बार्शी तालुक्‍यात सोयाबीनचे मोठे नुकसान

वैराग, जि. सोलापूर: बार्शी तालुक्‍यात गेल्या दहा दिवसांपासून सतत पाऊस पडत आहे. त्यामुळे सोयाबीन, उडीद व मूग पिकाचे मोठ्या प्रमाणात नुकसान झाले आहे.
Major loss of soybean in Barshi taluka
Major loss of soybean in Barshi taluka

वैराग, जि. सोलापूर : बार्शी तालुक्‍यात गेल्या दहा दिवसांपासून सतत पाऊस पडत आहे. त्यामुळे सोयाबीन, उडीद व मूग पिकाचे मोठ्या प्रमाणात नुकसान झाले आहे.

तालुक्‍यात सर्वांत जास्त सोयाबीन क्षेत्र आहे. सध्या सोयाबीन पीक काढणीच्या भरात आहे. त्याच वेळी सतत पाऊस पडत असल्यामुळे तसेच पाणी व रोगट हवामानामुळे सोयाबीनचे पीक झाडालाच नासू लागले आहे. तर, काही ठिकाणी सोयाबीनचे पीक पूर्णपणे पाण्याखाली गेले आहे.

एकट्या बार्शी तालुक्‍यातच जवळपास ३५ हजार हेक्‍टरहून अधिक क्षेत्रावर सोयाबीन आहे. यापैकी जवळपास ७० टक्के सोयाबीन हातातून गेले आहे. सोयाबीनशिवाय उडीद, मूग आदी पिकांचाही समावेश तालुक्‍यात सर्वाधिक आहे. बार्शी तालुक्‍यातील अशा नुकसान झालेल्या मूग, उडीद व सोयाबीन पिकांचे पंचनामे करावेत, या मागणीचे निवेदन शेतकऱ्यांच्या वतीने तहसिलदार किरण जमदाडे यांना देण्यात आले. 

पानगाव, पागंरी, गौडगाव, मळेगाव पट्ट्यात सर्वाधिक नुकसान

पानगाव, पांगरी, गौडगाव, मळेगाव आदी बहुतेक सर्व पट्ट्यात सोयाबीन, उडीद आणि मूगाचे नुकसान झाल्याचे या निवेदनात म्हटले आहे. या गावातील शेतकरी भास्कर काकडे, प्रमोद पाटील, युवराज काजळे, प्रशांत भड, संदीप भड आदींनी थेट तहसिलादरांना प्रत्यक्ष भेटून आपली कैफियत मांडली. आता प्रशासन त्याची दखल घेते का, याकडे शेतकऱ्यांचे लक्ष आहे.

यंदा पाऊस वेळेवर झाल्याने सहा एकर सोयाबीन पेरले. पीक चांगले व काढणीला आले असताना, सतत सहा दिवस झालेल्या पावसामुळे शेतात पाणी साचले. परिणामी, सोयाबीन पिकाचे मोठे नुकसान झाले. आता तातडीने पंचनामे करुन मदत मिळायला हवी. - उत्कर्ष देशमुख, शेतकरी,  रातंजन, ता. बार्शी

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com