भंडारा ः जिल्ह्यात सुदैवाने एकही ‘कोरोना’बाधीत आढळला नाही. त्यामुळे मंगळवार (ता. १४) पासून भंडारा जिल्ह्यात लॉकडाऊनमध्ये शिथिलता देण्यात यावी, अशी मागणी आमदार डॉ. परिणय फुके यांनी केली आहे. मुख्यमंत्री उद्धव ठाकरे यांना याविषयीचे निवेदन देण्यात आले.
‘कोरोना’ विषाणूचा प्रादुर्भाव रोखण्यासाठी देशभरात लॉकडाऊन जाहीर करण्यात आले आहे. त्याच्या परिणामी संसर्गाला आळा घालण्यात बऱ्यापैकी यश येत आहे. तथापि लॉकडाऊनमुळे अर्थव्यवस्थेचा दर कमी होण्याची शक्‍यता आहे.
महाराष्ट्रात ‘कोरोना’चा प्रादुर्भाव सर्वाधिक प्रमाणात असला तरी समाधानाची बाब म्हणजे महाराष्ट्रात बोटावर मोजण्या इतक्‍या जिल्ह्यात ‘कोरोना’चा शिरकाव झाला नाही. त्यातीलच एक जिल्हा म्हणजे भंडारा होय. लॉकडाऊनमुळे भंडारा जिल्ह्यातील सर्व व्यवहार ठप्प झाले आहेत.
शेती व शेती संलग्न उद्योग करताना अडचणीत येत आहेत. शेतकरी, शेतमजूर व असंघटित क्षेत्रात काम करणाऱ्या मजुरांना अडचणींचा सामना करावा लागतो. त्यामुळे १४ एप्रिलनंतर लॉकडाऊनच्या संदर्भात शिथिलता अथवा विस्ताराबाबत निर्णय घेताना भंडारा जिल्ह्याच्या सीमा सुरक्षित करून जिल्हा अंतर्गत लॉकडाऊनमध्ये शिथिलता द्यावी, अशी मागणी डॉ. फुके यांनी केली आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.