खानदेशातील बाजारांमध्ये मक्याची आवक घटली

खानदेशात बाजारात मक्याची आवक मध्यंतरी वाढली. पण मक्याचे दर हमीभावापेक्षा कमी असून, किमान ११०० व कमाल १३०० रुपये प्रति क्विंटलचा दर आहे. दरवाढीची प्रतीक्षा व कमी लागवड यामुळे बाजारातील आवक कमी होत आहे.
खानदेशातील बाजारांमध्ये  मक्याची आवक घटली Maize arrivals in Khandesh markets declined
खानदेशातील बाजारांमध्ये  मक्याची आवक घटली Maize arrivals in Khandesh markets declined

जळगाव : खानदेशात बाजारात मक्याची आवक मध्यंतरी वाढली. पण मक्याचे दर हमीभावापेक्षा कमी असून, किमान ११०० व कमाल १३०० रुपये प्रति क्विंटलचा दर आहे. दरवाढीची प्रतीक्षा व कमी लागवड यामुळे बाजारातील आवक कमी होत आहे. दरात क्विंटलमागे ८० ते १०० रुपयांची वाढ झाली आहे. शेतकरी दरवाढीची प्रतीक्षा करीत असून, किमान जागेवर १५०० ते १६०० रुपये दर मिळावा, अशी अपेक्षा शेतकऱ्यांची आहे.

मक्याची लागवड खानदेशात कमी झाली होती. ही लागवड सुमारे ४१ हजार हेक्टरवर झाली आहे. जळगाव जिल्ह्यात ५० ते ५१ हजार हेक्टरवर मका लागवड केली जात होती. पण लष्करी अळीचा प्रकोप, कमी दर, वाढलेला उत्पादन खर्च, मजूर टंचाई आदी कारणांमुळे लागवड कमी झाली. मका मळणी मार्चच्या अखेरीस सुरू झाली. मळणीला वेग आला आहे. यात आगाप लागवडीच्या मक्याची मळणी पूर्ण झाली आहे. तर अनेक शेतकऱ्यांचा मका पुढील पाच ते सात दिवसांत मळणीवर येईल. बाजारात आगाप लागवडीच्या मक्याची मळणी पूर्ण होऊन आवक सुरू झाली होती. पण त्याचे दर ११०० ते १३०० रुपये प्रतिक्विंटल एवढे  होते.

मक्याची आवक धुळ्यातील शिरपूर, जळगावमधील चोपडा, अमळनेर व जळगाव या बाजारात  वाढत होती. पण ही आवक गेल्या चार दिवसांत चोपडा व अमळनेरात घटली आहे. कारण दर कमी मिळत आहेत. मका साठवून ठेवणे शक्य आहे. दरवाढ झाल्यानंतर बाजारात त्याची विक्री करू, असे शेतकऱ्यांचे म्हणणे आहे. 

जळगाव, चोपडा, अमळनेर येथील बाजार मक्यासाठी प्रसिद्ध आहे. या बाजारात मक्याची आवक मार्चच्या अखेरीस प्रतिदिन सरासरी दोन हजार क्विंटल एवढी होती. पण गेले चार दिवस ही आवक प्रतिदिन सरासरी १६०० क्विंटल, एवढी झाली आहे. दर टिकून असून, प्रतिक्विंटल कमाल १३०० रुपये दर आहे. यंदा लागवड कमी झाली आहे.

उत्पादन एकरी किमान २५०० ते २८०० क्विंटल एवढे येत आहे. काही शेतकरी यापेक्षा अधिक उत्पादन घेत आहेत. पण उत्पादन खर्च एकरी किमान १३ ते १४ हजार रुपये एवढा आला आहे. त्यात अनेकांना वीजबिल भरावे लागले असून, हा खर्चही वाढला आहे. यामुळे शेतकरी दरवाढीची प्रतीक्षा करीत आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com