कोल्हापूर : लॉकडाऊन कालावधीमध्ये रासायनिक खतांची उपलब्धता राहावी याकरिता खत पुरवठा नियोजन सुरळीत करण्यात आलेले आहे. त्याचा सर्व शेतकरी बांधवांनी लाभ घेऊन शेती व शेतीपूरक कामे वेळच्या-वेळी करावीत, असे आवाहन जिल्हा अधीक्षक कृषी अधिकारी ज्ञानदेव वाकुरे यांनी केले.
शेती व शेतीपूरक कामे- शेतीची मशागत करणे, लागवड करणे, पिकांच्या, फळझाडांच्या आंतरमशागतीची कामे करणे. तसेच फळझाडे व इतर पिकांची काढणी व विक्री करण्यास कोणतेही निर्बंध नाहीत. तसेच शेतीसाठी आवश्यक बी-बियाणे, खते, कीटकनाशके उपलब्धतेसाठी जिल्ह्यातील सर्व कृषी सेवा केंद्रे सुरू ठेवण्यात येत आहेत. शेतीसाठीची अवजारे, मशीनरींची दुकाने चालू ठेवणे, त्यांचे सुटे भाग तसेच विक्रीपश्चात सेवा याकरिता सर्व संबंधितांना सूचना देण्यात आल्या आहेत.
मनरेगाअंतर्गत ग्रामीण भागात रोजगार उपलब्ध होण्यासाठी कामे हाती घेण्याबाबत- ग्रामीण भागात गरजवंतांना जास्तीत-जास्त रोजगार उपलब्ध व्हावा, यासाठी कृषी विभागाशी संबंधित कामे हाती घेण्यात येत आहेत. मनरेगा अंतर्गत करण्यात येणारी निरनिराळी कामे उदा. व्हर्मी कंपोस्ट उभारणी, नाडेप उभारणी, शेततळे खोदणे व फळबाग लागवड करण्यासाठी पूर्व तयारीची कामे सुरू करण्यात आलेली असून त्याचा लाभ घ्यावा, असे आवाहनही कृषी विभागामार्फत करण्यात येत आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.