agriculture news in Marathi, Mahacot brand in trouble, Maharashtra | Agrowon

महाकॉट ब्रॅण्डची चमक पडली फिकी
चंद्रकांत जाधव
रविवार, 18 नोव्हेंबर 2018

जळगाव ः पूर्व विदर्भ, उत्तर मराठवाडा व खानदेशातील जिनर्सनी एकत्र येऊन महाकॉट ब्रॅण्ड विकसित केला. त्यासंबंधी चीन, बांगलादेशमधील मोठे खरेदीदार, सूतगिरणीचालक यांनी रस दाखवून विपणनाची चांगली सुरवात झाली. परंतु गुजरातमधील मोठ्या खरेदीदारांच्या मध्यस्थांनी कापसावर पाणी व काही रसायनांची फवारणी करून त्याची पाठवणूक करून खाबुगिरीचा नवा प्रकार सुरू केल्याने कापसाचा दर्जाही घसरत आहे. परिणामी, महाकॉटसंबंधीची मानके राखताना अडचणी येतात.

जळगाव ः पूर्व विदर्भ, उत्तर मराठवाडा व खानदेशातील जिनर्सनी एकत्र येऊन महाकॉट ब्रॅण्ड विकसित केला. त्यासंबंधी चीन, बांगलादेशमधील मोठे खरेदीदार, सूतगिरणीचालक यांनी रस दाखवून विपणनाची चांगली सुरवात झाली. परंतु गुजरातमधील मोठ्या खरेदीदारांच्या मध्यस्थांनी कापसावर पाणी व काही रसायनांची फवारणी करून त्याची पाठवणूक करून खाबुगिरीचा नवा प्रकार सुरू केल्याने कापसाचा दर्जाही घसरत आहे. परिणामी, महाकॉटसंबंधीची मानके राखताना अडचणी येतात.

महाकॉटची चमक काहीशी फिकी पडली आहे. 
अडीच ते तीन टक्के ट्रॅश, नऊ टक्के आर्द्रता, २९ मिलिमीटर लांबी आदी मानकांचा महाकॉट हा महाराष्ट्रातील रुईचा ब्रॅण्ड विकसित केला. त्याचे उत्पादन राज्यातील ३०० जिनिंगमध्ये सुरू झाले. परंतु गुजरातमधील खरेदीदारांचे मध्यस्थ खेडा खरेदी करताना आपल्या नफेखोरी, खाबुगिरीसाठी कापसावर पाणी व आर्द्रता अधिक येऊ नये यासाठी काही रसायने फवारतात. गावात राजरोस असा प्रकार सुरू असतो. याचा परिणाम जिनिंगमधील कापूस पुरवठ्यावर होत असतानाच कापसाचा दर्जाही घसरला आहे. यामुळे महाकॉटची मानके राखताना जिनर्सना अडचणी येतात. 

महाकॉट ब्रॅण्डमध्ये चीनधील आघाडीची कंपनी असलेल्या टीयानजीन यांनी रस दाखविला होता. तसेच काही बहुराष्ट्रीय कंपन्यांनीदेखील खरेदीसंबंधी सकारात्मक प्रतिसाद दिला. बांगलादेश, चीनमध्ये निर्यातही झाली होती. एकट्या खानदेशात आठ ते १० लाख महाकॉट ब्रॅण्डअंतर्गत गाठी निर्माण होतात. पण अधिक आर्द्रतेचा, ओलावा असलेला कापूस पुरवठ्याची ओरड नेहमी सुरू असते. 

रोजगाराची संधी होते कमी 
जिनिंग हंगामा अखेरपर्यंतही १०० टक्के क्षमतेने सुरू होत नाहीत. कारण कापूसटंचाई असते. एका जिनिंगमध्ये १०० जणांना काम देता येते. तसेच कापसाची वाहतूूक, भराई, तोलाई यासंबंधीही रोजगार मिळतो. म्हणजे १५० गाठींचे रोज उत्पादन करणारी एक जिनिंग पूर्ण क्षमतेने काम करू लागली तर ही जिनिंग ऑक्‍टोबरच्या मध्यापासून ते थेट मेपर्यंत रोज १५० ते २०० जणांना रोजगार देऊ शकते. पण, अपवाद वगळता कुठलीही जिनिंग १०० टक्के क्षमतेने कार्यरत होत नाही. परिणामी रोजगारावर परिणाम होतो, असे खानदेश जिनिंग प्रेसिंग कारखानदार असोसिएशनचे माजी अध्यक्ष अरविंद जैन म्हणाले.

वस्तू व सेवा करातील आरसीएममध्ये नुकसान 
जिनर्सना वस्तू व सेवा करासंबंधी रिव्हर्स कनसेप्ट मॅकेनीझम (आरसीएम) पद्धत लागू केली आहे. यात कापूस खरेदी करताना क्विंटलमागे पाच टक्के कर भरावा लागतो. तो गाठींच्या विक्रीतून परतावा म्हणून जिनर्सला मिळतो. परंतु साडेपाच क्विंटल कापूस १७० किलो रुईच्या एक गाठीसाठी लागतो. एक क्विंटल कापसात ३५ टक्के रुई व ६५ टक्के सरकी मिळते. सरकीची ढेप तयार करून जिनर्स विकतात. परंतु ढेप विक्रीसंबंधी आरसीएमअंतर्गत भरलेला कर परताव्याची संधी केंद्राने दिलेली नाही. या किचकट करप्रणालीविरोधात देशातील जिनर्सनी मागील वर्षी बंद पुकारला. मध्यंतरी प्रभारी केंद्रीय अर्थमंत्री पियुष गोयल यांची जिनिंग असोसिएशनने भेट घेतली. परंतु, सकारात्मक प्रतिसाद मिळाला नाही. क्विंटलमागे ५० रुपयांचे नुकसान या करप्रणालीमुळे जिनर्सना सहन करावे लागते. यामुळे कापूस खरेदीच्या स्पर्धेत हवे तसे दर जिनर्स देऊ शकत नाहीत, अशी माहिती जिनिंग व्यावसायिक संदीप पाटील यांनी दिली.

इतर अॅग्रो विशेष
युवा कृषी कौशल्य विकासासाठी सहकार्य करारपुणे ः आंतरराष्ट्रीय युवा कौशल्य दिनाचे औचित्य...
महाराष्ट्राला ‘स्किल कॅपिटल' बनवावेः...मुंबई ः महाराष्ट्र शासनाच्या छत्रपती राजाराम...
कोकण, घाटमाथ्यावर हलक्या सरींचा अंदाज पुणे ः  उत्तर भारतामध्ये असलेल्या कमी...
तीन हजार शेतकऱ्यांच्या मूल्यांकनाचा...कोल्हापूर ः कृषी कौशल्य विकास प्रशिक्षण पूर्ण...
सांगली जिल्ह्यातील द्राक्ष उत्पादकांचे...सांगली : जिल्ह्यातील एक हजारांवर द्राक्ष उत्पादक...
कर्जमाफीतील तक्रार निवारणासाठी समिती...पुणे ः छत्रपती शिवाजी महाराज शेतकरी सन्मान...
विविध तंत्रांच्या वापरातून प्रयोगशील...भोसी (जि. हिंगोली) येथील गोरखनाथ हाडोळे विविध...
उत्कृष्ठ व्यवस्थापनातून खरीप कांद्याचे...बुलडाणा जिल्ह्यातील डोणगाव येथील आखाडे कुटुंबाने...
‘पक्षाघाता’च्या साथीत कायदा बासनात"व्हेन मेन आर प्युअर लॉज आर युजलेस. व्हेन मेन आर...
चिंता वाढविणारी उघडीपराज्यात मॉन्सूनच्या पावसाचा काहीसा जोर कमी झाला...
ऊन-सावल्यांच्या खेळात पावसाची दडी;...पुणे : मॉन्सून सक्रिय नसल्याने राज्याच्या बहुतांश...
पीकविम्यासाठी आतापर्यंत साडेतीन लाख...पुणे  : पंतप्रधान पीकविमा योजनेसाठी चालू...
कमी खर्चात वाइननिर्मितीचे तंत्र विकसित...पुणे : महाराष्ट्र विज्ञान वर्धिनीच्या आघारकर...
शेंगासोबतच शेवग्याची पावडर ठरतेय...संपूर्ण २० एकर क्षेत्रांमध्ये शेवगा लागवडीचा...
मराठवाड्यात दुष्काळाची धग कायमऔरंगाबाद : पावसाळा सुरू होऊन महिना उलटला,...
मराठा उमेदवारांच्या खुल्या प्रवर्गातील...मुंबईः मराठा आरक्षणाला स्थगिती असताना खुल्या...
मराठवाड्यात ४८ टक्‍के पेरणी; पिके...औरंगाबाद : मराठवाड्यातील खरिपाच्या ४९ लाख ९६...
बिस्किटउद्योगातून आर्थिक प्रगतीमौजे सांगाव (ता. कागल, जि. कोल्हापूर) येथील...
शेती, शिक्षण अन् ग्रामविकासात ‘वसुधा’...धुळे येथील वन्य सुस्थापन धारा (वसुधा) ही...
।। जातो माघारी पंढरीनाथा । तुझे दर्शन...पंढरपूर, जि. सोलापूर सावळ्या विठुरायाचे दर्शन आणि...