‘लॅाकडाउन’मुळे मंगरूळ येथील फुले झाडावरच कोमेजली

जरबेराचा यंदाचा हा पहिलाच हंगाम आहे. चांगले उत्पादन आणि उत्पन्न मिळत होते. परंतु लॅाकडाऊनमुळे दररोजचे तीन ते चार हजार रुपयांचे उत्पन्न बंद झाले आहे. - ज्ञानेश्वर देशमाने, शेतकरी,मंगरुळ, ता. मानवत, जि.परभणी. ........... दररोज सातश ७०० ते ८०० जरबेरा फुले तोडून फेकून द्यावी लागत आहेत. मजुरी, निविष्ठावर मोठा खर्च होत आहे. - मोहन कापसे, शेतकरी मंगरुळ,ता. मानवत, जि. परभणी.
The 'lockdown' caused the flowers in the Mangrul to fade into the tree itself
The 'lockdown' caused the flowers in the Mangrul to fade into the tree itself

परभणी : ‘लॅाकडाउन’मुळे मंगरुळ (ता. मानवत) येथील जरबेरा उत्पादक शेतकऱ्यांना पहिल्याच हंगामात मोठा आर्थिक फटका सहन करावा लागत आहे. विक्री बंद असल्यामुळे फुले झाडांवरच कोमेजली आहेत. दररोज महागडी फुले तोडून फेकून देण्याची वेळ शेतकऱ्यांवर आली आहे. दररोजचे तीन ते चार हजार रुयांचे उत्पन्न बुडत आहे. परंतु, शेतातील जरबेराच्या व्यवस्थानावर खर्च होत आहे. त्यामुळे आठ जरबेरा उत्पादक शेतकऱ्यांच्या अर्थकारणाला पहिल्याच हंगामात खीळ बसली आहे. 

मंगरुळ येथील ज्ञानेश्वर देशमाने, मीनाक्षी कापसे, माणिक साखरे, नागनाथ रोडगे, दादाराव देशमाने, हनुमंत पेदापल्लीकर, पद्माबाई डुकरे, देविदास कदम या आठ शेतकऱ्यांनी कृषी विभागाच्या राष्ट्रीय फलोत्पादन अभियानांतर्गंत पॉलीहाऊसची उभारणी केली. त्यावर लाखो रुपयांचा खर्च झाला.

गतवर्षीच्या ऑक्टोबर महिन्यात त्यांनी पॉलीहाऊसमध्ये प्रत्येकी दहा गुंठे क्षेत्रावर जरबेराची लागवड केली. जानेवारीत जरबेराचा काढणी हंगाम सुरु झाला. पुणे येथील मार्केटमध्ये विक्रीतून प्रत्येक शेतकऱ्यास दररोज तीन ते चार हजार रुपयाचे उत्पन्न मिळत होते. जेमतेम एक ते दोन महिने चांगले उत्पन्न मिळाले. 

दरम्यान, लॉकडाउनमुळे वाहतुक तसेच फुलांचे मार्केट बंद आहे. लग्न समारंभ, धार्मिक, राजकीय, सामाजिक कार्यक्रम बंद आहेत. त्यामुळे जरबेराच्या विक्रीवर परिणाम झाला आहे. काढणीला आलेली फुले दररोज फेकून द्यावी लागत आहेत. जरबेरा पिकांच्या व्यवस्थापनासाठी किडकनाशके, खते तसेच मजुरी यावर खर्च होत आहे. उत्पन्न बंद झाले, परंतु खर्च सुरुच आहे. त्यामुळे उत्पादकांना पदरमोड करावी लागत आहे. त्यामुळे नुकसानीत अधिकच भर पडत आहे. गेल्या २० दिवसांत लाखो रुपयाचे उत्पन्न बुडल्याने उत्पादकांचे अर्थकारण कोलमडले आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com