agriculture news in marathi, Mahayuti's magic continued in Marathwada | Agrowon

मराठवाड्यात महायुतीचा करिष्मा कायम
टीम अॅग्रोवन
शुक्रवार, 24 मे 2019

नांदेड : मराठवाड्यातील आठ लोकसभा मतदारसंघांतील भारतीय जनता पक्ष-शिवसेना महायुतीचा करिष्मा कायम राहिला आहे. काँग्रेसने नांदेड आणि हिंगोलीच्या जागा गमावल्या आहेत. औरंगाबादेत शिवसेनेच्या गडाला एमआयएमने सुरुंग लावला. 

नांदेड : मराठवाड्यातील आठ लोकसभा मतदारसंघांतील भारतीय जनता पक्ष-शिवसेना महायुतीचा करिष्मा कायम राहिला आहे. काँग्रेसने नांदेड आणि हिंगोलीच्या जागा गमावल्या आहेत. औरंगाबादेत शिवसेनेच्या गडाला एमआयएमने सुरुंग लावला. 

गुरुवारी (ता.२३) सकाळी आठ वाजता मतमोजणीस सुरुवात झाली. सुरुवातीला टपाली मतमोजणी करण्यात आली. त्यानंतर विधानसभा मतदारसंघनिहाय मतदानयंत्रांतील मतमोजणीस सुरुवात झाली. औरंगाबाद वगळता अन्य सात मतदारसंघांत पहिल्या फेरीपासूनच महायुतीच्या उमेदवारांनी घेतलेली आघाडी अखरेच्या फेरीपर्यंत कायम राहिल्याचे चित्र अनेक ठिकाणी दिसून आले. बहुतांश मतदारसंघांत वंचित बहुजन आघाडीच्या उमेदवारांना मिळालेल्या मतांचा काँग्रेस-राष्ट्रवादी काँग्रेसच्या उमेदवारांना फटका बसला. भाजपची एक जागा वाढली, तर शिवसेनेने एक जागा जिंकली, तर एक जागा गमावली.

काँग्रेसचा दोन्ही जागी पराभव

२०१४ च्या निवडणुकीत मोदी लाट असताना राज्यात काँग्रेसला केवळ नांदेड आणि हिंगोलीच्या जागांवर विजय मिळाला होता. परंतु, यंदा या दोन्ही जागी काँग्रेसचा पराभव झाला. नांदेड मतदारसंघात काँग्रेसचे अशोक चव्हाण आणि भाजपचे प्रताप पाटील चिखलीकर यांच्यात चुरशीची लढत झाली. चिखलीकर यांनी सुरुवातीच्या फे-यापासून घेतलेली २० हजारांहून अधिक मतांची आघाडी शेवटपर्यंत कायम ठेवली. वंचित बहुजन आघाडीचे यशपाल भिंगे यांनी दीड लाखांवर मते मिळाली. 

हिंगोली मतदारसंघात शिवसेनेचे हेमंत पाटील यांनी काँग्रेसचे सुभाष वानखेडे यांना सुरुवातीच्या फे-यापासून पिछाडीवर टाकलेले होते. पाटील आणि वानखेडे यांच्यामध्ये ५० टक्क्यांहून अधिक मताधिक्याचा फरक शेवटच्या कायम राहिला.

औरंगाबादमध्ये शिवसेनेला सुरुंग

औरंगाबाद मतदारसंघात शिवसेनेचे खासदार चंद्रकांत खैरे, एमआयएमचे इम्तियाज जलील, अपक्ष हर्षवर्धन जाधव यांच्या लढत झाली. काँग्रेसचे सुभाष झांबड चौथ्या स्थानांवर राहिले. सुरुवातीला जलील आणि जाधव यांच्यात आणि नंतर खैरे आणि जलील यांच्यात लढत झाली. जलील २२ हजार मतांनी आघाडीवर होते.

जालन्यात दानवे 
जालना मतदारसंघात भाजपचे प्रदेशाध्यक्ष रावसाहेब दानवे आणि काँग्रेसचे विलास औताडे यांच्यात लढत झाली. अपेक्षेनुसार दानवे यांनी अडीच लाखांचे मताधिक्य घेतले होते.

परभणीत शिवसेनेचा बालेकिल्ला कायम, परंतु मताधिक्य घटले....
परभणी मतदारसंघात शिवसेनेचे खासदार संजय जाधव आणि राष्ट्रवादी काँग्रेसचे राजेश विटेकर यांच्यात अटीतटीची लढत झाली. शिवसेनेचे जाधव पहिल्या फेरीपासून आघाडीवर होते. मधल्या काही फे-यानंतर जाधव यांचे मताधिक्य कमी अधिक होत होते. जाधव २५ हजारांहून अधिक मताधिक्य होते. वंचित बहुजन आघाडीचे आलमगीर खान यांनी एक लाखाहून अधिक मते घेतली. शिवसेनेचा परभणीचा बालेकिल्ला कायम राहिला, परंतु मताधिक्यात मोठी घट झाली. 

बीडमध्ये मुंडे यांचा करिष्मा.....

बीड मतदारसंघात खासदार प्रीतम मुंडे आणि राष्ट्रवादीचे बजरंग सोनवणे यांच्यात लढत झाली. प्रीतम मुंडे यांनी १ लाख ३० हजार मतांची आघाडी घेतली होती.

उस्मानाबादचा गड शिवसेनेने राखला....

उस्मानाबाद मतदारसंघात शिवसेनेचे ओमराजे निंबाळकर आणि राष्ट्रवादीचे राणा जगजितसिंह यांच्यामध्ये लढत झाली. निंबाळकर यांनी सुरुवातीला घेतलेली आघाडी कायम ठेवली. निंबाळकर यांनी १ लाख १३ हजारांचे मताधिक्य घेतले होते.

लातूरमध्ये भाजपला यश

लातूर मतदारसंघात भाजपचे सुधाकर शृंगारे आणि काँग्रेसचे मच्छिंद्र कामत यांच्यात लढत झाली. शृंगारे यांना १ लाख ९० हजारांचे मताधिक्य होते.

इतर बातम्या
डॉ. नानासाहेब परुळेकर स्मृती पुरस्कार...पुणे ः डॉ. परुळेकर जयंतीनिमित्त ‘सकाळ माध्यम...
कर्जमाफी, ऊसबिलासाठी शेतकऱ्यांचा एल्गारनवी दिल्ली : शेतकरी कर्जमाफी, थकीत ऊसबिल,...
पाण्याच्या उपलब्धतेनुसार पीकरचना करावी...नाशिक  : पाण्याच्या उपलब्धतेनुसार पीकरचना...
अमेरिकन लष्करी अळीची कपाशीवरही चाल ! (...नगर : अमेरिकन लष्करी अळीने (स्पोडोप्टेरा...
महाराष्ट्रात २१ ऑक्टोबरला मतदान, २४ ला...नवी दिल्ली : महाराष्ट्रासह हरियाना राज्य...
मराठवाड्यातील ११ मंडळांत जोरदार पाऊसऔरंगाबाद : मराठवाड्यातील ४२१ मंडळांपैकी ३८४...
`प्रक्रिया उत्पादनांवरील १२ टक्के...रत्नागिरी : कोकणातील फळ उद्योगांसाठी...
सांगली जिल्हा बॅंकेच्या ऑनलाइन परिक्षा...सांगली : जिल्हा बॅंकेतील कनिष्ठ लिपिक पदाच्या...
नांदेड, परभणी, हिंगोली जिल्ह्यांतील सात...नांदेड : नांदेड, परभणी, हिंगोली जिल्ह्यांतील १४६...
कापूस उत्पादकांचा दसऱ्याचा मुहूर्त...अकोला  ः ऑगस्टच्या शेवटच्या आठवड्यापासून...
पहुर्जीरा गावात पाण्यात बैलगाडी उलटलीबुलडाणा  : जिल्ह्यातील खामगाव तालुक्यात...
औरंगाबाद रेशीम उपसंचालक कार्यालयाला...औरंगाबाद : मराठवाड्याची राजधानी औरंगाबाद येथे...
कोकण कृषी विद्याठाकडून बांबूच्या २६...दाभोळ, जि. रत्नागिरी  : कोकणात व्यावसायिक...
नगर जिल्ह्यात तागावर स्पोडोप्टेरा अळीचा...नगर ः मक्यावर अमेरिकन लष्करी अळीने (स्पोडोप्टेरा...
पावसामुळे खानदेशात उडदाचे नुकसानजळगाव  ः सततच्या पावसामुळे खानदेशात उडदाचे...
चांदा ते बांदा योजनेअंतर्गत विविध करारः...मुंबई: राज्यात चांदा ते बांदा योजनेअंतर्गत...
नागपूर विभागात तीन गावे लष्करी अळीच्या...नागपूर ः राज्यभरात मक्‍यावरील अमेरिकन लष्करी...
पुणे जिल्ह्यात हलक्या ते मध्यम...पुणे ः गेल्या चार ते पाच दिवसांपासून पुणे...
मालेगाव तालुक्यात पावसामुळे पिके भुईसपाटनाशिक : मालेगाव तालुक्यातील सौंदणे गावाच्या...
पुणे जिल्ह्यात दोन हजार ३५४ पीककापणी...पुणे ः पिकांची उत्पादकता आणि पीकविमा नुकसानभरपाई...