Agriculture news in marathi; Loss of flight in Khandesh due to rain | Page 2 ||| Agrowon

पावसामुळे खानदेशात उडदाचे नुकसान

टीम अॅग्रोवन
शनिवार, 21 सप्टेंबर 2019

जळगाव  ः सततच्या पावसामुळे खानदेशात उडदाचे पीक हातचे जाण्याची स्थिती आहे. मागील दोन दिवसांत शेतात कापणी करून वाळविण्यासाठी ठेवलेल्या उडदाचे जवळपास ८० टक्के नुकसान झाले आहे. यामुळे शेतकऱ्यांना फटका बसला आहे. 

जळगाव  ः सततच्या पावसामुळे खानदेशात उडदाचे पीक हातचे जाण्याची स्थिती आहे. मागील दोन दिवसांत शेतात कापणी करून वाळविण्यासाठी ठेवलेल्या उडदाचे जवळपास ८० टक्के नुकसान झाले आहे. यामुळे शेतकऱ्यांना फटका बसला आहे. 

मुगाची मळणी सुरू असतानाच पाऊस आला. शेतकऱ्यांनी ही मळणी कशीबशी उरकली. त्यातही अनेक शेतकऱ्यांचे नुकसान झाले. कमी शेंगा लागल्याने यंदा हवी तशी रास मुगासंबंधी मिळालेली नाही. लागलीच मागील पंधरवड्यात उडीद काढणीवर किंवा मळणीवर आला. पण, या महिन्यातील १९ दिवसांमध्ये रोज पावसाने हजेरी लावली आहे. नंदुरबार, धुळे व जळगावात मागील १९ दिवस रोज पाऊस झाला आहे. फक्त धुळे जिल्ह्यात या १९ दिवसांमध्ये दोन दिवस तीन मिलिमीटर पाऊस झाला. यामुळे काढणीसाठी हवा तसा वाफसा झालाच नाही. परंतु, पीक जे हाती येईल ते घरात आणण्यासंबंधी अनेक शेतकऱ्यांनी वाफसा नसताना उडदाची कापणी केली.

कापणीनंतर पावसाची संततधार सुरूच राहिल्याने हे पीक ८० टक्‍के वाया गेले आहे. जळगाव जिल्ह्यात सुमारे २५ हजार हेक्‍टरवर उडदाची पेरणी झाली होती. तर धुळे व नंदुरबारात मिळून २५ हजार हेक्‍टरवर उडदाची पेरणी झाली. यातील ८० टक्के क्षेत्रातील उडदाचे पीक ८० टक्के वाया गेल्याचे सांगितले जात आहे. अतिपावसाने शेंगा काळ्या कसदार जमिनीत हव्या तशा पक्व झाल्या नाहीत. दर्जाही घसरला. मुरमाड, हलक्‍या जमिनीत काही शेतकऱ्यांनी उडीद कापून लागलीच घरी आणला व शेंगा तोडून त्या घरानजीक कुठेतरी उघड्यावर जेमतेम वाळवून घेतल्या. परंतु, पाच ते सहा एकर पेरणी केलेल्या शेतकऱ्यांना शेंगा तोडण्याची कसरत करणे, त्यासाठी मजुरी खर्च करणे शक्‍य नसल्याने त्यांचे पीक शेतातच वाया गेले आहे. 

जळगाव जिल्ह्यात अमळनेर, जळगाव, चोपडा, यावल, पाचोरा, भडगाव, धरणगाव या भागांत तर धुळ्यात शिंदखेडा, शिरपूर, साक्री, धुळे येथे आणि नंदुरबारात तळोदा, शहादा, नंदुरबार भागांत उडदाची मोठी नासाडी झाली आहे. 
 

आमच्या भागात उडदाचे पीक पुरते वाया गेले आहे. कारण, सतत पाऊस सुरू असल्याने कापणी, मळणी होऊ शकली नाही. पीक शेतातच उभे असून, दाण्यांना कोंब फुटण्याची भीती आहे. 
- आधार पाटील, शेतकरी, आजंतीसीम (जि. जळगाव)


इतर अॅग्रो विशेष
‘भीमाघोड’ने उभारली सर्वांत मोठी कांदा...पुणे: भीमाघोड शेतकरी उत्पादक कंपनीने महाओनियन...
पावसाचा जोर आजपासून वाढणारपुणे ः उत्तर महाराष्ट्र ते अरबी समुद्रातील पूर्व...
कापसाचे ६१४ कोटी थकीतनागपूर : राज्यात खरेदी करण्यात आलेल्या कापसाची...
वैद्यांनी जपला यांत्रिकीकरणाचा वारसागरज ही शोधाचा जननी असते. त्यातूनच निंभोरा बोडखा (...
प्रतिकूल हवामानात घडवली बीबीएफ’...जालना कृषी विज्ञान केंद्र, खरपुडी-जालना (केव्हीके...
बदलत्या व्यापार समिकरणांचा अन्वयार्थशेती क्षेत्रात नुकत्याच आम्ही काही सुधारणा केल्या...
शरद जोशींचे शिक्षण स्वातंत्र्यशरद जोशींचे तत्वज्ञान एका शब्दात सांगायचे म्हटले...
अभियान नको, योजना हवीकेंद्र सरकारने आत्मनिर्भर योजनेंतर्गत शेतमाल...
इर्व्हिनिया रॉट रोगाची केळी पिकात समस्या जळगाव ः जिल्ह्यात केळी पिकात...
`पोकरा`मधून शेतमजुरांना प्रशिक्षण द्याऔरंगाबाद: नानाजी देशमुख कृषी संजीवनी...
ऑगस्टमध्ये प्रथमच भरले सीना धरण नगर: दुष्काळी कर्जत, श्रीगोंदा आणि आष्टी...
कोल्हापूर : जनावरे बाजारातील...कोल्हापूर: `कोरोना’च्या पार्श्वभूमीवर लॉकडाउनमुळे...
साखर निर्यातवाढीसाठी केंद्राची ‘रॅपिड अ...कोल्हापूर: देशातून जास्तीत जास्त साखर निर्यात...
परभणीत सोळा हजार शेतकऱ्यांचे आधार...परभणी ः महात्मा जोतिराव फुले शेतकरी कर्जमुक्ती...
सोयाबीन बियाणेप्रकरणात शेतकऱ्यांना एक...अमरावती : विभागातील पाच जिल्ह्यांत सोयाबीन बियाणे...
‘ई-नाम’, शीतसाखळी बळकट करण्याची गरज;...पुणे: चीनशी व्यापारी संबंध डळमळीत झाल्यानंतर...
‘सिट्रस नेट’वर केवळ दोनशे शेतकऱ्यांची...नागपूर : प्रशासकीय यंत्रणांच्या उदासीनतेमुळे ‘...
मका खरेदी केंद्रांवर शेतकरी ठाण मांडून औरंगाबाद: हमीभावाने खरेदीसाठी ३१ जुलैपर्यंत...
पावसाचा जोर वाढण्याची शक्यता  पुणे ः  बंगालच्या उपसागरात कमी दाबाचे...
भाजीपाला शेतीतून अर्थकारणाला गतीडोंगरगाव (ता.जि.अकोला) शिवारातील योगेश नागापुरे...