agriculture news in marathi, lok sabha election, nanded, maharashtra | Agrowon

नांदेड, हिंगोलीची जागा राखण्याचे काॅँग्रेसपुढे आव्हान
टीम अॅग्रोवन
रविवार, 31 मार्च 2019

नांदेड : २०१४ मधील लोकसभा निवडणुकीत देशात मोदी लाट असताना महाराष्ट्रात केवळ नांदेड आणि हिंगोली मतदारसंघात काॅँग्रेसला विजय मिळाला होता. यंदा या दोन्ही मतदारसंघात भाजप -शिवसेना युतीने तुल्यबळ उमेदवार दिले आहेत. त्यामुळे काॅँग्रेसपुढे या जागा कायम राखण्याचे आव्हान आहे.

नांदेड : २०१४ मधील लोकसभा निवडणुकीत देशात मोदी लाट असताना महाराष्ट्रात केवळ नांदेड आणि हिंगोली मतदारसंघात काॅँग्रेसला विजय मिळाला होता. यंदा या दोन्ही मतदारसंघात भाजप -शिवसेना युतीने तुल्यबळ उमेदवार दिले आहेत. त्यामुळे काॅँग्रेसपुढे या जागा कायम राखण्याचे आव्हान आहे.

यंदा नांदेड मतदारसंघामध्ये विद्यमान खासदार तथा काॅँग्रेसचे प्रदेशाध्यक्ष अशोक चव्हाण यांची उमेदवारी कायम आहे. मात्र, हिंगोलीत खासदार अॅड. राजीव सातव गुजरातच्या जबाबदारीमुळे यंदा निवडणूक रिंगणाबाहेर आहेत. त्यामुळे गेल्या निवडणुकीत सातव यांनी पराभव केलेल्या शिवसेनेच्या सुभाष वानखेडे यांना यंदा काॅँग्रेसने हिंगोलीतून तिकीट दिले आहे.  नांदेड मतदारसंघात अशोक चव्हाण यंदा लोकसभा निवडणुकीसाठी इच्छुक नव्हते. परंतु, शनिवारी (ता. २३) रात्री श्री. चव्हाण यांची उमेदवारी पक्षाने जाहीर केली. त्याआधी भारतीय जनता पक्षाने शिवसेनेकडून निवडून आलेले लोहा-कंधार मतदारसंघाचे आमदार प्रताप पाटील चिखलीकर यांची उमेदवारी जाहीर केली. वंचित बहुजन आघाडीतर्फे यशपाल भिंगे हे निवडणूक लढवत आहेत. परंतु श्री. चव्हाण आणि श्री. चिखलीकर यांच्यात थेट चुरशीची लढत होईल असे मानले जात आहे.

चिखलीकर यांच्या उमेदवारीमुळे भाजपचे जुने कार्यकर्ते नाराज आहेत. स्वाभिमानी शेतकरी संघटना काॅँग्रेस -राष्ट्रवादी काॅँग्रेस आघाडीमध्ये सहभागी आहे. परंतु, ऊस एफआरपी प्रश्नी काॅँग्रेस-राष्ट्रवादी काॅँग्रेसच्या आधिपत्याखालील तसेच अन्य साखर कारखानदारांविरुद्ध न्यायालयीन लढा सुरू आहे. त्यामुळे स्वाभिमानी शेतकरी संघटनेने स्वबळावर निवडणूक लढावी, अशी भूमिका ऊस दर नियंत्रण मंडळाचे सदस्य प्रल्हाद इंगोले यांनी घेतली आहे. या परिस्थितीत चव्हाण आणि चिखलीकर यांच्यात चुरशीची लढत होईल. अशोक चव्हाण यांच्यादृष्टीने प्रतिष्ठेची लढाई ठरणार आहे.

हिंगोली लोकसभा मतदारसंघात २०१४ च्या निवडणुकीत मोदी लाटेमध्ये अॅड. राजीव सातव यांनी अटीतटीच्या लढतीत शिवसेनेचे सुभाष वानखडे यांचा १ हजार ६०० मतांनी पराभव केला होता. गुजरातची जबाबदारी तसेच गटबाजीला कंटाळल्यामुळे सातव यंदा निवडणूक रिंगणाबाहेर आहेत. मागच्या पराभवानंतर वानखेडे भाजपत डेरेदाखल झाले होते. शिवसेनेतर्फे नांदेड (दक्षिण) मतदारसंघाचे आमदार हेमंत पाटील यांना उमेदवारी दिली आहे.

परंतु, मतदारसंघात सक्षम उमेदवार असताना बाहेरचा उमेदवार लादल्यामुळे शिवसेनेत नाराजी आहे. सुभाष वानखेडे यांनीही हेमंत पाटील यांचा प्रचार करणार नसल्याचे जाहीर केले होते. त्यानंतर काॅँग्रेसमध्ये प्रवेश केल्यानंतर रविवारी (ता. २४) सुभाष वानखेडे यांना हिंगोलीतून उमेदवारी देण्यात आली. वंचित बहुजन आघाडीतर्फे मोहन राठोड हे उमेदवार आहेत. परंतु, शिवसेनेचे पाटील आणि काॅँग्रेसचे वानखडे यांच्यात सरळ लढत होण्याची शक्यता आहे. युतीने तुल्यबळ उमेदवार दिल्यामुळे काॅँग्रेसपुढे प्रतिष्ठेच्या असलेल्या नांदेड आणि हिंगोली या दोन्ही जागा कायम ठेवण्याचे आव्हान आहे.

इतर ताज्या घडामोडी
धो धो पावसात भिजत शरद पवारांचे...सातारा: राष्ट्रवादी काँग्रेस पक्षाचे अध्यक्ष शरद...
सियाम कडून पूरग्रस्तांसाठी दीड कोटींचे...औरंगाबाद  : अतिवृष्टी व पुरामुळे बाधित...
नांदुरा तालुक्यात दुधाळ जनावरांमध्ये घटनांदुरा, जि. बुलडाणा  : जिल्ह्यात दुधासाठी...
चिखली तालुक्यात पावसाची जोरदार हजेरीअकोला  ः या मोसमातील मॉन्सून परतला असला, तरी...
आर्द्रतेआड सोयाबीनची कमी दराने खरेदीधामणगावरेल्वे, अमरावती  ः हंगामातील नव्या...
कीड ओळखूनच व्यवस्थापन पद्धती वापरा : डॉ...जालना : ‘‘रासायनिक कीटकनाशकांच्या जास्त...
मागण्यांच्या पूर्ततेसाठी एचएएल...नाशिक  : नाशिककरांनी यशवंतराव चव्हाणांना...
अंतिम टप्प्यातील प्रचारामुळे सांगलीत...सांगली : जिल्ह्यात विधानसभा निवडणुकीच्या पहिल्या...
कोल्हापूर, सिंधुदुर्गातील काही भागांत...कोल्हापूर, सिंधुदुर्ग : गेल्या पंधरा दिवसांच्या...
बोराळे येथे शॉर्टसर्किटमुळे ऊस जळून खाकनाशिक : नांदगाव तालुक्यातील बोराळे येथील शेतकरी...
परभणी जिल्ह्यात हरभऱ्याची २ हजार ९००...परभणी : राष्ट्रीय अन्नसुरक्षा अभियान (कडधान्य)...
नांदेडमध्ये खरीप पिकांना पावसाचा फटका नांदेड : नांदेड जिल्ह्यातील चार तालुक्यांतील १०...
शेती, शेतकरीप्रश्न हाताळण्यात कुचराईच...शेती व शेतकऱ्यांच्या प्रश्नांना ज्या...
बियाणे उद्योगाच्या विकासासाठी स्थितीत...बियाणे उद्योगात आपले राज्य पूर्वीपासून अग्रेसर...
हमीभावाने कडधान्य विक्रीसाठी ऑनलाइन...जळगाव ः उडीद, मुगाची शासकीय खरेदी केंद्रांत...
ढगाळ हवामानामुळे साताऱ्यातील...सातारा  ः अतिवृष्टी तसेच परतीच्या पावसाचे...
जिल्हा बॅंकांची आर्थिक कोंडी चिंताजनकभूविकास बॅंका मृत्युशय्येवर गेल्यापासून...
प्रशासकीय यंत्रणा निवडणुकीसाठी सज्जमुंबई ः विधानसभेच्या निवडणुकीसाठी सोमवारी (ता. २१...
नगर जिल्ह्यात हमीभावाने शेतीमाल...नगर  ः मूग, उडीद, सोयाबीनची हमीभावाने खरेदी...
शेतकऱ्यांना वाचविण्यासाठी सरसकट...अंबाजोगाई, जि. बीड  : भाजपची मनोवृत्ती...