जळगावात कांदा विक्रीत शेतकऱ्यांची लूट

जळगावात कांदा विक्रीत शेतकऱ्यांची लूट
जळगावात कांदा विक्रीत शेतकऱ्यांची लूट

जळगाव ः कांद्याचे दर दबावात असतानाच त्याची विपणन व्यवस्था अडतदार, खरेदीदारांनी शेतकऱ्यांसाठी नुकसानकारक स्थितीत आणून ठेवली आहे. गोणीमागे शेतकऱ्यांना सुमारे ३९ रुपये खर्च अवाजवी लागत असल्याची तक्रार एका शेतकऱ्याने केली आहे.  या शेतकऱ्याने नुकताच १५० क्विंटल कांद्याची विक्री केली. दर्जेदार कांद्याला कवडीमोल दर बाजारात मिळाल्याचे या शेतकऱ्याने सांगितले आहे. शेतकरी म्हणाला, की मी कांद्याची विक्री जळगाव बाजार समितीत टप्प्याटप्प्याने केली. आवक कमी असली तरी २८० रुपये दर आणि आवक अधिक असली तर २५० रुपये दर दर्जेदार कांद्याला मिळाले. कांदा भरण्यासाठी बारदाना लागतो. त्यात तागाची गोणी २७ रुपयाला अडतदाराने दिली. ती ४० किलो क्षमतेची होती. प्लॅस्टिकच्या दोरीच्या गोण्या घेतल्या तर या गोणीमागे ३० रुपये खर्च लागेल, असे अडतदाराने सांगितले. यामुळे तागाची गोणी घ्यावी लागली. गोणी बाजारात आणण्यासाठी प्रति १० किलोमीटरसाठी २० रुपये प्रतिगोणी असा खर्च लागला. बाजार समितीत पहाटेच लिलाव झाले. त्यात प्रत्येक गोणीचे वजन केले नाही. अडतदारांच्या तोलाईदारांनी पहिल्या १५ गोण्यांची तोलाई केली. त्याचे सरासरी वजन काढून सर्व १०० गोण्यांचे वजन गृहीत धरले. गोण्या ट्रॅक्‍टरमधून उतरविणे आणि तोलाई यापोटी प्रतिगोणी पाच रुपये ८० पैसे खर्च लावला. दर २८० रुपये प्रतिगोणी मिळाला. यातून २० रुपये वाहतूक खर्च, पाच रुपये ८० पैसे तोलाई व इतर खर्च, कटती गोणीमागे एक किलो आणि तागाच्या गोणीसाठी २७ रुपये प्रतिगोणी, असा एका गोणीमागे सुमारे ५३ रुपये खर्च लागला. अर्थातच दर २३० रुपये प्रतिगोणी, असा मिळाला.  कांदा अडतदार परवडू देत नसल्याची स्थिती आहे. या हंगामात आठवड्यातून दोन दिवसच एक हजार ते १३०० क्विंटल आवक असते. इतर चार दिवस आवक फक्त ५०० ते ८०० क्विंटल असते. असे असतानादेखील दरवाढ होत नसल्याने नुकसान होत आहे. कांद्याचे दर किमान १२ रुपये प्रतिकिलो जागेवर (सर्व खर्च वगळून) शेतकऱ्याला मिळाला तरच तो परवडतो, त्याला काहीसा नफा मिळतो. टंचाई अधिक आहे. यामुळे मोठे श्रम कांदा उत्पादनासाठी लागले आहेत, असेही संबंधित शेतकरी म्हणाला. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com