निकृष्ट बियाणेप्रकरणी सर्व कंपन्यांवर गुन्हे दाखल करा : शेतकरी मराठा महासंघ

जिल्ह्यात गेल्या एक महिन्याच्या कालावधीत बाजरी, सोयाबीनच्या निकृष्ट बियाण्याचा पुरवठा केल्यामुळे उगवण झाली नसल्याबाबत आत्तापर्यंत ७६८ शेतकऱ्यांनी कृषी विभागाकडे तक्रारी दाखल केल्या.
soybean
soybean

नगर: जिल्ह्यात गेल्या एक महिन्याच्या कालावधीत बाजरी, सोयाबीनच्या निकृष्ट बियाण्याचा पुरवठा केल्यामुळे उगवण झाली नसल्याबाबत आत्तापर्यंत ७६८ शेतकऱ्यांनी कृषी विभागाकडे तक्रारी दाखल केल्या. याची चौकशी करून निकृष्ट बियाणे पुरवणाऱ्या सर्व कंपन्यांवर गुन्हे दाखल करावेत. आठ दिवसात दखल घेतली नाही तर राज्यभरातील प्रत्येक कृषी विभागाच्या कार्यालयात शेतकरी मराठा महासंघ आंदोलन करेल, असा इशारा शेतकरी मराठा महासंघाचे प्रदेशाध्यक्ष संभाजी दहातोंडे पाटील यांनी दिला. संभाजी दहातोंडे पाटील यांनी मुख्यमंत्री, उपमुख्यमंत्री, कृषिमंत्री यांना दिलेल्या निवेदनात म्हटले आहे की, नगर जिल्ह्यात गेल्या एक महिन्याच्या कालावधीत बाजरी, सोयाबीनच्या निकृष्ट बियाण्याचा पुरवठा केल्यामुळे उगवण झाली नसल्याबाबत आत्तापर्यंत ७६८ शेतकऱ्यांनी कृषी विभागाकडे तक्रारी दाखल केल्या. पंचनामे करून बियाणे उगवण झाली नाही, असे तालुका तक्रार निवारण समितीने स्पष्ट केले. मात्र कोपरगाव व पारनेर येथे प्रत्येकी एका कंपनीवर गुन्हा दाखल केला असून तब्बल ३१ कंपन्यांनी निकृष्ट बियाणे पुरवठा केलेला आहे. इतर कंपन्यांवर गुन्हा दाखल का केला जात नाही?  त्यांना कोण पाठीशी घालत आहे? याची चौकशी करून निकृष्ट बियाणे पुरवणाऱ्या सर्व कंपन्यांवर गुन्हे दाखल करावेत.   स्वतः लक्ष घालून कारवाई करावी, आठ दिवसांत दखल घेतली नाही तर राज्यभरातील प्रत्येक कृषी विभागाच्या कार्यालयात शेतकरी मराठा महासंघ आंदोलन करेल व कृषी कार्यालय कार्यकर्ते बंद करतील, असे शेतकरी मराठा महासंघाचे प्रदेशाध्यक्ष संभाजी दहातोंडे पाटील यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com