महाबीजचे सहा जिल्ह्यांत ४ हजार हेक्टरवर बीजोत्पादन

परभणी : महाबीजच्या परभणी विभागातील सहा जिल्ह्यांतील ७७४ गावांतील २ हजार ३९७ शेतकऱ्यांनी यंदा रब्बी हंगामामध्ये ४ हजार १३३ हेक्टरवरील बीजोत्पादन कार्यक्रमासाठी नोंदणी केली आहे, अशी माहिती महाबीजच्या सूत्रांनी दिली.

महाबीजच्या परभणी विभागातील परभणी, हिंगोली, नांदेड, लातूर, उस्मानाबाद, सोलापूर या सहा जिल्ह्यांमध्ये यंदाच्या रब्बी हंगामात ज्वारी, गहू, हरभरा, करडई आदी पिकांच्या पायाभूत आणि प्रमाणित बियाण्यांच्या बीजोत्पादन कार्यक्रम घेण्यात येत आहे.

ज्वारीच्या परभणी मोती, परभणी ज्योती, फुले अनुराधा, फुले वसुधा, फुले रेवती, गव्हाच्या लोक १, राज ४०३७, एचआय १५४४ (पूर्णा), करडईच्या पीबीएनएस -१२, पीबीएन -८६, फुले एसएसएफ ७०८, एसएसएफ ७४८, हरभऱ्याच्या जाकी ९१८, बीडीजीएनके ७९८, राजविजय २०२, राजविजय २०३, दिग्विजय, विजय, फुले विक्रम, विशाल या वाणांचा बीजोत्पादन कार्यक्रमामध्ये समावेश आहे. 

या सहा जिल्ह्यांतील एकूण २ हजार ३०८ शेतकऱ्यांनी ३ हजार ९७६ हेक्टरवरील प्रमाणित बीजोत्पादनासाठी, ८९ शेतकऱ्यांनी १५७.२० हेक्टरवरील पायाभूत बीजोत्पादन कार्यक्रमासाठी नोंदणी केली आहे, असे महाबीजच्या सूत्रांनी सांगितले.

जिल्हानिहाय बीजोत्पादन क्षेत्र (हेक्टरमध्ये)