धनगर समाजासाठी ‘महामेष’ योजना

संग्रहित छायाचित्र
संग्रहित छायाचित्र

सोलापूर : शासनाच्या वतीने भटक्‍या जमातीच्या (भज-क) नागरिकांना राज्यभरात एक हजार मेंढ्याचे गट वाटले जाणार आहेत. ‘राजे यशवंतराव होळकर महामेष योजनेंतर्गत’ त्याचे वाटप होईल. या योजनेसाठी भटक्‍या जमातीच्या (भज-क, धनगर) नागरिकांनी १५ नोव्हेंबरपर्यंत www.mahamesh.in  या संकेतस्थळावर अर्ज करायचे आहेत. या योजनेच्या माध्यमातून लाभार्थींना ७५ टक्‍क्‍यांचे अनुदान दिले जाणार आहे. यासाठी फक्त ऑनलाइनच अर्ज स्वीकारले जातील.

राज्यातील धनगर जमातीमधील सुमारे एक लाख मेंढपाळाकडून मेंढीपालनाचा व्यवसाय केला जातो. हा समाज सामाजिक, आर्थिक व शैक्षणिकदृष्ट्या मागास असल्यामुळे त्यास भटक्‍या जमातीमध्ये (भज-क) समाविष्ट केले आहे. त्यानंतर त्यांना मागासवर्गीयांच्या सवलती लागू केल्या आहेत.

राज्यातील भटकंती करणारे मेंढपाळ पारंपरिक पद्धतीने करत असलेल्या मेंढीपालन या व्यवसायापासून त्यांना उत्पन्नाचा शाश्‍वत स्रोत निर्माण करून देणे, सामाजिक व आर्थिक स्तर उंचावण्यास मदत करणे, अर्धबंदिस्त, बंदिस्त मेंढीपालन व्यवसायास चालना देणे, आहारामध्ये आवश्‍यक असलेल्या मांसाच्या उपलब्धतेमध्ये वाढ करणे, सुधारित प्रजातींच्या मेंढ्यांचा प्रसार करण्यावर भर देणे ही उद्दिष्टे साध्य करण्यासाठी शासनाने हा निर्णय घेतला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com