agriculture news in Marathi maize producers waiting for government decision Maharashtra | Page 2 ||| Agrowon

मका उत्पादकांचे लक्ष शासनाच्या निर्णयाकडे

टीम अॅग्रोवन
मंगळवार, 4 ऑगस्ट 2020

 हमीभाव खरेदी केंद्रांवरील खरेदी बंद होऊनही शेकडो वाहनांत मका घेऊन शेतकरी केंद्रांवर मुक्काम ठोकून आहेत. 

औरंगाबाद: हमीभाव खरेदी केंद्रांवरील खरेदी बंद होऊनही शेकडो वाहनांत मका घेऊन शेतकरी केंद्रांवर मुक्काम ठोकून आहेत. मात्र, मका खरेदी पुन्हा सुरु करण्याची मदार पूर्णतः राज्य शासनाचा रेटा व केंद्राच्या निर्णयावरच अवलंबून आहे. मात्र, ‘ॲग्रोवन’च्या वृत्तानंतर जिल्हा प्रशासनाने कोणत्या केंद्रावर किती वाहनांची नोंदणी झाली व किती वाहने आज घडीला मका घेऊन उभी आहेत याची माहिती मागितल्याचे सूत्रांनी सांगितले.

मका खरेदी केंद्रावर वाहने घेऊन आलेल्या काहींना नोंद घेतली निर्णय झाल्यावर बोलावू, असे सांगून परत पाठविले. परंतु अजूनही आपली मका शासन खरेदी करेल, या आशेने औरंगाबाद व जालना जिल्ह्यातील केंद्रांवर शेकडो वाहने उभी आहेत. औरंगाबाद व जालना जिल्ह्यातील जालना, जाफराबाद, भोकरदन, कन्नड, फुलंब्री, खुलताबाद वैजापूर आधी केंद्रांवर जवळपास ६८६ शेतकऱ्यांच्या वाहनांना आपली मका खरेदी होण्याची प्रतीक्षा होती. त्यांनंतरही शेतकरी वाहनांसह अनेक केंद्रांवर ठाण मांडून आहेत. 

खरेदी सुरू असतानाच पोर्टल बंद पडल्याने अनेकांच्या खरेदी केलेल्या मक्याची ऑनलाइन नोंद करणेही बाकी राहिले. आता पुन्हा खरेदी सुरू करावयाची असल्यास राज्य शासनाला याविषयी केंद्र सरकारकडे पाठपुरावा करावा लागणार आहे. खरेदी तत्काळ सुरू करावी, अशी मागणी शेतकरी करत आहेत.

मुदतवाढ देताना शासनाने लक्षांक न देता मुदतीपर्यंत खरेदी सुरू ठेवली असती तर या अडचणी आल्या नसत्या, असेही मका उत्पादकांचे म्हणणे आहे. मार्केटिंग फेडरेशनने वरिष्ठ कार्यालयाकडे खरेदीची व शिल्लक व अपेक्षित खरेदीची माहिती पाठविली असल्याचेही सूत्रांनी सांगितले.

रब्बी मका खरेदी एप्रिलमध्ये सुरू होणे अपेक्षित असताना मे अखेरीस सुरू झाली. त्यातही कोरोना संकटामुळे खरेदीवर मर्यादा आल्या. राज्यासाठी खरेदीचा लक्षांक असल्याने अचानक तो पूर्ण होऊन पोर्टल बंद पडले. ते सुरू होण्याला मुदतवाढ मिळाल्यानंतर ही साधारणतः एक दिवसाचा विलंब झाला आदी प्रकारांचा मनस्ताप मका उत्पादकांना सहन करण्याची वेळ आली.

बोनस द्यावा
विदर्भातील धान उत्पादकांना बोनस दिला जातो. त्याप्रमाणे मराठवाड्यातील मका उत्पादकांना बोनस द्यावा. शेतकरी अडचणीत असतानाही बोनस देण्याच्या पर्यायाचा शासनकर्ते व लोकप्रतिनिधी का विचार करत नाहीत? असा प्रश्न मराठवाड्यातील शेतकरी उपस्थित करीत आहेत.

प्रतिक्रिया
माझा १५० क्विंटल मका पडून आहे. मी नाव नोंदणी केली होती आणि मला मेसेज पण आला. मेसेज आल्यानंतर मी खरेदी केंद्रावर गेला असता त्यांनी सांगितले की पोर्टल बंद झाले आहे. शासनाला माझी कळकळीची विनंती आहे की, राहिलेल्या शेतकऱ्यांचा मका खरेदी करण्यात यावा.    
- आबा शांताराम कोल्हे, मका उत्पादक, घोसला, जि. औरंगाबाद


इतर अॅग्रो विशेष
वऱ्हाडातील मोठे, मध्यम प्रकल्प तुडुंबअकोला ः वऱ्हाडात बहुतांश तालुक्यांमध्ये पावसाने...
मध्य महाराष्ट्र, कोकणात वादळी पावसाचा...पुणे ः महाराष्ट्राच्या उत्तर किनारपट्टीवर...
पावसाचा कहर, पिकांची नासाडी सुरुचपुणे ः राज्यात पावसाचा जोर वाढतच आहे. रविवारी (ता...
सांगली : डाळिंब बागांचे ५० कोटींहून...सांगली ः डाळिंबाला अगोदर निसर्गाची साथ मिळाली...
`क्रॉपसॅप`मध्ये ३३ कोटींची कपात पुणे: कोविड १९ मुळे ग्रामीण भागात तयार झालेल्या...
पशुपालन,दूध प्रक्रियेतून वाढविला नफाशिरसोली (जि.जळगाव) येथील डिगंबर रामकृष्ण बारी...
संरक्षित शेतीतून शाश्वत उत्पादनाकडे...वाढत असलेली दुष्काळी परिस्थिती आणि बदलते हवामान...
बळीराजालाच बळी देण्याचा प्रकार?शेती क्षेत्रातील सुधारणाविषयक तीन वटहुकूम असोत...
नाशिकमध्ये कांदा निर्यातबंदीमुळे कामकाज...नाशिक : केंद्राच्या वाणिज्य मंत्रालयाने कांदा...
मराठवाड्यात पावसाचा धुमाकूळ सुरूचऔरंगाबाद : मराठवाड्यात पावसाचा धुमाकूळ सुरूच आहे...
बुलडाणा : नवीन सोयाबीनला चिखलीत ३८८१...बुलडाणा ः या हंगामात लागवड केलेल्या सोयाबीनची...
पावसाने पुन्हा दाणादाणपुणेः मराठवाड्यासह नाशिक, नगर, पुणे आणि...
फवारणी विषबाधाप्रकरण स्वित्झर्लंडच्या...यवतमाळ: यवतमाळ जिल्ह्यातील तीन शेतकऱ्यांनी २०१७...
अभूतपूर्व गदारोळात कृषी विधेयके मंजूरनवी दिल्ली: गगनभेदी घोषणा, धक्काबुक्की,...
‘आत्मा’चे पंचवार्षिक आराखडे रखडलेपुणे: शेतकऱ्यांपर्यंत कृषी विषयक योजना कशा...
‘पोकरा’ प्रकल्पातील वैयक्तिक लाभ...नांदेड : कोरोना (कोवीड -१९) संसर्गामुळे शासनाच्या...
मूग खरेदी एक ऑक्टोबरपासूनमुंबई: हमीभावाने मूग खरेदीच्या मान्यतेचा प्रस्ताव...
मराठवाड्यात वादळी पावसाची शक्यतापुणे ः राज्यात अनेक ठिकाणी मेघगर्जनेसह जोरदार...
मुसळधार पावसाचा तडाखापुणे ः  मध्य महाराष्ट्र व मराठवाड्यात काही...
कुटुंबातील सदस्याला शेतकरी अपघात विमा...पुणे ः गोपिनाथ मुंडे शेतकरी अपघात विमा योजनेचा...