पुणे :  केंद्रीय गृह मंत्रालयाने कोरोना लाॅकडाऊनचा कालावधी दोन आठवडे वाढविला आहे. ४ मेपासून त्याची अंमलबजावणी होणार असून १७ मेपर्यंत लॉकडाऊन असेल. केंद्र सरकारने लागू केलेल्या दुसऱ्या लाॅकडाऊनची मुदत ३ मे रोजी संपत आहे.

प्रत्येक लाॅक डाऊनची घोषणा पंतप्रधान नरेंद्र मोदी यांनी केली होती. त्यासाठी त्यांनी देशाला संबोधून भाषण केले होते. तिसऱ्या  लाॅकडाऊनची घोषणा मोदींनी न करता एका नोटिफिकेशऩद्वारे करण्यात आली. येत्या 17 मे पर्यंत हा लाॅकडाऊन लागू राहणार आहे. ग्रीन आणि आॅरेंज झोनसाठी काही सवलतींची घोषणा करण्यात आली आहे. त्यासाठीच्या बैठका पंतप्रधान नरेंद्र मोदी यांच्या अध्यक्षतेखाली पार पडल्या. त्यानुसार मजुरांची ने-आण करण्यासाठी खास रेल्वेची व्यवस्था करण्याचे ठरले आहे.

झोन दर आठवड्याला निश्चित केले जातील. राज्यांना रेड किंवा आॅरेंज झोनमध्ये जिल्हे समाविष्ट करण्याची परवानगी देण्यात आली आहे. मात्र त्यांची तीव्रता कमी करण्याचा अधिकार राज्यांना नाही. गेल्या चोवीस तासांत देशांतील कोरोना रुग्णांचा आकडा 35 हजारांहून अधिक झाला आहे. राज्यातील एकूण 14 जिल्हे तर देशातील 120 जिल्हे रेड झोनमध्ये आहेत. 

राज्यनिहाय रेडझोन जिल्ह्यांची संख्या

सर्वाधिक ग्रीन झोन जिल्हे

महाराष्ट्रातील जिल्हे