बिजवडी, जि.सातारा : माण- खटाव तालुक्यात दुष्काळी परिस्थितीमुळे गेल्या वर्षी चारा छावण्या सुरू करण्यात आल्या होत्या. त्यामुळे शेतकऱ्यांची जनावरे जगण्यास मोठी मदत झाली. मात्र, वर्ष होऊनही शासनाने अद्याप बिले न दिल्याने छावणीचालक आता प्रचंड आर्थिक अडचणीत आले आहेत.
माण- खटाव तालुक्यांत दुष्काळी परिस्थितीमुळे एप्रिल २०१९ पासून चारा छावण्या सुरू होत्या. मात्र, शासनाने या चारा छावण्यांची माहे सप्टेंबर- ऑक्टोबर २०१९ ची बिले थकीत ठेवली. त्यामुळे छावणीचालक आर्थिक संकटात आले आहेत. ही थकित बिले त्वरित काढून छावणीचालकांना दिलासा द्यावा, अशी मागणी सातारा जिल्हा सहकार बोर्डाचे संचालक चंद्रकांत जगदाळे यांनी निवेदनाद्वारे केली.
माण- खटाव तालुक्यात माहे एप्रिल ते ऑक्टोबर २०१९ या कालावधीत चारा छावण्या सुरू होत्या. दुष्काळी स्थितीत त्यामुळे जनावरांचे पालनपोषण झाले. सुरुवातील शासनाकडून छावण्याची बिले काढण्यास विलंब झाल्याने छावणीचालक अगोदरच कर्जबाजारी झाले होते. त्यानंतर शासनाने एप्रिल ते ऑगस्ट २०१९ महिन्यांची बिले चालकांना टप्प्याटप्प्याने दिली आहेत. मात्र, सप्टेंबर - ऑक्टोबर महिन्यातील बिले थकविली आहेत.
अनुदान मिळवून देण्याचे आश्वासन
आता या थकलेल्या बिलांप्रश्नी छावणीचालकांनी आमदार शशिकांत शिंदे यांची भेट घेऊन त्यांना छावण्यांचे बिल मिळावे, या मागणीचे निवेदन दिले. त्यांनीही तत्काळ या निवेदनाची दखल घेत शासन, प्रशासनाशी संपर्क करून लवकर अनुदान मिळवून देण्याचे आश्वासन दिल्याची माहितीही जगदाळे यांनी दिली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.