माढ्यातून भाजपकडून रणजितसिंह नाईक-निंबाळकर

मुंबई/ सोलापूर : माढा लोकसभा मतदारसंघातून भाजपने अखेर रणजितसिंह नाईक निंबाळकर यांना उमेदवारी जाहीर केली आहे. भाजपने शुक्रवारी ११ उमेदवारांची बारावी यादी जाहीर केली. नाईक निंबाळकर हे काही दिवसांपूर्वीच सातारा काँग्रेस जिल्हाध्यक्षपदाचा राजीनामा देऊन भाजपात दाखल झाले. आता त्यांची लढत राष्ट्रवादीचे उमेदवार संजय शिंदे यांच्याशी होईल. 

निवडणूक जाहीर झाल्यापासून माढा मतदारसंघात रोज घडामोडी घडत होत्या. राष्ट्रवादीतून भाजपत आलेले माजी खासदार रणजितसिंह मोहिते पाटील यांना उमेदवारी मिळेल असे बोलले जात होते. रणजितसिंह यांचे वडील विद्यमान खासदार विजयसिंह मोहिते यांच्याही नावाची चर्चा होती. 

ऊर्मिला मातोंडकर उत्तर मुंबईतून लढणार अभिनेत्री ऊर्मिला मातोंडकर यांना काँग्रेसने उत्तर मुंबई लोकसभा मतदारसंघातून उमेदवारी जाहीर केली आहे. ऊर्मिला मातोंडकर यांनी बुधवारी काँग्रेसचे अध्यक्ष राहुल गांधी यांच्या उपस्थितीत काँग्रेसमध्ये प्रवेश केला. युतीसाठी सुरक्षित मानल्या जाणाऱ्या उत्तर मुंबईत काँग्रेसकडे सक्षम उमेदवार नाही. गेल्या लोकसभा निवडणुकीत भाजपचे गोपाळ शेट्टी यांनी काँग्रेसचे संजय निरुपम यांचा धुव्वा उडवल्याने निरुपम यांनी येथून निवडणूक लढण्यास नकार दिला होता.