agriculture news in marathi, Mahindra Agri Solutions Forms Joint Venture with Japan Based Sumitomo Corporation for its Crop Care Business | Agrowon

पीक संरक्षण क्षेत्रात ‘महिंद्रा’ची सुमितोमो कॉर्पोरेशनशी भागीदारी
टीम अॅग्रोवन
मंगळवार, 16 ऑक्टोबर 2018

मुंबई : कृषी अवजारे आणि शेती उत्पादनात देशात आघाडीवर असलेल्या महिंद्रा अॅग्री सोल्यूशन्स कंपनीने पीक संरक्षण क्षेत्रात एक पुढचे पाऊल टाकले आहे. पिकांची निगा राखण्याबाबत भविष्यातील गरज ओळखून ‘महिंद्रा’ने जपानी सुमितोमो कॉर्पोरेशन कंपनीसोबत नुकतीच (ता. १२) भागीदारीची घोषणा केली. जपानी तंत्रज्ञानाच्या माध्यमातून भारतीय शेतकऱ्यांची पीक उत्पादकता वाढविण्यास मदत होणार असल्याचे कंपनीचे म्हणणे आहे. 

मुंबई : कृषी अवजारे आणि शेती उत्पादनात देशात आघाडीवर असलेल्या महिंद्रा अॅग्री सोल्यूशन्स कंपनीने पीक संरक्षण क्षेत्रात एक पुढचे पाऊल टाकले आहे. पिकांची निगा राखण्याबाबत भविष्यातील गरज ओळखून ‘महिंद्रा’ने जपानी सुमितोमो कॉर्पोरेशन कंपनीसोबत नुकतीच (ता. १२) भागीदारीची घोषणा केली. जपानी तंत्रज्ञानाच्या माध्यमातून भारतीय शेतकऱ्यांची पीक उत्पादकता वाढविण्यास मदत होणार असल्याचे कंपनीचे म्हणणे आहे. 

महिंद्रा सुमित अॅग्री सायन्स लिमिटेड (एमएएसएल) असे या नव्या संयुक्त कंपनीचे नाव आहे. आजच्या घडीला कीड-रोगांच्या प्रादुर्भावामुळे देशातील एकूण शेती उत्पादनापैकी अंदाजे ४० टक्के पीक वाया जाते. भविष्यात देशातील दरडोई क्षेत्र घटत जाणार आहे. त्यामुळे शेतकऱ्यांना पीक उत्पादकतेत सुधारणा करूनच शेती उत्पादनात वाढ साधणे शक्य होणार आहे. त्यामुळे काढणीपूर्व व काढणीपश्चात पीक व्यवस्थापनात पिकांचे संरक्षण करणाऱ्या उत्पादनांचा विचार महत्त्वाचा ठरणार आहे. या पार्श्वभूमीवर महिंद्रा सुमित अॅग्री सायन्स लिमिटेडच्या भागीदारीमुळे पिकांची काळजी घेण्यासाठी शेतकऱ्यांना अत्याधुनिक उत्पादने व साधने उपलब्ध होणार आहेत. ‘महिंद्रा’च्या पीक संरक्षण श्रेणीत कीटकनाशके, बुरशीनाशके, तणनाशके, जैविक उत्पादने व पाण्यात विरघळणारी खते यांचा समावेश आहे.   सुमितोमा ही १९९२ पासून पीक संरक्षण क्षेत्रात कार्यरत असून सध्या ही कंपनी जगभरातील ३३ देशांत काम करीत आहे. त्यामुळे या संयुक्त भागीदारी कंपनीला दोन्ही कंपन्यांच्या क्षमतांचा लाभ मिळणार आहे.

शेतकऱ्यांशी संपर्क, देशांतर्गत वितरण व शेतीतील कौशल्य याद्वारे महिंद्रा योगदान देणार आहे, तर सुमितोमो कॉर्पोरेशन पीक संरक्षण क्षेत्रातील मोठ्या व नाविन्यपूर्ण जपानी कंपन्यांच्या सहकार्यातून नवतंत्रज्ञान उपलब्ध करणार आहे. जपानी संशोधन व विकास केंद्रांशी सहकार्य असलेली संयुक्त भागीदार कंपनी असणारी एमएएसएल ही पहिली भारतीय कंपनी असणार आहे. यामुळे जपानमधील नवे तंत्रज्ञान व उत्पादने भारतीय शेतकऱ्यांसाठी उपलब्ध होण्याच्या दृष्टीने मदत होणार आहे.

प्रतिक्रिया...

पिकांचे काढणीपूर्व नुकसान कमी करण्यासाठी सुमितोमाशी भागीदारीतून नवे जागतिक तंत्रज्ञान उपलब्ध करण्याचा हेतू आहे. याद्वारे महिंद्राचा देशाच्या कृषी क्षेत्रातील विस्तार आणि सुमितोमाचे जागतिक कौशल्य यांची सांगड घालणे शक्य होणार आहे. या माध्यमातून देशातील शेतकऱ्यांच्या समृद्धीला हातभार लावण्याचे आमचे ध्येय आहे.
- अशोक शर्मा, 
व्यवस्थापकीय संचालक आणि मुख्य कार्यकारी अधिकारी महिंद्रा अॅग्री सोल्यूशन्स

या संयुक्त भागीदारीमुळे भारतीय शेतकऱ्यांना तंत्रज्ञान व उत्पादने याबाबतीत नावीन्यपूर्ण सेवा उपलब्ध होऊ शकेल. तसेच त्यामुळे शेतकऱ्यांचे उत्पन्न वाढण्यासाठी मदत होईल.
-  तोमाकी तेत्सू,
महाव्यवस्थापक, सुमितोमो कॉर्पोरेशन.

 

इतर ताज्या घडामोडी
मराठवाड्यात पाणीसाठ्याची स्थिती विदारकऔरंगाबाद : अर्धा पावसाळा लोटला तरीही मराठवाड्यात...
बुलडाणा जिल्ह्यात निर्माण झाली १३२५...बुलडाणाः जिल्हा प्रशासन व भारतीय जैन संघटना...
कोकणात नुकसानभरपाईचे वेगळे निकष लावा :...रत्नागिरी : ‘‘सांगली, कोल्हापूरप्रमाणेच कोकणातील...
सिंधुदुर्गात अतिवृष्टीने महावितरणचे चार...सिंधुदुर्ग : जिल्ह्यात झालेल्या अतिवृष्टी आणि...
शेतीमध्ये रासायनिक खतांचा वापर...जालना : सेंद्रिय शेतीमध्ये रासायनिक खतांचा...
परभणी जिल्ह्यात पाण्याअभावी फळबाग...परभणी : जिल्ह्यात गतवर्षीची दुष्काळी स्थिती आणि...
औरंगाबादेत कांदे १००० ते १६०० रुपये...औरंगाबाद : येथील कृषी उत्पन्न बाजार समितीमध्ये...
जळगावच्या पश्‍चिम भागातील प्रकल्प कोरडेचजळगाव ः खानदेशात अनेक भागांत पाऊसमान चांगले असले...
प्रौढांपेक्षा अळ्यांच्या वेगळ्या...गेल्या काही वर्षांमध्ये हानीकारक ठरणाऱ्या किडी...
वर्धा जिल्ह्यात नुकसानग्रस्त भागाची...वर्धा ः जिल्ह्यात पावसामुळे झालेल्या नुकसानीची...
खानदेशात पावसाची टक्केवारी वाढतीचजळगाव ः खानदेशात मागील वर्षाच्या तुलनेत पाऊसमान...
निकृष्ट बांधकामामुळे साकोऱ्यातील बंधारा...नाशिक : नांदगाव तालुक्यातील साकोरा येथे पांझण...
जळगावात मिश्रखतांच्या विक्रीवर परिणामजळगाव ः जिल्ह्यात रासायनिक खतांचा पुरवठा सुरळीत...
सातबारा डिजिटल करण्यात अकोला राज्यात...अकोला ः सातबारा डिजिटल करण्याच्या प्रकल्पात अकोला...
बुलडाण्यात दुष्काळ निधीचे १९५ कोटी...बुलडाणा ः मागील वर्षामध्ये जिल्ह्यावर ओढावलेल्या...
विंचूर एमआयडीसीत १० हजार मेट्रिक टन...नाशिक  : निफाड तालुक्यातील विंचूर येथे सुरू...
औरंगाबाद जिल्ह्याची सर्वांगीण प्रगतीकडे...औरंगाबाद : ‘‘शासन योजनांच्या प्रभावी...
रेशीम उत्पादकांचा सरकारदरबारी...औरंगाबाद : मंत्रिबदलामुळे रेशीम उत्पादकांना...
सिंधुदुर्गात शेकडो एकर भातशेती कुजलीसिंधुदुर्ग : विजयदुर्ग, खारेपाटण आणि राजपूर खाडी...
नाशिक जिल्ह्यातील भात लागवड अंतिम...नाशिक : नाशिक जिल्ह्यात पावसाने गेल्या पंधरा...