agriculture news in marathi Maize prices improved in Khandesh | Agrowon

खानदेशात मका दर सुधारले

टीम अॅग्रोवन
गुरुवार, 25 फेब्रुवारी 2021

जळगाव : खानदेशातील प्रमुख बाजार समित्यांमध्ये दर्जेदार मक्याला प्रतिक्विंटल कमाल १ हजार ४०० रुपये दर मिळाला आहे.

जळगाव : खानदेशातील प्रमुख बाजार समित्यांमध्ये दर्जेदार मक्याला प्रतिक्विंटल कमाल १ हजार ४०० रुपये दर मिळाला आहे. दरात गेल्या १५ दिवसांत क्विंटलमागे १०० ते १२५ रुपयांची सुधारणा झाली आहे.

मध्यंतरी किमान दर १००० व कमाल दर १ हजार २७५ रुपये प्रतिक्विंटल, असे होते. दरात सुधारणा दिसत नव्हती. शासकीय खरेदी देखील बंद आहे. यामुळे बाजारात मक्याची विक्री शेतकरी करीत होते. अशातच मक्याची आवक गेल्या महिन्यात निम्म्यापेक्षा अधिक घटली. यानंतर दरात सुधारणा सुरू झाली आहे.

गेल्या पंधरवड्यात मक्याला प्रतिक्विंटल १ हजार २७५ रुपये प्रतिक्विंटलचा दर होता. तर या आठवड्यात कमाल दर १ हजार ४०० रुपयांपर्यंत पोचला आहे. दरात सुधारणा झालेली असली तरी सध्या आवक कमी आहे. खरिपातील मक्याची विक्री बहुसंख्य शेतकऱ्यांनी केली आहे. रब्बी हंगामातील मक्याची विक्री सुरू झालेली नाही. कारण काढणी एप्रिलमध्ये सुरू होईल. आगाप लागवडीच्या मक्याची काढणी पुढील आठवड्यात सुरू होईल. 

मक्याची आवक जळगाव जिल्ह्यातील चोपडा, अमळनेर, जळगाव या बाजार समित्यांमध्ये अत्यल्प अशीच आहे. धुळे जिल्ह्यात मक्यासाठी प्रसिद्ध असलेल्या शिरपूर, दोंडाईचा (ता. शिंदखेडा) येथील बाजारातही आवक कमी आहे. जळगाव जिल्ह्यात चोपडा, अमळनेर, जळगाव या बाजारात गेल्या चार दिवसांत प्रतिदिन मिळून सरासरी एक हजार क्विंटल मक्याची आवक झाली आहे.

नोव्हेंबरमध्ये या बाजार समित्यांमध्ये प्रतिदिन सरासरी मिळून आठ हजार क्विंटल एवढी आवक सुरू होती. शेतकऱ्यांकडील आवक कमी असल्याने या दरातील सुधारणांचा लाभ शेतकऱ्यांना फारसा होताना दिसत नसल्याची स्थिती आहे. व्यापारी ते व्यापारी, असे व्यवहार सुरू आहेत. जिल्ह्याबाहेर व मध्य प्रदेशातही मक्याची साठवणूक खानदेशातील व्यापारी करीत आहेत. शेतकऱ्यांकडील आवक सुरू होईल तोपर्यंत मका दर टिकून राहावेत, अशी अपेक्षा शेतकऱ्यांना आहे.


इतर ताज्या घडामोडी
खरीप हंगामाच्या तोंडावर ...यवतमाळ : गेल्या दशकात जिल्ह्यातील शेतकरी कधी...
अमरावतीत शासकीय दूध योजनेच्या संकलनात ...अमरावती : कोरोनामुळे हॉटेल आणि दुग्धजन्य पदार्थ...
‘आंबेओहोळ’ची घळभरणी अंतिम टप्यात उत्तूर, जि. कोल्हापूर : आरदाळ-उत्तूर (ता. आजरा)...
म्हैसाळ योजनेतून सांगोल्यासाठी पाणी...सांगोला, जि. सोलापूर : सांगोला वितरिका क्रमांक...
सहा कारखान्यांनी उरकले गाळप; ९७ लाख ३८... सातारा : जिल्ह्यातील साखर हंगाम अंतिम टप्प्यात...
खरिपासाठी नगरमध्ये साडेसहा लाख हेक्टर...पुणे नगर : नगर जिल्ह्यात यंदा खरिपासाठी यंदा ६...
परभणीतील शेतकऱ्यांना ८३ कोटींचा विमा...परभणी : पंतप्रधान पीकविमा योजनेअंतर्गंत सन...
ग्रामसभा करणार तेंदुपत्याची विक्री गडचिरोली : पेसा (पंचायत एक्स्टेंशन टू शेडूल...
ग्रामीण रुग्णांसाठी जिल्हा परिषद...सोलापूर ः जिल्ह्याच्या ग्रामीण भागामध्ये कोरोनाचा...
कृषी पणन मंडळाकडून आॅनालाइन आंबा...पुणे ः कोरोना संकटातही आंबा उत्पादक शेतकऱ्यांच्या...
अखेर मोसंबी उत्पादकांना विमा परतावा...जालना : जिल्ह्यातील सहा हजारांवर मोसंबी...
राहीबाई पोपेरे यांची वनस्पती संरक्षण...नाशिक : भारत सरकारच्या कृषी व शेतकरी कल्याण...
डाळिंब अंबिया बहरातील कीड- रोग...डाळिंब बागेत विविध कीड-रोगांचा प्रादुर्भाव मोठ्या...
कोरोनाबाबत डाॅ. सिंग यांनी सूचवलेला...नांदेड : कोरोनाविरूद्ध लढण्यासाठी माजी पंतप्रधान...
कोरोना व्हॅक्सिनसाठी वयाची अट शिथिल...कोल्हापूर : भाजीपाला, दूध उत्पादक तसेच...
पुणे बाजार समितीत गर्दीला बसणार लगामपुणे : शहरात कोरोना संसर्गामुळे लावण्यात आलेल्या...
गोसीखुर्द धरणाच्या पाण्याचे ...चंद्रपूर : प्रकल्पाच्या पाणलोट क्षेत्रात झालेल्या...
पुणे जिल्ह्यातील धरणांत ७८ टीएमसी...पुणे : गेल्या दीड महिन्यापासून उन्हाच्या झळा...
कोट्यवधींच्या कर्जवसुलीसाठी स्थापन...नांदेड : जिल्हा मध्यवर्ती बँकेची आर्थिक परिस्थिती...
पालखेडच्या आवर्तनाने शेतीसह पिण्याच्या...येवला, जि. नाशिक : पालखेड डाव्या कालव्यातून...