agriculture news in Marathi, Mahatma phule agriculture university got 24 th rating, Maharashtra | Agrowon

महात्मा फुले कृषी विद्यापीठाला देशात चोविसावे मानांकन

टीम अॅग्रोवन
मंगळवार, 23 जुलै 2019

नगर ः नवी दिल्ली येथील भारतीय कृषी संशोधन परिषदेने नुकतेच देशातील कृषी विद्यापीठांच्या प्रसिद्ध केलेल्या मानांकन यादीमध्ये महात्मा फुले कृषी विद्यापीठास २४ वा क्रमांक मिळाला आहे. २०१७ च्या यादीत विद्यापीठ ३४ व्या क्रमांकावर होते. राज्य पातळीवर विचार करता महात्मा फुले कृषी विद्यापीठ क्रमांक १ वर आहे.

नगर ः नवी दिल्ली येथील भारतीय कृषी संशोधन परिषदेने नुकतेच देशातील कृषी विद्यापीठांच्या प्रसिद्ध केलेल्या मानांकन यादीमध्ये महात्मा फुले कृषी विद्यापीठास २४ वा क्रमांक मिळाला आहे. २०१७ च्या यादीत विद्यापीठ ३४ व्या क्रमांकावर होते. राज्य पातळीवर विचार करता महात्मा फुले कृषी विद्यापीठ क्रमांक १ वर आहे.

यंदाच्या यादीत दापोली येथील डॉ. बाळासाहेब सावंत कोकण कृषी विद्यापीठास ३२ वे स्थान मिळाले, २०१७ साली या विद्यापीठाचा ५९ क्रमांक होता परभणी येथील वसंतराव नाईक मराठवाडा विद्यापीठास ४५ वे स्थान मिळाले, २०१७ साली ५२ वा क्रमांक होता. अकोला येथील डॉ. पंजाबराव देशमुख कृषी विद्यापीठास ४८ वे मानांकन मिळाले आहे. अकोल्याचे मानांकन ४२ वरून ४८ वर गेले आहे. कर्नाल येथील राष्ट्रीय दूध संशोधन संस्थेचा देशाच्या यादीत पहिला क्रमांक तर दिल्लीच्या भारतीय कृषी संशोधन संस्थेचे नाव दुसऱ्या स्थानावर आहे. 

महात्मा फुले कृषी विद्यापीठाचे कुलगुरू डॉ. के. पी. विश्वनाथा यांच्या नेतृत्वाखाली आणि अधिष्ठाता (कृषी) डॉ. अशोक फरांदे, संशोधन संचालक व विस्तार शिक्षण संचालक डॉ. शरद गडाख यांच्या मार्गदर्शनाने विद्यापीठाने सन २०१८ सालासाठी मानांकनाचा अहवाल जून-२०१९ ला भारतीय कृषी अनुसंधान परिषदेला सादर केला होता. मागील वर्षाच्या शिक्षण, संशोधन आणि विस्ताराच्या कामगिरीवर अधारित हे मानांकन विद्यापीठास मिळाले आहे. विद्यापीठाचा कृषी शिक्षणाचा दर्जा उंचावत आहे.

विद्यापीठास सरदार वल्लभभाई पटेल सर्वोकृष्ट कृषी विद्यापीठ पुरस्कार (२००२), देशातील उत्कृष्ट संस्था म्हणून १०० कोटी रुपयांचे विशेष पारीतोषिक (२००८) आणि देशातील सर्वात पसंतीची संस्था (२००९) या सारख्या विविध पुरस्कारांनी गौरविण्यात आले आहे. 

संशोधनात विद्यापीठाचे योगदान मोलाचे असून गेल्या ५० वर्षांमध्ये अन्नधान्य, फळेफुले, चारापिके यांचे २६३ हून अधिक वाण विकसित केले असून मृद व जलसंधारण, पीक लागवड पध्दती, खते आणि पाणी व्यवस्थापन, रोग वकिडींचे नियंत्रण, अवजारे, हरितगृहातील शेती, प्रक्रिया, दुग्धशास्त्र इ. याविषयी सखोल संशोधन करून १५१२ हून अधिक महत्त्वपूर्ण शिफारशी प्रसारित करण्यात आल्या आहेत. विद्यापीठाने पेरणी, रोप लावणी, आंतर मशागत आणि काढणीसाठी विविध प्रकारचे ३६ सुधारित यंत्रे व अवजारे विकसित केले आहेत.

राहुरी विद्यापीठाचा मानांकनाचा    अहवाल बनविण्यामध्ये कुलसचिव श्री. सोपान कासार, नियंत्रक विजय कोते, विद्यापीठ अभियंता श्री. मिलिंद ढोके, विद्यापीठाचे नोडल ऑफिसर डॉ. मिलिंद अहिरे आदींनी परिश्रम घेतले.


इतर अॅग्रो विशेष
कोकण रेल्वेकडून अत्यावश्यक वस्तूंची जलद...रत्नागिरीः देशभरातील जनतेला आवश्यक वस्तूंचा...
सोनाई प्रकल्पात दहा लाख लिटर दूध नासले...पुणे: कोरोनामुळे राज्यात दुधाचा महापूर सुरू झाला...
बार्शी तालुक्यातील द्राक्षपट्टा...सोलापूर  ः कोरोना विषाणूच्या पार्श्वभूमीवर...
पुणे विभागात ३२९ क्विंटल भाजीपाल्याची...पुणे  ः ‘कोरोना’चा प्रादुर्भाव रोखण्यासाठी...
शाळांमध्ये शिल्लक धान्यांचे ...पुणे : कोरोनाच्या पार्श्वभुमीवर राज्यातील शाळांना...
कृषी पदव्युत्तर पदवी प्रवेशाच्या सामाईक...पुणे  : महाराष्ट्र कृषी विद्यापीठ परीक्षा...
शालेय विद्यार्थ्यांना मिळणार तांदूळ,...नगर ः शालेय पोषण आहार योजनेंतर्गत ग्रामीण भागातील...
लॉकडाऊनमधून बियाणे उद्योग वगळलापुणे : शेतकऱ्यांना बियाण्यांचा पुरवठा सुरळीत...
पुणे बाजार समितीत आज केवळ फळे, कांदा...पुणे: लॉकडाऊनमध्ये बाजार समित्यांमध्ये...
'कृषी'च्या सामाईक प्रवेश परिक्षेत...परभणी: महाराष्‍ट्र कृषी विद्यापीठे परीक्षा...
संकटातही कंदरच्या शेतकऱ्यांकडून आखातात...पुणेः सोलापूर जिल्ह्यातील कंदर (ता. करमाळा) येथील...
मध्य महाराष्ट्र, विदर्भात वादळी पावसाचा...पुणे : राज्यात पुर्वमोसमी पावसाला पोषक हवामान आहे...
माल वाहतुक करणाऱ्या वाहनांवरील टोल...मुंबई ः ‘कोरोना’च्या पार्श्वभूमीवर राज्यातील...
स्पेनच्या राजकन्येचा कोरोनामुळे मृत्यू...माद्रीद : स्पेनच्या राजकन्या मारीया टेरेसा यांचा...
राज्यात १२ नवे कोरोना रुग्ण, बाधितांची...मुंबई: राज्यात १२ नवे कोरोना पॉझिटिव्ह रुग्ण...
पुण्यात पोलिस बंदोबस्तात बाजार समिती...पुणे : कोरोनामुळे शहरात लॉकडाऊन असतानाही...
पुणे बाजार समिती आजपासून सुरु; मात्र...पुणे : कोरोना विषाणूमुळे सुरू असलेल्या...
देशातील वस्त्रोद्योगाला दोन लाख कोटींचा...जळगाव ः देशात शेतीनंतर रोजगाराचा व आर्थिक...
राज्यातील कोरोना रुग्णाची संख्या १८१;...मुंबई : राज्यात शनिवारी (ता.२९) आणखी २८ कोरोना...
फळे, भाजीपाला पुरवठ्यासाठी राज्यभर...पुणे : कोरोनाच्या पार्श्वभूमीवर ग्राहकांना फळे व...