्य सचिवांच्या अध्यक्षतेखालील छाननी समितीकडे पाठविला जाणार आहे. ही समिती अवजारांचा आढावा घेवून डीबीटी मुक्तीची शिफारस मुख्यमंत्र्यांकडे करेल. त्यानंतर मुख्यमंत्री अंतिम निर्णय घेतील. 

अवजार खरेदीमधील घोटाळे टाळण्यासाठी मुख्यमत्री देवेंद्र फडणवीस यांनीच पुढाकार घेत डीबीटी (डायरेक्ट बेनिफिट ट्रान्स्फर) यादीत अवजारांचा समावेश केला आहे. डीबीटीमुळे अधिकारी किंवा ठेकेदारांना शेतकऱ्यांचा पैसा परस्पर लाटता येत नाही. सरकारी अनुदान थेट शऱ्याच्या बॅंक खात्यात जमा होते. मात्र, डीबीटीमुक्त धोरणामुळे गैरव्यवहाराला चालना मिळते, असे सूत्रांचे म्हणणे आहे.   

''डीबीटीमुळे राज्याच्या कृषी विभागाकडून व जिल्हा परिषदामधील कृषी विभागाच्या अवजार वाटापाला अडचणी येत आहे अशी आवई काही अधिकाऱ्यांनीच उठविली आहे. त्यामागे ठेकेदार लॉबीचे पाठबळ आहे. त्यामुळे काही लोकप्रतिनिधी, मंत्रालयातील काही अधिकारी आणि क्षेत्रिय पातळीवरील काही अधिकारी एकत्र आले असून त्यांनी कृषी अवजारे डीबीटीमुक्त करण्यासाठी पाठपुरावा सुरू केला आहे,’ अशी माहिती सूत्रांनी दिली.  

कृषी अवजारे, पशुधन, पशुखाद्य, विकलांगांचे साहित्य यासाठी डीबीटी न लावू नये, असे लॉबीचे म्हणणे आहे. बॅंकेत पाच हजार रुपये असल्याशिवाय खाते सुरू रहात नाही. त्यामुळे डीबीटी राबविणे शक्य नाही, असे कारण या लॉबीकडून दाखविले जात आहे. 

‘बॅंकांमध्ये किमान जमा रक्कम असली तरच डीबीटी राबविता येते हे कारण तकलादू आहे. राज्य शासन याबाबत रिझर्व्ह बॅंक किंवा केंद्र सरकारशी पत्रव्यवहार करून या प्रश्नावर एका आठवडयात तोडगा काढू शकते. ‘ग्राहकाच्या खात्यात रक्कम असो की नसो; डीबीटीने जमा केलेली रक्कम बॅंकांनी संबंधित ग्राहकाला दिलीच पाहिजे, असा एक ओळीचा आदेश रिझर्व्ह बॅंकेने काढल्यास डीबीटीचे धोरण व्यवस्थित चालू शकते. त्यासाठी अवजारांना डीबीटीतून काढण्याची अजिबात गरज नाही,’ अशी माहिती उच्चपदस्थ सूत्रांनी दिली. 
 

इतर अॅग्रो विशेष
महात्मा फुले कृषी विद्यापीठाला देशात...नगर ः नवी दिल्ली येथील भारतीय कृषी संशोधन...
व्यापाऱ्याकडून द्राक्ष उत्पादकांची तीन...नाशिक: ओझर येथील आदित्य अ‍ॅग्रो एक्स्पोर्ट या...
‘कन्या वनसमृद्धी योजने’अंतर्गत शेतकरी...मुंबई : शेतकरी कुटुंबात मुलगी जन्माला आली तर...
ड्रोन तंत्रज्ञानाच्या वापराबाबत `...अकोला ः कृषी क्षेत्रात ड्रोन तंत्रज्ञानाचा...
जमीन सुपीकता जपत दर्जेदार संत्रा...दर्जेदार संत्रा फळांच्या उत्पादनात सातत्य राखत...
केळीत दोन हंगामात कारले पिकाचा प्रयोगजळगाव जिल्ह्यातील करंज येथील रामदास परभत पाटील...
कृषी विभागाकडून परीक्षा शुल्क परतीसाठी...अमरावती ः परीक्षा शुल्क परतीसाठी पोस्टेज खर्च सात...
सूतगिरण्या तीन दिवस बंद करण्याची वेळजळगाव ः चीन, युरोपातील सूत निर्यात जवळपास ठप्प...
राज्यात अवघा २५ टक्के पाणीसाठापुणे : जुलै महिना संपत आला, तरीही पावसाने...
गुरुवारपासून पावसाचा जोर वाढण्याची...पुणे: राज्याच्या बहुतांशी भागांत पावसाने उघडीप...
लावलेली वनवृक्षे जगवावी लागतीलनिसर्गाचा समतोल सातत्याने ढासळत असून, जगभरातच...
खजुराची शेती खुणावतेय विदर्भ आणि मराठवाड्यात सिंचनाच्या फारशा सोयी...
शेळीपालन ते दुग्ध प्रक्रिया ः महिलांनी...नाशिक जिल्ह्यातील सिन्नर हा अवर्षणप्रवणग्रस्त...
सरकारला एवढी कसली घाई?विविध मंत्रालयांसाठी अर्थसंकल्पात केल्या जाणाऱ्या...
एक पाऊल पोषणक्रांतीच्या दिशेनेशे तकऱ्यांचे कष्ट, शास्त्रज्ञांचे प्रयत्न आणि...
आधुनिक तंत्रासह काटेकोर धोरणाने अमेरिकन...पुणेः विविध जागतिक संस्थांनी एकत्र येऊन आफ्रिकी,...
मक्याच्या तुटवड्यामुळे अंडी आणि चिकन...पुणे : दक्षिण भारतासह महाराष्ट्र व मध्य प्रदेशात...
लष्करी अळीमुळे राज्यभरातील शेतकरी त्रस्तपुणेः गेल्या वर्षी भीषण दुष्काळाचा सामना करणाऱ्या...
लष्करी अळी नियंत्रणाचे जागतिक प्रयत्नपुणे : स्पोडोप्टेरा फ्रुगीपर्डा म्हणजेच...
मक्यावरील अमेरिकन लष्करी अळीचे आव्हान...पुणे ः गेल्या हंगामातील दुष्काळाच्या चटक्यानंतर...