agriculture news in marathi, lok sabha election campaign,nashik, maharashtra | Agrowon

कांदा दर वाढले, तेव्हा भाजपने विरोध केला : शरद पवार
टीम अॅग्रोवन
गुरुवार, 25 एप्रिल 2019

नाशिक   ः कृषिमंत्री असताना मी निर्यातबंदी उठवली. त्या वेळी कांद्याचे भाव वाढले. विरोधात असलेल्या भाजपने संसद बंद करण्याचा घाट घातला होता. कांद्याचे भाव वाढले असताना विरोध करणारे हे सरकार कसे काय कांदा उत्पादकांना आधार देणार, गेल्या पाच वर्षांत पंतप्रधान नरेंद्र मोदी यांनी अनेक घोषणा केल्या. देशातील शेतीबाबत आणि शेतकऱ्यांच्या हिताचे कोणतेही काम केले नाही. अनेक घोषणा केल्या असताना अंमलबजावणी केल्याचे दाखवा, असा सवाल राष्ट्रवादी कॉंग्रेसचे अध्यक्ष शरद पवार यांनी केला. 

नाशिक   ः कृषिमंत्री असताना मी निर्यातबंदी उठवली. त्या वेळी कांद्याचे भाव वाढले. विरोधात असलेल्या भाजपने संसद बंद करण्याचा घाट घातला होता. कांद्याचे भाव वाढले असताना विरोध करणारे हे सरकार कसे काय कांदा उत्पादकांना आधार देणार, गेल्या पाच वर्षांत पंतप्रधान नरेंद्र मोदी यांनी अनेक घोषणा केल्या. देशातील शेतीबाबत आणि शेतकऱ्यांच्या हिताचे कोणतेही काम केले नाही. अनेक घोषणा केल्या असताना अंमलबजावणी केल्याचे दाखवा, असा सवाल राष्ट्रवादी कॉंग्रेसचे अध्यक्ष शरद पवार यांनी केला. 

दिंडोरी लोकसभा मतदारसंघातील राष्ट्रवादी काँग्रेसचे उमेदवार धनराज महाले यांच्या प्रचारार्थ निफाड येथे बुधवारी (ता. २४) आयोजित प्रचारसभेत श्री. पवार बोलत होते. या वेळी आरपीआयचे (एकतावादी) नानासाहेब इंदिसे, ज्येष्ठ नेते श्रीराम शेटे, राष्ट्रवादीचे जिल्हाध्यक्ष रवींद्र पगार, राजाराम पानगव्हाणे, माजी आमदार दिलीप बनकर, स्वाभिमानी शेतकरी पक्षाचे युवा आघाडीचे प्रदेशाध्यक्ष हंसराज वडघुले, चांगदेवराव होळकर, माणिकराव बोरस्ते, राजेंद्र डोखळे उपस्थित होते. 

या वेळी श्री. पवार म्हणाले, की देशात शेतीबाबत जे काम केले ते पंतप्रधानांनी सांगावे. २०१७ ते १९ या काळात ११,९९८ शेतकऱ्यांनी आत्महत्या केल्या. शेतीबाबत धोरणे नसल्याने पीक उत्पादन घसरले. त्यामुळे शेतकऱ्यांच्या अडचणी वाढल्या आहेत. शेतीबाबत कोणतेही तंत्रज्ञान, प्रक्रिया उद्योग व संबंधित कारखानदारी उभी केली नाही. शेती अडचणीत आल्याने देशाची अर्थव्यवस्था अडचणीत आहे. 

कृषिमंत्री असताना मी निर्यातबंदी उठवली. त्या वेळी कांद्याचे भाव वाढले. विरोधात असलेल्या भाजपने संसद बंद करण्याचा घाट घातला होता. कांद्याचे भाव वाढले असताना विरोध करणारे हे सरकार कसे काय कांदा उत्पादकांना आधार देणार, असा सवाल श्री. पवार यांनी या वेळी केला. या सरकारला शेतीबद्दल आस्था नाही. आज शेतमालाला भाव नाही. सरकारकडे धोरणांचा अभाव असल्याने संपन्न नाशिक जिल्ह्यातही आत्महत्या वाढल्या आहेत. त्यामुळे शेतकऱ्यांची बाजू मांडणारे सरकार स्थापन करण्यासाठी साथ द्या, मी अजून थकलो नसून मोदी सरकारला घालविल्याशिवाय शांत बसणार नाही, असे त्यांनी स्पष्ट केले. 

यावेळी जयंत पाटील म्हणाले की, नरेंद्र मोदी हे सामान्यांचे प्रतिनिधित्व करत नाही. शेतमालाच्या बाबतीत या सरकारने फसवले आहे. या चालू वर्षात नाशिक जिल्ह्यात २५ शेतकरी आत्महत्या झाल्या. हे या सरकारचे अपयश आहे.
 
...तर कांद्याचे लिलाव का बंद केले?
मोदी सरकारचे धोरण व्यापार वाढविणार, शेतकऱ्यांना व्यवस्था देणार व अर्थव्यवस्था वाढविणार असल्याचे सांगितले जाते, तर मग सभेच्या पार्श्वभूमीवर सरकारी यंत्रणेच्या माध्यमातून कांद्याचा लिलाव बंद करून बाजार समितीचे कामकाज व व्यवहार का थांबविले, असा सवाल शरद पवार यांनी या वेळी उपस्थित केला. 

इतर ताज्या घडामोडी
औरंगाबादेत फ्लॉवर १८०० ते ३००० रुपये...औरंगाबाद : येथील कृषी उत्पन्न बाजार...
सांगली जिल्हा दुष्काळाच्या छायेतसांगली : पावसाळ्याचा दीड महिन्याचा कालावधी लोटला...
मराठवाड्यातील २६६ मंडळांमध्ये पाऊसऔरंगाबाद/नांदेड ः मराठवाड्यातील ८ जिल्ह्यांतील ६३...
पावसाच्या आगमनाने नाशिकमधील शेतकरी...नाशिक : जिल्ह्यात पावसाने दडी मारल्याने...
पशुसंवर्धन विकासासाठी ७०० कोटींचा निधी...कोल्हापूर  : राज्यातील पशुसंवर्धन विकासाला...
मराठवाड्यातील पावणेनऊ लाखांवर शेतकरी...औरंगाबाद : मराठवाड्यातील आठही जिल्ह्यांतील...
विद्यार्थी, शेतकरीप्रश्नी ‘स्वाभिमानी’...बुलडाणा  : जिल्ह्यातील शेतकरी अनेक समस्यांना...
बारामतीत मुसळधार पाऊसपुणे  : जिल्ह्याच्या कोरडवाहू भागात असलेल्या...
नगर जिल्ह्यातील सहा महसूल मंडळांत...नगर : जिल्ह्यातील ३५ महसूल मंडळांत शनिवारी जोरदार...
कोणत्याही तंत्रज्ञानाचा डोळस स्वीकार...औरंगाबाद   : कोणत्याही तंत्रज्ञानाचा...
विधानसभा निवडणुकीत महायुतीने  २२० जागा...मुंबई  : आगामी विधानसभा निवडणुकीत महायुतीने...
सोलापूर जिल्ह्यात १७ हजार हेक्टर...सोलापूर ः गेल्या दोन वर्षांपासून सोलापूर जिल्हा...
नाशिक जिल्ह्यातील ४१ हजार हेक्टरवरील...नाशिक : जिल्ह्यात लष्करी अळीचा प्रादुर्भाव...
मराठवाड्यात ४१ हजार हेक्टरवरील मक्यावर...औरंगाबाद : अमेरिकन लष्करी अळीने औरंगाबाद व जालना...
सांगली जिल्ह्यात अमेरिकन लष्करी अळीने...सांगली ः जिल्ह्यात मक्यावर अमेरिकन लष्करी अळीचा...
लष्करी अळीच्या प्रादुर्भावाने नगर...नगर   ः गेल्या वर्षभरात दुष्काळाशी...
मोताळा, देऊळगावराजा तालुक्यात शंभर...बुलडाणा : खरिपात विदर्भात मका उत्पादनात...
साताऱ्यात अकराशे हेक्टरवरील मका पिकावर...सातारा : जिल्ह्यातील पूर्व भागात दुष्काळाची...
इंदापूर तालुक्यात अडीचशे हेक्टरवर...पुणे   ः गेल्या काही दिवसांपासून...
गुलटेकडीत टोमॅटोचे आवकेसह दरही वाढलेपुणे ः गेल्या आठ दिवसांत पावसाने दिलेल्या...