Agriculture news in marathi Low target for maize purchase, Sales in front of farmers remain | Agrowon

मका खरेदीचे कमी उद्दिष्ट, शेतकऱ्यांसमोर विक्रीचा पेच कायम

टीम अॅग्रोवन
मंगळवार, 26 जानेवारी 2021

बुलडाणा जिल्ह्यात ४७,५०० क्विंटल खरेदीचे उद्दिष्ट देण्यात आले आहे. ही खरेदी या आठवड्यात पूर्ण केली जाणार असून, पुन्हा मका शिल्लक राहण्याची शक्यता आहे.

बुलडाणा : मका खरेदीसाठी शासनाने नवे उद्दिष्ट देऊन परवानगी दिल्याने शेतकऱ्यांकडील संपूर्ण मका खरेदी होईल, अशी अपेक्षा होती. मात्र ज्या जिल्ह्यात दोन लाख क्विंटलपेक्षा अधिक मका शिल्लक होता, त्या जिल्ह्याला अवघे २५ टक्के म्हणजे ४७,५०० क्विंटल खरेदीचे उद्दिष्ट देण्यात आले आहे. ही खरेदी या आठवड्यात पूर्ण केली जाणार असून, पुन्हा मका शिल्लक राहण्याची शक्यता आहे.

भरडधान्य खरेदी योजनेअंतर्गत जिल्ह्यात पहिल्या टप्प्यात सुमारे १ लाख ४० हजार क्विंटल मका खरेदी झाला होता. उद्दिष्ट पूर्ण झाल्याने शासनाने खरेदी थांबवली तेव्हा जिल्ह्यात आणखी दोन ते अडीच लाख क्विंटल मका शिल्लक असल्याची माहिती समोर आली होती. बुलडाणा जिल्ह्यात मका विक्रीसाठी ११ हजार ३३१ शेतकऱ्यांनी ऑनलाइन नोंदणी केलेली आहे. त्यापैकी ३ हजार ७८८ शेतकऱ्यांचाच आजवर मका खरेदी होऊ शकला होता.

त्यानंतर साडेसहा हजारांवर नोंदणी केलेले शेतकरी मका विक्रीच्या प्रतीक्षेत आहेत. नव्याने खरेदीचे आदेश दिले असून, पूर्वीच्या केंद्रावर खरेदी करण्यास सांगण्यात आले. मात्र, दुसऱ्यांदा परवानगी देताना बुलडाणा जिल्ह्याला ४७ हजार ५०० क्विंटल मका खरेदीची मर्यादा घालून देण्यात आली. या मर्यादेमुळे नोंदणी केलेले संपूर्ण शेतकरी आपला मका विकू शकतील का, या बाबत शंका उपस्थित होत आहेत. 

शासनाचा हमीभाव १ हजार ८५० रुपये प्रतिक्‍विंटल असल्याने व खुल्या बाजारात एवढा दर नसल्याने शेतकरी शासकीय खरेदीसाठी थांबलेले आहेत. नवीन खरेदी प्रक्रियेत सर्वांना मका विकणे शक्य नसल्याने कमी भावात खुल्या बाजारात विकण्याशिवाय आता त्यांच्यापुढे पर्याय राहिलेला नाही. खासगी बाजारपेठेत मका अवघा १ हजार २०० रुपयांच्या आत विकत आहे. हमीभाव व बाजारातील दरात प्रतिक्विंटल ५०० रुपयांपेक्षा तफावत आहे. क्विंटलमागे शेतकऱ्यांना हे नुकसान सहन करावे लागणार आहे. त्यामुळे खरेदी मर्यादा शिथिल करण्याची मागणी शेतकऱ्यांमधून केली जात आहे.

जिल्ह्यातील मका पिकावर दृष्टीक्षेप

  •    मका विक्रीसाठी ११ हजार ३३१ शेतकऱ्यांनी ऑनलाइन नोंदणी
  •    आजवर ३ हजार ७८८ शेतकऱ्यांचा मका खरेदी
  •    पहिल्या टप्प्यात सुमारे १ लाख ४० हजार क्विंटल मका खरेदी
  •    जिल्ह्यात आणखी दोन ते अडीच लाख क्विंटल मका शिल्लक
  •    जिल्ह्याला ४७ हजार ५०० क्विंटल मका खरेदीची मर्यादा
  •    शासनाचा हमीभाव १ हजार ८५० रुपये प्रतिक्‍विंटल
  •   खासगी बाजारपेठेत मका १ हजार २०० रुपयांने विक्री

इतर बातम्या
थंडीचा प्रभाव घटण्यास प्रारंभ पुणे ः अरबी समुद्राच्या परिसरात चक्रीय स्थिती...
केंद्र सरकारकडून ‘पीजीआर’ला मान्यता पुणे : शेतीसाठी वापरल्या जाणाऱ्या जैव उत्तेजकांना...
शासकीय हरभरा खरेदीच्या ऑनलाइन नोंदणीला...जळगाव : खानदेशातील प्रमुख बाजार समित्यांमध्ये...
बंद आठवडी बाजाराचा कांदा उत्पादकांना...जळगाव ः जळगाव जिल्ह्यात आठवडी बाजार ६ मार्चपर्यंत...
बत्तीसशे चौरस फुटांपर्यंतच्या ...मुंबई : राज्यातील ग्रामीण भागातील सुमारे ३,२००...
महिलांना रोजगार मिळवून देण्यासाठी ‘...रत्नागिरी ः पर्यटन व्यवसायातून महिलांना रोजगार...
कापडण्यात कांद्याला फटकाकापडणे, जि. धुळे : पावसाळ्यात सलग तीन महिने पाऊस...
परभणी जिल्ह्यात अवकाळीने हरभरा, ज्वारी...परभणी ः जिल्ह्यात या महिन्यात झालेला अवकाळी पाऊस...
मारुती माळ येथे टस्कराचे दर्शनकोल्हापूर ः बाळेघोल (ता. कागल) येथील जंगलातून...
मराठवाड्यात अवकाळीने ३३ टक्के पिकांचे...औरंगाबाद : अठरा व १९ फेब्रुवारी रोजी झालेल्या...
नांदेड जिल्ह्यात नुकसानग्रस्तांसाठी...नांदेड : जिल्ह्यात फेब्रुवारी ते मे २०२० या...
निम्न पेढी प्रकल्पाचे काम वेळेत पूर्ण...अमरावती : निम्न पेढी प्रकल्प हा अमरावती व अकोला...
...तर खंडणीचे गुन्हे दाखल करा ः गरडपुणे ः ‘‘पुणे कृषी उत्पन्न बाजार समितीमध्ये हमाली...
सहकारी संस्थांच्या निवडणुकांना पुन्हा...कोल्हापूर ः राज्याच्या राजकीय पटलाचे लक्ष लागून...
बाजार समित्यांनी पेट्रोल, सीएनजी पंप...परभणी ः उत्पन्नात वाढ होण्याच्या दृष्टीने जिल्हा...
जैन यांच्या मोजेक पोर्ट्रेटची ‘गिनेस...जळगाव :  जैन उद्योग समूहाचे संस्थापक अध्यक्ष...
सातारा जिल्ह्यात ५५ टक्के क्षेत्रावर...सातारा ः जिल्ह्यात २५ फेब्रुवारीअखेर तीन हजार १५४...
राज्यात ७ कोटी ९७ लाख क्विंटल साखरेचे...नगर ः राज्यात यंदाही उसाचे जोरदार गाळप सुरू आहे....
शेतीच्या उन्नतीसाठी ज्ञानच महत्त्वाचे...पुणे : कृषीप्रधान देश असलेल्या भारतात शेतीला...
अवकाळीच्या तडाख्यात शेवग्याचे पुन्हा...नाशिक : गत जानेवारी महिन्यात झालेल्या अवकाळी...