कृषी खात्याला दिशा देण्यासाठी ‘महाअॅग्रिटेक’

पुणे : कृषी खात्याच्या कामकाजाला दिशा देण्यासाठी ‘महाअॅग्रिटेक’ अभियान लागू करण्यात आले आहे. याचबरोबर मनुष्यबळ विकासाकरिता कृषी सहायकापासून ते संचालकांपर्यंत प्रकल्पाधारित कर्तव्य व जबाबदाऱ्यांचे वाटप व त्याचे वार्षिक मूल्यमापन करण्याची पद्धत लागू करण्याचादेखील निर्णय घेण्यात आलेला आहे.  राज्याचे कृषी सचिव एकनाथ डवले यांच्याकडून कृषी खात्यामधील मरगळ झटण्याचा प्रयत्न सुरू झालेला आहे. त्यासाठी कर्मचारी व अधिकारी वर्गाला विश्वासात घेऊन उपलब्ध मनुष्यबळचा जास्तीत जास्त वापर करण्याचे धोरण ठेवले जात आहे. कृषी आयुक्त सुहास दिवसे यांच्या माध्यमातून ‘कृषी खात्याला जास्तीत जास्त वेगवान व पारदर्शक’ करण्याकडे कृषी सचिवांचा कल असल्याची माहिती सूत्रांनी दिली. कृषी सचिव व कृषी आयुक्त यांच्याकडून कामकाजातील सुधारणांचा आढावा घेतला जात आहे. विशेष म्हणजे आयुक्त व सचिवांकडून याबाबत अधिकाऱ्यांसोबत संयुक्त बैठका होत असून, प्रत्येक मुद्दांवर बारकाईने काम करण्याचा प्रयत्न केला जात आहे. “सुधारणा करीत असताना टोकाची भूमिका घेणे, प्रचलित धोरणांना धक्का लावणे, अधिकारी व कर्मचाऱ्यांवर अविश्वासाची भावना दाखविणे हे टाळण्याचे प्रयत्न आहेत. गाजावाजा न करता शेतकरी वर्गाला उपयुक्त ठरणारी दिशा कृषी खात्याला दिली जाईल,” अशी माहिती एका उच्चपदस्थ सूत्रांनी दिली.  सुधारणा करताना दीर्घकालीन, मध्यम मुदतीचे आणि येत्या खरिपासाठीचे असे तीन टप्पे केले जात आहेत. कृषी सचिवांनी अलीकडेच कृषी आयुक्तांसह वरिष्ठ अधिकाऱ्यांची बैठक पुण्यात घेतली. यात काही टप्प्यांबाबत नियोजन व भूमिका ऐकून घेतली. दीर्घकालीन उपायांबाबत मात्र माहिती घेण्याचे काम पुढेही चालूच राहणार आहे. भविष्यात विविध धोरणात्मक निर्णय घेताना सुधारणांचा नवा अजेंडा डोळ्यासमोर ठेवला जाणार आहे. अर्थात, हा अजेंडा अजून कुठेही लिखित स्वरूपात आलेला नाही.  

यशापयशाची जबाबदारी सचिवांचीदेखील  कृषी खात्यात धोरणात्मक चौकटीला पुढे नेताना केवळ कर्मचारी किंवा संचालक जबाबदार ठरत नाहीत. सचिव म्हणून मी देखील जबाबदार ठरतो. शेवटी कोणतेही कामकाज हे एकत्रित धोरणात्मक नियोजनाचे प्रतिबिंब असते. ते प्रतिबिंब चांगले असावे. कामाचे उद्दिष्ट, मूल्यमापन, मूल्यांकन शेवटच्या कर्मचाऱ्याचे व्हावे. कारण, जबाबदारी त्यांचीही आणि माझीही असते,” अशी भूमिका कृषी सचिवांनी घेतली आहे. कामकाजाला दिशा देताना स्वतःवर यशापशाची जबाबदारी घेण्याच्या सचिवांच्या भूमिकेचे स्वागत होत आहे. मात्र, या भूमिकेतून ते प्रत्येक कर्मचाऱ्याला जबाबदारी आणि प्रामाणिकपणे वागण्याचा सल्ला देत असल्याचे सूत्रांचे म्हणणे आहे. 

खरिपासाठी सुरू असलेले नियोजन

योजना वेगवान करण्यासाठी मध्यमकालीन उपाय

दीर्घकालीन सुधारणांमधील उद्दिष्टे