agriculture news in Marathi main APMCs closed Maharashtra | Agrowon

महत्त्वाच्या बाजार समित्या अद्याप ‘लॉक’च; शेतकरी त्रस्त

टीम अॅग्रोवन
शुक्रवार, 17 एप्रिल 2020

राज्यात कोरोनास्थिती उद्भवल्यानंतर बंद करण्यात आलेल्या पुणे, कोल्हापूर, सोलापूर, नाशिक, नगर या महत्त्वाच्या बाजार समित्यांत अद्याप बंदच असल्याने फळे-भाजीपाला उत्पादक शेतकऱ्यांचे मोठे नुकसान होत आहे.

पुणे : राज्यात कोरोनास्थिती उद्भवल्यानंतर बंद करण्यात आलेल्या पुणे, कोल्हापूर, सोलापूर, नाशिक, नगर या महत्त्वाच्या बाजार समित्यांत अद्याप बंदच असल्याने फळे-भाजीपाला उत्पादक शेतकऱ्यांचे मोठे नुकसान होत आहे. केंद्र-राज्य सरकारने याबाबत निर्णय जाहीर केल्यानंतरही स्पष्ट अशा हालचाली सुरू झालेल्या नाही. किमान पर्याय उपलब्ध करून देण्याचाही प्रयत्न होत नसल्याबद्दल शेतकऱ्यांत तीव्र नाराजी आहे. विविध विभागातील प्रशासकीय समन्वय न साधल्या जात असल्यामुळे नियोजनात अडथळे निर्माण होत असल्याचा सूर आहे. 

राज्यात सध्या भाजीपाला-फळांचा हंगाम सुरू आहे. चांगल्या पाऊसमानामुळे यंदा उत्पादनही अधिक असतानाचा कोरोना स्थितीमुळे शेतकरी पुन्हा एकदा कोंडीत सापडला आहे. सर्व प्रकारचा फळभाज्या-भाजीपाल्यासह द्राक्ष, कलिंगड, खरबूज, आंबा, केळी, संत्रा, मोसंबी आदी फळे काढणी अवस्थतेत आहेत, तर काहींची काढणी सुरू होणार आहे. मात्र, महत्त्वाच्या बाजार समित्या बंद राहिल्याने शेतकऱ्यांचे मोठे नुकसान झाले आहे, तर काही नुकसान होण्याच्या चिंतेत आहेत. 

कोल्हापुरात भाजीपाला सौदे बंदच
कोल्हापूर बाजारसमितीतील भाजीपाल्याचे सौदे सलग दुसऱ्या दिवशी गुरुवारी (ता.१६) बंदच राहिले. येथून पुढील काळात शुक्रवारपर्यंत गर्दी टाळण्यासाठी भाजीपाल्याचे सौदे बंद करण्याचा निर्णय झाला होता. यामुळे गेल्या दोन दिवसांपासून भाजीपाल्याची आवक झाली नाही. कांदा-बटाटा व फळांचे सौदे नियमित झाल्याची माहिती बाजारसमितीचे सचिव मोहन सालपे यांनी दिली.

सोलापुरात शेतकरी हवालदिल
सोलापूर बाजार समितीत पंधरवड्यापासून कांदा मार्केट आणि सध्या भाजीपाल्याचे लिलाव बंद आहेत. अशावेळी कृषी विभागाने महसूल आणि पोलीस विभागाशी योग्य पद्धतीने समन्वय ठेवून काम करायला हवे, पण असेच कोणतेच काम दिसत नसल्याच्या तक्रारी शेतकऱ्यांनी केल्या आहेत. उत्तर सोलापूर, दक्षिण सोलापूर, मोहोळ या भागातून सर्वाधिक शेतमाल सोलापूर बाजार समितीत येतो. मात्र याकरिता आवश्‍यक परवाने शेतकऱ्यांना मिळवून देण्यासाठी कृषी विभागाने स्वतः पुढाकार घेऊन काम करायला हवे, पण त्याबाबतही कोणीही संपर्क करत नसल्याचे शेतकऱ्यांनी सांगितले. 

नाशिकचा शेतकरी कोंडीत
नाशिक जिल्ह्यातील भाजीपाला उत्पादक उन्हाळ्यात नियोजनपूर्वक करत लागवडी करतात. मात्र, लॉकडाऊनमुळे मागणी व पुरवठा साखळी अडचणीत सापडली आहे. प्रामुख्याने नाशिक जवळील दिंडोरी, निफाड, सिन्नर, इगतपुरी तालुक्यांमधून भाजीपाला नाशिक, वाशी, कल्याण बाजारात जातो तर कसमादे पट्ट्यातील सटाणा, कळवण, मालेगाव व देवळा तालुक्यातील भाजीपाला सुरत बाजारासाठी जातो. मात्र, सध्या ठोस धोरण राबविण्यात न आल्याने बाजार समित्यांच्या धरसोडीच्या निर्णयांचा फटका भाजीपाला आणि फळ उत्पादकांना बसला आहे. 

पुण्यात बाजार समिती बंदच 
गुलटेकडी येथील बाजार समितीचे मुख्य आवार हॉटस्पॉट कक्षेत आल्यामुळे १० एप्रिलपासून बंदच आहे. मात्र, याकरिताच्या पर्यायांचा विचार झाल्याने पुण्यासाठी म्हणून उत्पादन करत असलेल्या किमान आठ जिल्ह्यातील भाजीपाला आणि फळ उत्पादक मोठ्या प्रमाणात अडचणीत आले आहेत. फळे-भाजीपाल्याचे डोळ्या देखत शेतातच नुकसान होत असल्याने शेतकऱ्यांची चिंता वाढली आहे.

बाजार बंदचे परिणाम...

  • फळे-भाजीपाला पिकांचे थेट शेतातच नुकसान
  • शेतकऱ्यांच्या हातातील खेळते भांडवल संपुष्टात
  • मजुरटंचाई असल्याने मजुरीत वाढ
  • निविष्ठांच्या दरातही वाढ; उत्पादन खर्च वाढला
  • भांडवलाची गुंतवणूक व मेहनत वाया
  • कर्जबाजारीपणा वाढला; खरीप नियोजन अडचणीत
  • पूर्वमोसमी, वादळीवारे, गारपिटीच्या सावटाखाली पिके

इतर अॅग्रो विशेष
पावसाचा जोर ओसरणार पुणे ः गेले काही दिवस मराठवाडा, मध्य महाराष्ट्र,...
मोडून पडली काढणीला आलेली केळी औरंगाबाद: काही दिवसांत जवळपास दोन वर्ष...
निर्यातबंदीनंतरही कांदा खाणार भाव पुणे: निसर्ग चक्रीवादळात कांदा रोपवाटिकांचे...
पावसाचे धुमशान सुरुच पुणे   ः राज्यातील काही भागांत...
जळगाव जिल्ह्यात केळीचे १०० कोटींवर...जळगावः केळीसाठी प्रसिद्ध असलेल्या जळगाव...
यांत्रिकीकरण योजना सुरु, पोर्टल मात्र...नगर ः शेती अवजारांसह अन्य वैयक्तिक लाभाच्या...
निम्मे कांदा कंटेनर अद्यापही बंदरावरच नाशिक: कांदा निर्यातबंदीच्या निर्णयाअगोदर मुंबई...
कृषी विभागाच्या विविध पुरस्कारांसाठी...बुलडाणा : कृषी विभागाच्यावतीने देण्यात येणाऱ्या...
कृषी विधेयकांमध्ये मोठा विरोधाभास ः शरद...मुंबई : कृषी विधेयकांवर राज्यसभेत दोन ते तीन दिवस...
तुरीचे दर प्रतिक्विंटल सहा हजारांवरनागपूर : स्थानिक प्रक्रिया उद्योजकांकडून मागणी...
सूक्ष्मदर्शक, स्वयंचलित हवामान केंद्र...तंत्रज्ञान समजून वापर केला तर शेती सुलभ होऊ शकते...
तिढा सुटावा लवकर!मागील गळीत हंगाम अंतिम टप्प्यात असताना राज्यात...
कांदा निर्यातबंदी आवडे सरकारलाकेंद्र सरकारने अचानक कांद्यावर निर्यातबंदी लादली...
खानदेशातील सिंचन प्रकल्प भरलेजळगाव : खानदेशात या महिन्यातील जोरदार पावसाने...
मराठवाड्यात कपाशी काळवंडली, सोयाबीन...औरंगाबाद : सततच्या पावसाने औरंगाबाद, जालना, बीड...
खानदेशातील कांदेबाग केळी काढणीला वेगजळगाव : खानदेशात कांदेबाग केळी काढणी सुरू झाली...
शेती विधेयकांविरोधात शुक्रवारी बंदपुणे ः केंद्र सरकारने लोकसभेत पास केलेल्या...
राहुरी कृषी विद्यापीठासाठी नव्या...पुणे: महात्मा फुले राहुरी कृषी विद्यापीठाच्या...
कांदा बियाण्याची टंचाईनगरः गेल्यावर्षी पाऊस व बदलत्या वातावरणामुळे...
‘कृषी’तील ‘वतनदारी’ निवृत्तीनंतरही कायमपुणे: कृषी आयुक्तालयात वर्षानुवर्षे राखलेली ‘...