agriculture news in Marathi, Madhavan Rajiwan says, heavy rain in next week, Maharashtra | Agrowon

जुलैच्या पहिल्या आठवड्यात पावसाचा जोरः माधवन राजीवन

टीम अॅग्रोवन
गुरुवार, 27 जून 2019

पुणे : मॉन्सून दाखल झाल्यानंतर राज्यात पावसाचा जोर ओसरला आहे. मात्र बंगालच्या उपसागरात तयार होत असलेले कमी दाबाचे क्षेत्र पूरक ठरल्याने जुलै महिन्याच्या पहिल्या आठवड्यात (१ ते ६ जुलै) राज्यात पाऊस जोर धरण्याची शक्यता आहे, अशी माहिती केंद्र सरकारच्या पृथ्वी विज्ञान मंत्रालयाचे सचिव माधवन राजीवन यांनी बुधवारी (ता. २६) ट्विटद्वारे दिली. 

पुणे : मॉन्सून दाखल झाल्यानंतर राज्यात पावसाचा जोर ओसरला आहे. मात्र बंगालच्या उपसागरात तयार होत असलेले कमी दाबाचे क्षेत्र पूरक ठरल्याने जुलै महिन्याच्या पहिल्या आठवड्यात (१ ते ६ जुलै) राज्यात पाऊस जोर धरण्याची शक्यता आहे, अशी माहिती केंद्र सरकारच्या पृथ्वी विज्ञान मंत्रालयाचे सचिव माधवन राजीवन यांनी बुधवारी (ता. २६) ट्विटद्वारे दिली. 

दरम्यान, आज (ता. २७) कोकणात तुरळक ठिकाणी मुसळधार, तर उर्वरित राज्यात हलक्या पावसाची शक्यता हवामान विभागाने वर्तविली आहे. केरळमध्ये आठ दिवस उशिरा दाखल झालेल्या मॉन्सूनचा पुढील प्रवासही अडखळत झाला. महाराष्ट्रात १९७२ नंतर उशिराने २० जून रोजी मॉन्सून पोचला. मॉन्सूनने सर्व राज्य व्यापल्यानंतर मात्र पावसाने अनेक भागात उघडीप दिली आहे. मॉन्सूनने मंगळवारी संपूर्ण राज्य व्यापल्यानंतर बुधवारी (ता. २६) कोणतीही प्रगती केली नाही. वायव्य, तसेच उत्तर भारतातील राज्यांमध्ये १ ते ३ जुलैपर्यंत मॉन्सून दाखल होण्यास पोषक स्थिती निर्माण झाली आहे. यातच हवामान विभागाने ३० जून रोजी बंगालच्या उपसागरात कमी दाबाचे क्षेत्र तयार होण्याचे संकेत दिले आहे. 

या पार्श्‍वभूमीवर मॉन्सून जुलै महिन्यात सक्रिय होण्याचा अंदाज राजीवन यांनी वर्तविला आहे. भारतीय हवामान खाते केंद्रातील पृथ्वी विज्ञान मंत्रालयाच्या अंतर्गत काम करते. त्याच मंत्रालयाचे सचिव असलेल्या राजीवन यांनी ट्विटमध्ये म्हटले आहे की, यंदा देशात मॉन्सून उशिरा दाखल झाला. मात्र, गेल्या दहा दिवसांपासून मॉन्सूनची सातत्याने प्रगती होत आहे. बंगालच्या उपसागरात तयार होत असलेल्या पोषक वातारणामुळे पुढील चार ते पाच दिवसांमध्ये मॉन्सून सक्रिय होईल. त्यामुळे महाराष्ट्रसह ओरिसा, छत्तीसगड, मध्य प्रदेश, आणि गुजरात या भागात १ ते ६ जुलै दरम्यान जोरदार पाऊस पडेल. बुधवारी (ता. २६) सकाळपर्यंतच्या २४ तासांमध्ये राज्यात तुरळक ठिकाणी मध्यम ते जोरदार स्वरूपाच्या सरी कोसळल्या.
 
बुधवारी (ता. २६) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस, मिलिमीटरमध्ये (स्रोत : कृषी विभाग)  
  
कोकण : धसई २९, सौंदळ ५५, जैतापूर २८, पुनस ७३, पाटगाव २८, मालवण ७७, पेंडूर ४८, मसुरे २६, आचरा २६, आंबेरी ४५, पोईप ३५, म्हापण ४७, तळेरे ३६, वैभववाडी ४६, येडगाव ४५, चिंचणी ३२, तारापूर ७७. मध्य महाराष्ट्र : पिंपळगाव २५, वावी २२, शेंदुर्णी ४१, पहूर २४, पाचोरा ४६, नांद्रा २८, वरखेडी ३४, पारनेर ४०, देवळाली २३, ब्राह्मणी ४०.८, वेळू २५, संगमनेर २४, बेल्हा ३३, आंबेगाव ६७, न्हावरा ३१, मलठण २१, कोरेगाव ४७, शिरूर ५९, बावडा २७, जेजूरी २१, दुधनी ३३, रोपळे २५, हातीद ५५, कोळा ३८, कोळे ६०, कुक्‍कुडवाड २५, कबनूर २७, गगनबावडा ३६, साळवण २३. मराठवाडा : खंडाळा ३६, लाडगाव २६, जामखेड ४३, उमापूर २३, दिदरूड २४, घाटनांदूर २२, नांदूरघाट २०, धारूर २७, गातेगाव २०, चिंचोली ३२, उस्मानाबाद शहर २४, परांडा २८, पिंगळी ३२. विदर्भ : पातुर्डा २१, कवठळ ३८, वरवंड २२, लोणी ४७, हिवखेड २५, अटाळी ४२, अडगाव २१, वझर २७,  राजगाव २६, केनवड ४९, करंजी २३, चांडस ३१, हिवरा २४, भातकुली २६, पूर्णानगर २६, आष्टी २२, निंभा २३, असरा २०, खाल्लार २३, असेगाव २६, तळेगाव ४९.


इतर अॅग्रो विशेष
संगमनेर तालुका संघाकडून ५० टक्के...नगर: संगमनेर तालुका सहकारी दूध संघाने दूध...
उगाव येथे सामूहिक पातळीवर दशपर्णी अर्क...नाशिक: निफाड तालुक्यातील उगाव येथील श्री. श्री....
किसान क्रेडिट कार्डवर बिनव्याजी कर्ज...नाशिक: शेतकऱ्यांना शेतीकामासाठी आर्थिक मदत करणे...
दुधाला दर नसल्याने, दुभती जनावरे ...सोलापूर ः दुधाला मागणी असूनही केवळ योग्य तो दर...
मराठा समाजाला विश्वासात घेणार : अशोक...मुंबई : मराठा आरक्षणाच्या न्यायालयीन लढाईत राज्य...
पुण्यात शेतमाल पुरवठा देखील बंद पुणे: कोरोनाची उफाळून आलेली साथ रोखण्यासाठी...
देशाच्या सूत निर्यातीत मोठी घट जळगाव ः कोरोना व इतर संकटांमध्ये देशातील सूत...
मराठवाड्यात २६ टक्के पीककर्ज वितरणऔरंगाबाद : मराठवाड्यातील आठही जिल्ह्यांत...
कृषी निविष्ठा विक्रेत्यांचा राज्यात बंद...औरंगाबाद: कृषी निविष्ठा विक्रेत्यांच्या...
राज्यात पावसाला पोषक हवामानपुणे : राज्यात पावसाला पोषक हवामान होत असल्याने...
जलसंधारण,शिक्षण अन् कृषी विकासाचा रचला...सुदृढ, आत्मनिर्भर समाज घडविणे या उद्देशातून जळका...
दुग्ध व्यवसाय ठरतोय शेतीला आधारपनवेल येथील बांधकाम व्यावसायिक अनिल लक्ष्मण...
कृषी आयुक्त दिवसेंची बदली, गायकवाड...मुंबई : राज्य सरकारने शनिवारी महत्त्वपूर्ण...
कृषी निविष्ठा विक्रेत्यांना आरोपी नव्हे...पुणे : राज्यात खते, बियाणे, कीटकनाशकांची विक्री...
आनंदाची पातळी बदलतेय उत्पन्नांनुसारआजच्या जगामध्ये सामाजिक आर्थिक निकषांमध्ये वेगाने...
शेती क्षेत्रातील बदल टप्याटप्याने...नागपूर ः शेतकऱ्यांच्या बांधापर्यंत कृषी...
राज्यात कृषी सेवा केंद्रांचा बंद सुरूपुणेः सोयाबीन बियाणे न उगवल्या प्रकरणी...
औरंगाबाद जिल्ह्यातील थेट शेतमाल विक्री...औरंगाबाद : कोरोना संकटामुळे शेतकरी ते ग्राहक...
रुतलेले अर्थचक्राने विकासालाही ‘ब्रेक’''मूडी'' या पतमानांकन संस्थेने अलीकडेच आपला अहवाल...
बेलखेडा होणार संत्रा उत्पादक गावरिसोड, जि. वाशीम ः तालुक्यातील दोन हजार लोकसंख्या...