सत्तास्थापनेसाठी महायुतीतील घटक पक्षांचा पुढाकार

सत्तास्थापनेसाठी महायुतीतील  घटक पक्षांचा पुढाकार
सत्तास्थापनेसाठी महायुतीतील घटक पक्षांचा पुढाकार

मुंबई  ः राज्यातील राजकारणाची सद्यस्थिती पाहता आता सत्तास्थापनेसाठी महायुतीतील इतर मित्र पक्षांनी पुढाकार घेतला आहे. विधानसभा निवडणुकीत भाजपला सर्वात जास्त जागांवर विजय मिळाल्याने भाजपला सत्तास्थापनेसाठी निमंत्रित करावे, अशी मागणी घटक पक्षांनी राज्यपाल भगतसिंग कोश्यारी यांची भेट घेऊन केली.  या मागणीसाठी घटक पक्षांतील रिपाइंचे नेते, केंद्रीय सामाजिक न्याय राज्यमंत्री रामदास आठवले, रासपचे नेते महादेव जानकर, राज्यमंत्री अविनाश महातेकर, रयत क्रांतीचे नेते सदाभाऊ खोत, विनायक मेटे आदी नेत्यांनी शनिवारी (ता. २) राज्यपाल भगतसिंग कोश्यारी यांची भेट घेतली. ‘भाजप-शिवसेनेने आपसातील वाद मिटवून लवकरात लवकर राज्यात सत्ता स्थापन करावी’, असे आवाहन या वेळी मंत्री रामदास आठवले यांनी केले. राज्यपालांच्या भेटीनंतर घटक पक्षांचे हे सगळे नेते मुख्यमंत्र्यांच्या वर्षा या निवासस्थानी गेले, तेथे त्यांनी मुख्यमंत्री देवेंद्र फडणवीस यांचीही भेट घेऊन त्यांच्याशी सत्तास्थापनेबाबत चर्चा केल्याचे समजते. 

शरद पवार, सोनिया गांधींची उद्या भेट महाराष्ट्रात शिवसेना आणि भारतीय जनता पक्षामध्ये सरकार स्थापनेवरून सुरू असलेली रस्सीखेच पाहता काँग्रेस-राष्ट्रवादीचीही मोर्चेबांधणी सुरू आहे. काँग्रेसच्या  राज्यातील नेत्यांच्या शिष्टमंडळाने शुक्रवारी काँग्रेस पक्षाच्या प्रमुख सोनिया गांधी यांची भेट घेतली. तसेच उद्या (ता. ४) राष्ट्रवादी काँग्रेसचे अध्यक्ष शरद पवार सोनिया गांधी यांची नवी दिल्लीत भेट घेणार आहेत. या भेटीत शिवसेनेच्या नेतृत्वाखालील सरकारला पाठिंबा देण्याच्या मुद्द्यावर चर्चा होणार आहे. त्याआधी शरद पवार यांनी शनिवारी पक्षाच्या वरिष्ठ नेत्यांची तातडीची बैठक बोलावली होती.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com