Agriculture news in marathi low eco-sensitive area of ​​'Maldok' in Solapur, Nagar districts | Agrowon

सोलापूर, नगर जिल्ह्यांतील ‘माळढोक’चे इको-सेन्सेटिव्ह क्षेत्र कमी

टीम अॅग्रोवन
रविवार, 16 फेब्रुवारी 2020

इको-सेन्सेटिव्ह झोनमुळे अनेक अडचणी होत्या. तो कमी करण्याचा निर्णय घेतला असल्यास तो चांगलाच आहे. पण यासंबंधीचा अध्यादेश  बघितल्याशिवाय जास्त बोलता येणार नाही.
- बबनराव शिंदे, आमदार, माढा

सोलापूर : जिल्ह्यातील नान्नज (ता. उत्तर सोलापूर) येथील माळढोक अभयारण्य क्षेत्राचे इको-सेन्सेटिव्ह क्षेत्र कमी करण्याबाबतचा अध्यादेश केंद्रीय पर्यावरण, वन आणि वायू मंत्रालयातर्फे प्रसिद्ध करण्यात आला आहे. त्यामुळे वनक्षेत्र परिसरातून इको सेन्सेटिव्ह म्हणून घोषित केलेले दहा किलोमीटरपर्यंतचे क्षेत्र आता शून्य ते ४०० मीटर परिघापर्यंत राहणार आहे.

परिणामी, पूर्वीच्या निर्णयामुळे रखडलेल्या जमिनीच्या खरेदी-विक्री व्यवहारासह औद्योगिक विकासाच्या कामांचा मार्ग नव्या निर्णयामुळे मोकळा झाला आहे. सोलापुरातील पाच आणि नगर जिल्ह्यातील दोन तालुक्‍यांना या निर्णयाचा आता फायदा होईल.  

केंद्रीय पर्यावरण मंत्रालयाने २०१६ पासून माळढोक अभयारण्य परिसरात इको-सेन्सेटिव्ह क्षेत्र जाहीर केले होते. त्यामुळे या परिसरातील विकासकामांमध्ये बाधा निर्माण झाली होती. औद्योगिक व शहरी भागाचा विकास रखडला होता. त्याचबरोबर सोलापूर-पुणे राष्ट्रीय महामार्गाच्या कामालाही यामुळे बाधा निर्माण झाली होती.

‘एमआयडीसी''मध्ये नव्याने उद्योग उभा करणे जिकिरीचे झाले होते. या क्षेत्रातील दगडखाणी संकटात सापडल्या होत्या. एक फेब्रुवारीपासून दगडखाणी सील केल्या होत्या. त्यामुळे बांधकामासाठी लागणारे साहित्य मिळणे मुश्‍कील झाले होते. 

सोलापूर जिल्ह्यातील उत्तर सोलापूर, दक्षिण सोलापूर, माढा, मोहोळ, करमाळा या पाच तालुक्‍यांचा, तर नगर जिल्ह्यातील श्रीगोंदा व कर्जत तालुक्‍याचा या ‘इको सेन्सिटव्ह झोन’मध्ये समावेश करण्यात आला होता. त्यामुळे या तालुक्‍यांना त्याचा मोठा फटका बसला होता. 

जिल्हाधिकाऱ्यांच्या अध्यक्षतेखाली देखरेख समिती
नव्या निर्णयानुसार माळढोक अभयारण्याच्या इको-सेन्सेटिव्ह क्षेत्राचे १०० पॅच तयार करण्यात आले आहेत. त्यामध्ये अनेक गावांचा समावेश करण्यात आला. इको-सेन्सेटिव्ह क्षेत्र कुठे आहे. त्याचे अक्षांश व रेखांशही निश्‍चित केले आहेत. या परिसरावर देखरेखीसाठी जिल्हाधिकाऱ्यांच्या अध्यक्षतेखाली नऊ जणांची समिती असेल. 

प्रदूषण होणार नाही, असे करा उद्योग 

इको-सेन्सेटिव्ह क्षेत्रामध्ये कोणत्याही प्रकारचे प्रदूषण होणार नाही, अशाप्रकारचे उद्योग सुरू करण्यास कोणत्याही प्रकारची हरकत नाही. पण प्रदूषण महामंडळाने २०१६ मध्ये केलेल्या कायद्याचा भंग होणार नाही, याची खबरदारी घ्यावी लागेल. प्रदूषण न होणाऱ्या कुटीरोद्योगांना प्राधान्य दिले जाईल. त्या क्षेत्राच्या एक किलोमीटर परिसरात हॉटेल उभारता येणार नाही, असेही सांगण्यात आले. 


इतर ताज्या घडामोडी
विनाकारण बाहेर फिरणाऱ्यांची ओवाळली आरतीअकोला ः ग्रामीण भागात ‘कोरोना’ची धास्ती वाढलेली...
नांदेड, परभणी, हिंगोली जिल्ह्यात केळी...नांदेड : लॅाकडाऊनमुळे वाहतुकीवर परिणाम झाला आहे....
मुंबई बाजार समितीत फळांची आवक वाढली मुंबई : जीवनावश्यक वस्तूंचा योग्य पुरवठा व्हावा,...
आंब्याची वाहतूक, वितरण व्यवस्थेतील...मुंबई : एप्रिलपासून आंब्याचा हंगाम सुरू झाला आहे...
कोल्हापुरात वाहतुक बंदीचा रेशीम कोषाला...कोल्हापूर : वाहतूक बंद असल्यामुळे शेतकऱ्यांचे...
मुख्यमंत्री साहायता निधीसाठी ‘कृषी’च्या...नाशिक: कोरोना विषाणूच्या प्रादुर्भावामुळे...
खानदेशात कडब्याच्या दरांवर दबाव जळगाव : खानदेशातून परराज्यासह इतर जिल्ह्यांत कडबा...
मदत व पुनर्वसन मंत्री देणार ४० हजार...चंद्रपूर ः खऱ्या अर्थाने पालकत्वाची जबाबदारी पार...
खानदेशात धान्याची शिवार खरेदी, मार्केट...जळगाव : खानदेशात धान्याची शिवार खरेदी बंद आहे....
भंडारा बॅंक देणार १५ एप्रिलपासून...भंडारा ः ‘कोरोना’ विषाणूचा प्रादुर्भाव...
नंदुरबार जिल्ह्यात पपईची कवडीमोल दराने...नंदुरबार : लॉकडाऊनचा फटका सर्वसामान्य...
जळगाव जिल्ह्यातील बॅंका पीक कर्ज...जळगाव : जिल्ह्यात अपवाद वगळता बॅंकांनी नव्याने...
हिंगोलीत एका व्यक्तीचा कोरोना चाचणी...हिंगोली : हिंगोली येथील जिल्हा रुग्णालयात भरती...
शब-ए-बारात, डॉ. आंबेडकर जयंतीला घरुनच...मुंबईः सध्या ‘कोरोना’ने सर्वत्र धुमाकूळ घातला...
खासगी डेअरीची संकलन यंत्रणा तोकडी;...नांदेड ः ‘कोरोना’ विषाणूचा संसर्ग रोखण्यासाठी...
नाशिक बाजार समितीमध्ये केवळ लिलावाला...नाशिक : ‘कोरोना’ विषाणूच्या वाढत्या...
पुणे, मुंबईत भाजीपाल्याची घरपोच सुविधा पुणे ः शहरातील नागरिकांसाठी भाजीपाला पुरवठा...
पुसदमध्ये शेतकरी कंपन्यांतर्फे...यवतमाळ : ‘लॉकडाऊन’च्या पार्श्‍वभूमीवर पुसद येथे...
लातूर जिल्ह्यातील द्राक्ष उत्पादक...चापोली, जि. लातूर : ‘कोरोना’चा फैलाव...
कोरोना’च्या संकटामुळे माळेगावचे गाळप...माळेगाव, जि. पुणे ः माळेगाव सहकारी साखर...