agriculture news in marathi, lok sabha election campaign,aurangabad, maharashtra | Agrowon

मराठवाड्याचा पाणी प्रश्‍न सोडविणार : नितीन गडकरी
टीम अॅग्रोवन
रविवार, 21 एप्रिल 2019

पैठण, जि. औरंगाबाद   : पश्चिम घाटातून वाहून जाणारे पाणी आपल्याकडील नद्यांमध्ये आणले जाणार आहे. त्यासाठी ४० हजार कोटी रुपये खर्चाचे नियोजन असून ते पाणी जायकवाडी धरणात आणले जाईल. हे पाणी कालव्याऐवजी पाइपलाइनने द्यायचा विचार आहे. मराठवाड्याचा पाणी प्रश्न सोडविल्याशिवाय राहणार नाही. यासाठी भाजपचे मजबूत सरकार सत्तेवर आणा, असे प्रतिपादन केंद्रीय मंत्री नितीन गडकरी यांनी केले. 

पैठण, जि. औरंगाबाद   : पश्चिम घाटातून वाहून जाणारे पाणी आपल्याकडील नद्यांमध्ये आणले जाणार आहे. त्यासाठी ४० हजार कोटी रुपये खर्चाचे नियोजन असून ते पाणी जायकवाडी धरणात आणले जाईल. हे पाणी कालव्याऐवजी पाइपलाइनने द्यायचा विचार आहे. मराठवाड्याचा पाणी प्रश्न सोडविल्याशिवाय राहणार नाही. यासाठी भाजपचे मजबूत सरकार सत्तेवर आणा, असे प्रतिपादन केंद्रीय मंत्री नितीन गडकरी यांनी केले. 

पैठण येथे शनिवारी (ता. २०) जालना लोकसभा मतदारसंघातील महायुतीचे उमेदवार रावसाहेब दानवे यांच्या प्रचार सभेत श्री. गडकरी बोलत होते. या वेळी आमदार संदीपान भुमरे, भाजप प्रदेश उपाध्यक्ष डॉ. भागवत कराड, भाजप महिला आघाडीच्या प्रदेश उपाध्यक्ष रेखा कुलकर्णी, नगराध्यक्ष सूरज लोळगे, उपनगराध्यक्ष सुचित्रा जोशी, सुलोचना साळुंके, जिल्हा उपाध्यक्ष डॉ. सुनील शिंदे, माजी नगराध्यक्ष सोमनाथ परदेशी, दत्ता गोर्डे, ॲड. कांतराव औटे, दत्ता गोर्डे,  शेखर पाटील उपस्थित होते. 

श्री. गडकरी म्हणाले, की  राज्यातील सर्व देवस्थानांना जोडणाऱ्या रस्त्यांची कामे या सरकारच्या काळात झाली आहेत. सरकारने पाच वर्षात विकासाची कामे केली. पैठण-औरंगाबाद या मार्गाचे काम निवडणुकीनंतर तीन महिन्यांच्या आत केले जाणार आहे. या कामासाठीचा विकास आराखडा तयार आहे. यापुढे सिंचन प्रकल्प करताना पाइपलाइनचा उपयोग केला जाणार असून त्या माध्यमातून सिंचनासाठी पाणी देण्याची सोय केली जाणार आहे. राज्यात रस्त्यांची पाच लाख कोटींची कामे सुरू केली आहेत. दोन हजार कोटी रुपयांच्या बळिराजा प्रकल्पातून साडेपाच लाख हेक्‍टर शेती सिंचनाखाली आणली जाणार आहे. पंतप्रधान सिंचन योजनेंतर्गत राज्यातील प्रकल्पांची कामे हाती घेण्यात आली आहेत. त्यात मराठवाड्यातील चार प्रकल्पांचा समावेश आहे.

मराठवाड्यातील सुशिक्षित बेरोजगारांच्या हाताला काम देण्यासाठी येणाऱ्या काळात आयात-निर्यात उद्योग सुरू करण्यात येणार आहेत. जालना येथून या उद्योगाला सुरुवात करण्यात आली आहे. नदीजोड प्रकल्पामुळे महाराष्ट्राची सध्याची २० टक्‍क्‍यांवर असलेली सिंचन क्षमता ५० टक्के होणार आहे. पंडित जवाहरलाल नेहरू यांच्यापासून इंदिरा गांधी, राजीव गांधी, सोनिया गांधी व आता नेहरू यांचे पणतु राहुल गांधी या देशात गरिबी हटावचा नारा देत आहेत. कॉंग्रेसचा नारा हा खोटा असून कॉंग्रेस हा जातीयवादी विष पेरणारा पक्ष असल्याचा आरोप त्यांनी केला.  

इतर ताज्या घडामोडी
नगर जिल्ह्यातील ४३ हेक्टर जमीन गेली...नगर  ः जिल्ह्यात पंधरा दिवसांपूर्वी गोदावरी...
पूरबाधित क्षेत्रातील उसाचे व्यवस्थापन पुराच्या पाण्याचा कालावधी, पाण्याचा गढूळपणा आणि...
संत्रा फळपिकावरील तपकिरी कुज व्यवस्थापन लिंबू वर्गीय फळझाडास वर्षातून तीनदा बहार येतो....
नत्राच्या दुहेरी समस्यांवर मात...जागतिक पातळीवर नत्राचे प्रदूषण आणि शेतीसाठी...
डाळिंबाच्या मार्केटिंग, प्रक्रिया...सोलापूर  : ‘‘जिल्ह्यात उत्पादन होणारे डाळिंब...
जळगाव जिल्हा सहकारी दूध संघाला तीन...जळगाव  ः जळगाव जिल्हा सहकारी दूध उत्पादक...
औरंगाबाद जिल्ह्यात पावसाअभावी टोमॅटोचे...औरंगाबाद :  जिल्ह्यातील टोमॅटोचे आगार...
अकोला जिल्ह्यातील पाच पशुवैद्यक दवाखाने...अकोला  ः जिल्हा परिषदेअंतर्गत चालविल्या...
सिंधुदुर्ग जिल्ह्यातील २३ धरणे भरलीसिंधुदुर्ग : मुसळधार पावसामुळे जिल्ह्यातील २३...
नांदेड, परभणी, हिंगोली जिल्ह्यांत...नांदेड : नांदेड, परभणी, हिंगोली जिल्ह्यांतील अनेक...
दसरा, दिवाळीसाठी चांदवड तालुक्यात...नाशिक  : चांदवड तालुक्यातील शेतकरी दसरा,...
नगर जिल्ह्यातील वाहून गेलेल्या...नगर : पुराच्या पाण्याने वाहून गेलेल्या जमिनीचे...
सिंधुदुर्ग जिल्ह्यात अतिवृष्टीमुळे...सिंधुदुर्ग   ः अतिवृष्टीचा भाजीपाला...
महापुराच्या स्थितीतही ‘त्यांनी’ तीन...नवेखेड, जि. सांगली  : मसुचिवाडी (ता....
वसंतराव नाईक यांनी आधुनिक तंत्रज्ञान...पुसद, जि. यवतमाळ   ः देशातील...
सरकारला खरीप, रब्बीतील फरक कळत नाही :...पैठण, जि. औरंगाबाद  : राज्यातील शेतकऱ्यांची...
पूरग्रस्त भागातील घरांच्या दुरुस्तीसाठी...मुंबई  : पूरग्रस्त ग्रामीण भागातील वाहून...
पीक नुकसानभरपाई नको; संपूर्ण कर्जमाफीच...कऱ्हाड, जि. सातारा   ः महापुराने हुती...
नगर जिल्ह्यात ४०५ टॅंकरद्वारे पाणीपुरवठानगर  ः जिल्ह्यात बहुतांश ठिकाणी पावसाने...
उत्तर भारतात अतिदक्षतेचा इशारा; नद्या...नवी दिल्ली : दक्षिण भारतानंतर आता उत्तर भारतही...