‘पांडुरंग', 'विठ्ठल’च्या निवडणुकांकडे लक्ष
‘पांडुरंग', 'विठ्ठल’च्या निवडणुकांकडे लक्ष

‘पांडुरंग', 'विठ्ठल’च्या निवडणुकांकडे लक्ष

सोलापूर : आगामी वर्षात जिल्ह्यातील आघाडीच्या पांडुरंग सहकारी साखर कारखाना आणि (कै.) विठ्ठलराव शिंदे सहकारी साखर कारखान्याची निवडणूक होत आहे. यासोबतच सोलापूर जिल्हा सहकारी दूध उत्पादक व प्रक्रिया संघाची (दूध पंढरी) निवडणूकही सहा महिन्यांवर येऊन ठेपली आहे. पण, विधानसभा निवडणुकीच्या पार्श्‍वभूमीवर बदलेल्या समीकरणांमुळे नेमके काय होणार, याकडे सर्वांचे लक्ष लागले आहे.

सहकारी संस्था व स्थानिक स्वराज्य संस्थांच्या निवडणुकीनिमित्त येत्या काळात जिल्ह्याचे राजकारण पुन्हा एकदा ढवळून निघणार आहे. आमदार प्रशांत परिचारक यांच्या नेतृत्वाखाली २१५ च्या निवडणुकीपासून ते आजतागायत जिल्हा दूध संघावर समविचारी नेत्यांची सत्ता कायम राहिली. २०१५ मध्ये झालेल्या संघाच्या निवडणुकीत महिला मतदारसंघातील दोन जागा वगळता उर्वरित १५ जागांवर संचालकांची निवड बिनविरोध झाली आहे. 

महिला मतदारसंघातील दोन्ही जागांवर विद्यमान सत्ताधाऱ्यांच्याच गटाला यश मिळाले आहे. परिचारक सध्या भाजपचे सहयोगी आमदार आहेत. परंतु, संघावरील अनेक संचालक हे वेगवेगळ्या पक्षाचे आहेत. विधानसभेच्या निवडणुकीनंतर त्यात अनेक राजकीय बदल झाले आहेत. त्यामुळे संघाच्या निवडणुकीत काय होणार, यासह परिचारक यांच्याच पांडुरंग साखर कारखान्याचीही निवडणूक होत आहे. 

आमदार बबनराव शिंदे अध्यक्ष असलेल्या शिंदे साखर कारखान्याचीही निवडणूक लवकरच होणार आहे. हे दोन्ही कारखाने या नेत्यांच्या ताब्यात फार पूर्वीपासून आहेत. त्यामुळे तिथे काही बदल होईल, असे नाही. पण, जिल्हा दूध संघाच्या निवडणुकीत मात्र चुरस रंगण्याची चिन्हे आहेत. 

दूध संघ अडचणीत

दुष्काळ, जागतिक बाजारात दूध भुकटीचे कोसळलेले दर, खासगी दूध संघांच्या माध्यमातून दूध व्यवसायात असलेली स्पर्धा, शासनाकडे प्रलंबित असलेले प्रस्ताव, दूध संस्थांसह इतरांकडे असलेली थकबाकी, यामुळे जिल्हा दूध संघ आर्थिक अडचणींचा सामना करत आहे. त्याच्या जवळपास अडीच हजार दूध उत्पादक संस्था सभासद आहेत. ९७ व्या घटना दुरुस्तीमुळे क्रियाशील आणि अक्रियाशील सभासद अशा दोन प्रकारांत सभासदांचे वर्गीकरण केले जात आहे. क्रियाशील सभासदांची यादी निश्‍चित झाल्यानंतरच पुढील घडामोडींना वेग येईल.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com