agriculture news in Marathi, Maize crop in Karnataka, Maharashtra seen hit by heavy rains, Maharashtra | Page 2 ||| Agrowon

पुरामुळे मका पिकाला फटका

कोजेन्सिस वृत्तसेवा
गुरुवार, 22 ऑगस्ट 2019

नवी दिल्ली  ः महाराष्ट्र आणि कर्नाटकात मका उत्पादक पट्ट्यांमध्ये मुसळधार पाऊस आणि पुराने तब्बल १० दिवस थैमान घातले. यामुळे मका पिकाचे मोठे नुकसान झाले आहे. या दोन्ही राज्यांमध्ये तब्बल १८ लाखांपेक्षा अधिक क्षेत्रावर मका पिकाची लागवड झाली आहे, अशी माहिती व्यापारी सूत्रांनी दिली.

नवी दिल्ली  ः महाराष्ट्र आणि कर्नाटकात मका उत्पादक पट्ट्यांमध्ये मुसळधार पाऊस आणि पुराने तब्बल १० दिवस थैमान घातले. यामुळे मका पिकाचे मोठे नुकसान झाले आहे. या दोन्ही राज्यांमध्ये तब्बल १८ लाखांपेक्षा अधिक क्षेत्रावर मका पिकाची लागवड झाली आहे, अशी माहिती व्यापारी सूत्रांनी दिली.

कर्नाटक हे खरीप मका उत्पादनात अग्रेसर राज्य आहे, तर महाराष्ट्रातही मका मोठ्या प्रमाणात घेतला जातो. चालू खरीप हंगामात कर्नाटकातील शेतकऱ्यांनी १० लाख हेक्टरपेक्षा अधीक क्षेत्रावर मक्याची लागवड केली आहे. तर, महाराष्ट्रात ८ लाख २४ हजार हेक्टरवर मका पीक आहे, अशी माहिती राज्यांच्या कृषी विभागाने दिली. कर्नाटकात तब्बल दीड लाख हेक्टरपर्यंत मका पिकाचे नुकसान झाले आहे. यात बागलकोट, रायचूर, दक्षिण कन्नाडा, उत्तर कन्नाडा आणि शिवमोग्गा या जिल्ह्यांमध्ये नुकसानीची पातळी अधिक आहे.

‘‘आम्ही सध्या नुकसानग्रस्त भागाची पाहणी करीत असून, प्रभावित क्षेत्र निश्‍चित करीत आहोत. त्यानंतर किती फटका बसला, हे सांगता येईल. सध्या अनेक भागांत पुराचे पाणी कायम असल्याने आम्ही पाणी कमी होण्याची वाट पाहत आहोत. पाणी कमी झाल्यानंतर आम्हाला प्रभावित भागात जाता येईल आणि अचूक सर्व्हे आणि पीक नुकसानीची पाहणी करता येईल,’’ अशी माहिती कर्नाटक कृषी विभागाच्या अधिकाऱ्यांनी दिली. येथे सध्या मका पीक हे फुलांच्या अवस्थेत आहे. त्यामुळे पावसाचा जास्त फटका बसण्याची शक्यता आहे.

मध्य महाराष्ट्रात मुसळधार पाऊस आणि पुराच्या पाण्यामुळे मका पिकाचे मोठे नुकसान झाले आहे. याच भागात मका पीक मोठ्या प्रमाणात घेतले जाते. यात प्रामुख्याने सांगली, नाशिक, सातारा आणि कोल्हापूर या जिल्ह्यांमध्ये मोठा फटका बसला आहे. 

मध्य महाराष्ट्रात  निम्मे पीक गेले
महाराष्ट्राच्या कृषी विभागाने दिलेल्या माहितीनुसार सांगली, नाशिक, सातारा आणि कोल्हापूर या जिल्ह्यांमध्ये मका पिकाचे उत्पादन मोठ्या प्रमाणात होते. परंतु, मागील काही दिवसांमध्ये आलेल्या पुरामुळे येथील पीक धोक्यात आले आहे. सांगली, नाशिक आणि कोल्हापूर जिल्ह्यांतील जवळपास निम्मे पीक हातचे गेले आहे. राज्यात ८ लाख २४ हजार हेक्टरवर मका पीक लागवड झाली. त्यात नाशिक जिल्ह्यात दोन लाख ९ हजार ८५९ हेक्टर, सांगली जिल्ह्यात ३५ हजार हेक्टर आणि कोल्हापूर जिल्ह्यात ११ हजार ७८१ हेक्टरवर लागवड झाली होती.

कर्नाटकात सात लाख हेक्टर पिकांचे नुकसान
कर्नाटकमधील कृषी विभागातील अधिकाऱ्यांनी दिलेल्या माहितीनुसार, राज्यात गेल्या काही दिवसांमध्ये पावसाने थैमान घातले आहे. तसेच, नद्यांना आलेल्या पुरामुळे शेती आणि पिकांचे मोठे नुकसान झाले आहे. राज्यात पुरामुळे जवळपास २०० लोकांना आपला जीव गमवावा लागला असून, अनेक लोक बेघर झाले. तर, तब्बल सात लाख हेक्टरवरील म्हणजेच राज्यातील एकूण पेरा झालेल्या क्षेत्राच्या १० टक्के शेती पिकांचे नुकसान झाले आहे. यात मका पिकाचे जवळपास एक ते दीड लाख हेक्टरवर नुकसान झाले आहे. 


इतर अॅग्रो विशेष
नदी संवर्धनाचा केरळचा आदर्शकेरळ हे भारताच्या दक्षिण टोकाचे एक राज्य. अरबी...
शेतमजुराच्या मुलीने पटकावला ‘शिवछत्रपती...अकोला ः प्रबळ इच्छाशक्तीच्या जोरावर एका खेड्यातील...
साडेआठ हजार कोटी खर्चूनही 'जलयुक्त' फेल...मुंबई : फडणवीस सरकारची महत्त्वाकांक्षी जलयुक्त...
पीक विमा योजना यापुढे ऐच्छिक; केंद्र...नवी दिल्ली : केंद्र सरकारने शेतकऱ्यांना दिलासा...
राज्यात तापमानात चढ-उतार शक्यपुणे : राज्याच्या कमाल आणि किमान तापमानात वाढ...
सेंद्रिय धान्य महोत्सवातून हक्काची...तीन-चार वर्षांपासून कृषी विभागातर्फे पुणे येथे...
प्रयोगशीलतेने घडविली समृद्धी..अवर्षणग्रस्त कर्जत तालुक्यातील पाटेगाव (जि. नगर)...
राज्यासह देशात शिवजयंती उत्साहात साजरीपुणे : महाराष्ट्राचे आराध्य दैवत छत्रपती शिवाजी...
शिवरायांची भविष्यवेधी ध्येयधोरणेछत्रपती शिवाजी महाराजांच्या रूपाने रयतेचा राजा...
आपणच आपला करावा उद्धारशेती फायद्याची करायची असेल, तर शेतकऱ्यांनी एकत्र...
हवामानबदलाशी लढण्यासाठी एक हजार कोटी...पुणे ः जागतिक हवामानबदलाची समस्या संपूर्ण जगासमोर...
राज्यात उन्हाच्या झळा वाढल्यापुणे : राज्यात कमाल तापमानात मोठी वाढ झाल्याने...
कापसाचे ६४७ कोटींचे चुकारे थकीतअमरावती ः बाजारात दर कोसळल्याने महाराष्ट्र राज्य...
‘पणन’ची कापूस खरेदी उच्चांकी दिशेनेऔरंगाबाद : महाराष्ट्र राज्य कापूस उत्पादक पणन...
शिवजयंतीनिमित्त मिरवणुकीत ८५ स्वराज्यरथ...पुणे : ‘‘पुण्यात शिवजयंती महोत्सव समितीतर्फे आज...
सेवानिवृत्त पोलिस उपअधीक्षकाची...औरंगाबाद शहरापासून सुमारे बारा किलोमीटरवर...
कापूस उद्योगाचे चीनमध्ये पाच हजार कोटी...जळगाव ः देशातील सूत व कापूस गाठींचा मोठा खरेदीदार...
हमीदराने खरेदीसाठी तुरीचे संपूर्ण...वाशीम ः तुरीचे स्वतंत्रपणे पीक घेण्याची पद्धत...
पंधरा लाख कापूस गाठींची खानदेशातील...जळगाव ः कापसाची खेडा खरेदी मागील आठवड्यात...
शेतीमाल निर्यातवाढीसाठी सुकाणू समितीची...पुणे : राज्य सरकारने स्वतंत्र कृषी निर्यात धोरण...