Agriculture news in Marathi Low rainfall forecast in Vidarbha, Marathwada | Page 4 ||| Agrowon

विदर्भ, मराठवाड्यात कमी पावसाचा अंदाज

शनिवार, 18 सप्टेंबर 2021

१७ ते २३ सप्टेंबर या आठवडाभराच्या कालावधीत कोकण, उत्तर महाराष्ट्रातील जिल्ह्यांच्या काही भागांत सरासरीपेक्षा अधिक, तर विदर्भ, मराठवाडा, दक्षिण मध्य महाराष्ट्रासह उर्वरित राज्यात सरासरीपेक्षा कमी पावसाचा अंदाज हवामान विभागाने वर्तविला आहे.

पुणे : कोकण, घाटमाथा, उत्तर महाराष्ट्र आणि विदर्भात गेल्या आठवड्यात दमदार पाऊस पडला. या पावसाने सह्याद्रीच्या पूर्व उतारावरील धरणांच्या पाणीसाठ्यात वाढ झाली. राज्यात अनेक भागात सध्या पावसाने उघडीप दिली असून, १७ ते २३ सप्टेंबर या आठवडाभराच्या कालावधीत कोकण, उत्तर महाराष्ट्रातील जिल्ह्यांच्या काही भागांत सरासरीपेक्षा अधिक, तर विदर्भ, मराठवाडा, दक्षिण मध्य महाराष्ट्रासह उर्वरित राज्यात सरासरीपेक्षा कमी पावसाचा अंदाज हवामान विभागाने वर्तविला आहे.

सप्टेंबर महिन्याच्या सुरुवातीपासून राज्याच्या अनेक भागांत पावसाने हजेरी लावली. काही ठिकाणी अतिवृष्टी झाल्याने खरिपाच्या पिकांचे नुकसान झाले. तर काही ठिकाणी चांगल्या पावसाने दिलासा मिळाला. बंगालच्या उपसागरातील कमी तीव्रतेचे वादळ (डीप डिप्रेशन), गुजरात आणि परिसरावर असलेले कमी दाबाचे क्षेत्र, दक्षिणेकडे सरकलेला मॉन्सूनचा आस, त्याला समांतर हवेचा कमी दाबाचा पट्टा या प्रणालीपूरक ठरल्याने गेल्या आठवड्यात मराठवाडा आणि मध्य महाराष्ट्रातील काही जिल्हे वगळता राज्याच्या बहुतांशी भागात चांगला पाऊस झाला. 

९ ते १५ सप्टेंबर या कालावधी पडलेल्या सरासरी पावसाचा विचार करता कोकण, घाटमाथा, उत्तर महाराष्ट्र, विदर्भात पावसाचे प्रमाण अधिक होते. कोल्हापूर जिल्ह्यात आठवड्याच्या सरासरीच्या तुलनेत ३५४ टक्के अधिक पाऊस पडला. पालघर जिल्ह्यात ३०६ टक्के अधिक, तसेच नंदूरबार जिल्ह्यात २९६ टक्के, ठाणे जिल्ह्यात २७७ टक्के, गोंदिया जिल्ह्यात २५५ टक्के अधिक पावसाची नोंद झाली. घाटमाथ्यावर झालेल्या पावसाने नाशिक, साताऱ्यासह धुळे, नागपूर, वर्धा, गडचिरोली जिल्ह्यामध्ये गेल्या आठवड्यात सरासरीच्या तुलनेत २०० टक्क्यांपेक्षा अधिक पाऊस पडला. 

मुंबईसह कोकणातील रायगड, रत्नागिरी, सिंधुदुर्ग, पुणे, जळगाव, विदर्भातील बुलडाणा, अकोले, अमरावती, यवतमाळ, चंद्रपूर, भंडारा, जिल्ह्यात आठवड्याच्या सरासरीपेक्षा अधिक पावसाची नोंद झाली.  मराठवाड्यातील लातूर जिल्ह्यामध्ये आठवडाभरात सरासरीच्या तुलनेत सर्वात कमी म्हणजेच उणे ८९ टक्के पाऊस पडला. तसेच बीड जिल्ह्यात उणे ८१ टक्के, जालना उणे ७७ टक्के, उस्मानाबाद उणे ७७ टक्के, औरंगाबाद उणे ३२ टक्के तर नांदेड जिल्ह्यात उणे २० टक्के पाऊस झाला. मध्य महाराष्ट्रातील सांगली जिल्ह्यात उणे ४६ तर नगर जिल्ह्यात उणे ३५ टक्के पाऊस पडला. वाशीम, परभणी, हिंगोली जिल्ह्यात पावसाने सरासरी गाठली असल्याचे हवामान विभागाच्या नोंदीवरून स्पष्ट झाले आहे.

चारही विभागांत सर्वदूर पावसाची शक्यता
दुसऱ्या आठवड्यात (२४ ते ३० सप्टेंबर) या काळात राज्यात चांगल्या पावसाचे संकेत आहेत. महाराष्ट्रात चारही विभागांमध्ये सर्वदूर सरासरीपेक्षा अधिक पावसाची शक्यता असल्याचे हवामान विभागाने स्पष्ट केले आहे. पावसाच्या उघडिपीमुळे राज्याच्या कमाल आणि किमान तापमानात चढउतार होत आहे. पुढील आठवड्यामध्ये राज्यात कमाल तापमान २८ ते ३२ अंश सेल्सिअस, तर किमान तापमान २० ते २४ अंशांदरम्यान राहण्याची शक्यता आहे. तसेच दुसऱ्या आठवड्यातही कमाल तापमानाचा पारा २८ ते ३४ अंश, तर किमान तापमान २० ते २४ अंशांदरम्यान राहण्याचा अंदाज हवामान विभागाने वर्तविला आहे.

टॅग्स

इतर अॅग्रो विशेष
उन्हाळी कांद्याच्या घसरलेल्या दरामुळे...नाशिक : साठवलेल्या उन्हाळी कांद्याचा हंगाम अंतिम...
जळगाव जिल्ह्यात २५ हजार कृषिपंपांची वीज...जळगाव ः  जिल्ह्यात वीजबिले भरल्याशिवाय...
सोयाबीन वायद्यांत सुधारणापुणे ः बाजारात सोयाबीनचे दर पडल्यानंतर केंद्रीय...
‘फॅसिझमविरोधात लढण्यास  सक्षम पर्याय...मुंबई : देशात सुरू असलेल्या फॅसिझमविरोधात लढण्यास...
आझाद मैदानावर बुधवारपासून  गट सचिवांचे...सांगली ः राज्यातील गट सचिवांचे सेवा व वेतनाचे...
विमा कंपनीच्या कार्यालयात  मुक्काम...जालना : मोसंबीचा विमा संरक्षण कालावधी १५ सप्टेंबर...
पीडीसीसी’च्या निवडणुकीसाठी २९ अर्ज दाखल पुणे : राज्यात अग्रेसर असलेल्या पुणे जिल्हा...
फळबाग, जिरॅनियम प्रक्रियेतून शाश्‍वत...नागठाणे (जि. सातारा) येथील सुनील हणमंत साळुंखे...
अभ्यासपूर्ण शेतीतून मिळवले हंगामी...मालेगाव (जि. वाशीम) येथील सय्यद शारीक सय्यद गफूर...
बदलत्या वातावरणात द्राक्ष बागेचे...पावसामुळे बागेतील आर्द्रतेचे प्रमाण वाढलेले आहे....
२४० एकरांसाठी सामुहिक स्वयंचलित ठिबक...ऊस व द्राक्षे या पिकांसाठी प्रसिद्ध अहिरवाडी (जि...
‘तहसील’चा वीजपुरवठा खंडित;  थकबाकी न...नंदुरबार ः वेळोवेळी तगादा लावून व अखेर थकबाकी...
हळदीचे दर स्थिर सांगली ः सध्या देशभरात देशात हळदीची ३७ लाख पोती...
ऊस पाचट वजावटीपोटी  २२५ कोटींवर डल्ला पुणे ः यंत्राने होणाऱ्या ऊसतोडीत पाचटाच्या...
उत्तर कोकण, उत्तर महाराष्ट्रात जोरदार...पुणे : अरबी समुद्रात तयार होत असलेल्या कमी दाब...
देशातील ७२ गावे होणार ‘व्हिलेज ऑफ एक्‍...नागपूर ः केंद्र सरकार, राज्य सरकार आणि इस्राईल...
राज्य, परराज्यातील मजुरांचा  कडवंची...जालना : जिल्ह्यातील द्राक्षाचे आगार म्हणून...
निसर्गाच्या साक्षीने रंगली गोष्ट एका...अकोला ः सातपुड्याच्या डोंगरदऱ्यांमध्ये वसलेल्या...
शिरूरमध्ये दोन हजार रोहित्रे बंद पुणे : वीजबिल थकल्याने महावितरण शिरूर उपविभागातील...
जालन्यात विम्यासाठी ‘स्वाभिमानी’चे...जालना : मोसंबीचा विमा संरक्षण कालावधी १५ सप्टेंबर...